Siriya men Irak jerinde halifat qúrghandaryn jariyalaghan terroristik toptyng Qazaqstandy da ózderining qúramyna kirgizu jospary bar siyaqty. Úlybritaniyalyq "Deyly Meyli" basylymy jariyalaghan maqalada olardyng kartasy men aldaghy 5 jylda Qazaqstan jerin týgeldey ózderine qosyp aludy kózdegeni aitylghan. Qazirgi uaqytta Qazaqstannyng resmy organdary búghan qatysty ýnsiz jatqanymen, sayasattanushylar qauipting betin qaytaru turaly oilaryn ortagha saldy.

Jana memleket ómirge keldi dep jar salghan halifatshylar ózderining kóshbasshylaryn da saylap alghan. Ekstremisterding kósemi Abu bakr Al-Baghdady dýnie jýzi músylmandary halifke adaldyghyn bildirsin jәne qoldasyn degen úran tastapty. Islam atyn jamylyp qaruly kýshpen oiran salyp jýrgen jihadshylardyng kartasyna Qazaqstannyng týgeldey kirip ketui eldegi diny ahualdan da habar beretindey. Jaqynda ghana Ózbekstan, Qyrghyzstan, Aughanstannan bastap, diny ahualdy zerttep AQSh-qa deyin baryp kelgen Erlan Qarin mәselege óte nәzik qarau kerek deydi.

ERLAN QARIYN, sayasattanushy:

-       Ortalyq Aziya memleketterine tikeley qaruly týrde kiru mýmkindigi joq. Onday yqtimaldylyghy tómen. Degenmen búl úiymnyn, búl toptardyng júmysyna jaybaraqat qaraugha bolmaydy. Múndaghy negizgi qauip – bizding elding azamattary qazirding ózinde Irak pen Siriyadaghy úrystargha qatysuy. 

Siriyada soghys jýrgizip jatqan terrorister mausym aiynyng basynda Iraktyng batysy men soltýstigin jaulap alghan. Birneshe qala men eldimekenderdi basyp alyp, 500-600 million dollarday qarjyny qaltagha basqan halifatshylar, rasymen, әlemge qauip tóndirip túr deydi sarapshylar. Olardyng pikirinshe, qarjynyng kómegimen jýzege asatyn lankestik әreketterge jol bermeu ýshin, jihadshylardy qazirgi mekenderinde túnshyqtyru qajet.

AYDOS SARYM, sayasattanushy:

-       Birden bir osyghan jauapty úiym ol - diny basqarma. Yaghny biz ózimizding dinimizdi dúrys týsindirip, jetkizip jatqan joqpyz. Olargha syrttan kelip jatqan, internet arqyly, basqa arqyly, missionerler arqyly kelip jatqan aqparattar әldeqayda senimdi, nanymdy, dәleldi boldy degen sóz ghoy búl.

JARAS NIYaZBEK, tilshi:

Qazaqstannan jihadqa attanghan dinshil otandastarymyz turaly, olardyng qazirgi jay-kýii jayynda resmy oryndar men arnayy mekemeler jaq ashpay otyr. Ghalamdyq jelige jariya bolghan halifat kartasy jay ghana ýgit-nasihat qúraly degen kýnning ózinde, tayau shyghysqa attanghan qandastar qayta kelip, elimizge qauip tóndirmesine kim kepil.

Derekkózi: 31-arna