Beysenbi, 1 Jeltoqsan 2022
Qauip etkennen aitamyn 5452 0 pikir 11 Mausym, 2014 saghat 16:03

BÚL NE QYLGhAN JANAShYRLYQ?

 

 

    Qazirgi tanda bizding Qostanayda «Donbass balalaryn qútqarayyq!» degen úran kóterilip, biraz júrt dýrligip jatyr. Ásirese, orystildi baspasózding qúdayy berip qaldy. Olar jogharydaghy úrandy alaulatyp tu qylyp ústaghan elektrondy fleshmobqa әlem júrtshylyghy kóz tigip otyr, múny bәri qoldap jatyr dep әkelderi úl tapqanday quanyp jatyr. Sol baspasózding tilimen aitsaq, janaghy sayttargha jer sharynyng barlyq adamzat qauymy jantalasyp qosylyp jatqangha úqsaydy.

    Múnday baspasózge sener bolsaq, janaghy aksiyagha qosyludyng qiyndyghy joq kórinedi. Tek «Donbass balalaryn qútqarayyq!» degen úrangha suret qosyp, internettegi ózinizding әleumettik jelinizge ornalastyrsanyz boldy. Al múnday sayttar tolyp jatqan kórinedi.

     Mәselen, osynday sattardyng biri—http//vk.com/public72169780 әleumettik jelisindegi jelikkenderding bir toby “Halayyq, birigieyik te, osyghan qosylayyq. Ondaghylar bizding bauyrlar ghoy» dep kóz jasyn kóldetip otyrghany bayqalady. Al endigi bir http//Iikepic.ru/2014/save-donbass-children  saytynda Donbastaghy qolyna qaru alyp kýresken separatisterding balalaryna qanday kómek kórsetu kerek ekendigin tәptishtep týsindiripti. Ne degen janashyrlyq desenizshi. Tipti bir qyzyghy, múnday aksiyagha biraz jurnalister de bel sheshe kirisip ketipti.

    Sonda múnday arandatushylyqtyng sasyq iysi shyghyp túrghan aksiyany qalay baghalaymyz? Ózimiz sekildi keshe ghana tәuelsizdik alghan elding tútastyghyna qarsy qolyna qaru alyp qarsy shyqqan teris pighyldy separatisterding qoltyghyna su býrikkenimiz be búl? Ukrain halqy múnymyzdy dúshpandyq dep baghalamasyna kim kepildik beredi?

    Aytpaqshy, búl bastamamyz ana Shymkentte de jalghasyp tapqan kórinedi. Onda Donbassqa kómek dep әrtýrli azyq-týlik pen dәri-dәrmek jinalyp jatqandyghy turaly  Mail.ru men Nur.kz sekildi sayttar quana habarlap jatqandyghyn oqydyq. Sirә, búl bastamanyng býkilhalyqtyq sipat alyp ketetin týri bar.

Múratbek Dәurenúly.

Qostanay.

Abai.kz

0 pikir

Ýzdik materialdar