Särsenbi, 27 Mamır 2020
COVID-19 QAZAQSTANDA. Jwqtırğandar — 9304. Jazılğandar — 4746. Qaytıs bolğandar — 37
Bilik 4272 0 pikir 8 Şilde, 2014 sağat 10:35

V.Putin: Nwrswltan Nazarbaev - köregen sayasatker, öz eliniñ nağız köşbasşısı

Resey basşısı Vladimir Putin Qazaqstan Prezidenti Nwrswltan Nazarbaevqa qwttıqtau jedelhatın joldadı, dep habarladı RF Prezidentiniñ baspasöz qızmeti.

Resey Prezidenti öz qwttıqtauında N.Ä.Nazarbaevtıñ otandastarınıñ şınayı qwrmetine bölengenin, sonday-aq parasattı äri täjiribeli sayasatker, öz eliniñ nağız köşbasşısı retinde joğarı halıqaralıq bedelge ie ekenin atap ötken.

V.Putin sonımen birge, Qazaqstan tarihındağı äleumettik, ekonomikalıq jäne sırtqı sayasi jetistikterge tolı twtas bir kezeñniñ N.Nazarbaevtıñ esimimen baylanıstı ekenin atap ötti.

Sonımen birge, V.Putin N.Ä.Nazarbaevtıñ Resey men Qazaqstan arasındağı strategiyalıq äriptestik pen odaqtastıqtı nığaytuğa qosqan ülken ülesine de toqtalıp ötken.

Resey Prezidenti N.Ä.Nazarbaevtıñ Euraziyalıq odaq qwru turalı ideyası tarihi mänge ie dep atap ötti. V. Putin 2015 jıldıñ 1 qañtarınan iske qosılatın EAEO-nı qwru turalı ortaq şeşim odaqqa kiretin elderdegi halıqtıñ äl-auqatın arttıruğa mümkindik beretindigine senim bildirdi.

Söziniñ qorıtındısında V.V.Putin Qazaqstan Prezidentimen aradağı senimdi, ornıqqan dostıq qarım-qatınastı joğarı bağalaytının jäne eki eldiñ bolaşağı üşin birlesken jwmıstar jalğasa beretinine ümitti ekenin jetkizdi.

Bwğan deyin habarlağanımızday, bügin Qazaqstan men Resey basşıları telefon arqılı söylesken bolatın. Onda Resey Prezidenti V. Putin Wlt Köşbasşısı N.Nazarbaevtı tuğan künimen tağı bir märte qwttıqtağan edi.

0 pikir