Särsenbi, 5 Tamız 2020
COVID-19 QAZAQSTANDA. Jwqtırğandar — 94882. Jazılğandar — 67031. Qaytıs bolğandar — 1058
Sayasat 6422 0 pikir 5 Qırküyek, 2014 sağat 15:46

SIN-QATERLERDİ ESKERUİMİZ KEREK!

Memleket basşısı Nwrswltan Nazarbaev elimizdiñ ekonomikasına, halıqtıñ äl-auqatı men qauipsizdigine teris äseri boluı mümkin jağdaylardıñ aldın alu üşin, barlıq mümkindikterdi oylastırudıñ mañızdılığın mälimdedi. «Jaña sessiya edäuir kürdeli jağdaylarda bastalıp otır. Älemdik ekonomikada boljap bolmaytın kezeñ tudı. Geosayasi jağdaylar, sonıñ işinde Ukrainadağı oqiğalarğa oray halıqaralıq qatınastardıñ kürdelenuimen baylanıstı täuekelder tereñdey tüsti. Jalpı alğanda, älemdik JİÖ-niñ 60 payızın öndiretin memleketterdiñ bir-birine özara sankciya qoldanuı qalıptasqan ekonomikalıq qatınastar men älemdik tärtipke aytarlıqtay tüzetuler men özgerister engizedi. Öz kezeginde bwl bizdiñ äriptesterimizdiñ ekonomikalıq ösiminiñ tömendeuine alıp keledi, jäne mwnıñ bizge de teris ıqpalı boladı»,- dedi Nwrswltan Nazarbaev Parlamenttiñ besinşi şaqırılımınıñ 4-şi sessiyasın aşıp, söylegen sözinde.

Elbası bügingi tañda aşılıp otırğan «mümkindikter terezesin» wtımdı paydalanu üşin Ükimet pen Parlamenttiñ üylesimdi jwmıs isteui kerektigin atap ayttı. Qazaqstannıñ älemdegi damığan 30 eldiñ qatarına qosıluımen baylanıstı bastı mindetterdiñ biri – äkimşilik reformanı jalğastırıp, käsibi jäne şağın memlekettk apparatı bar memlekettik basqarudıñ tiimdi jüyesin qwru. «Atap aytarlığı, Ükimettiñ jaña qwrılımı jönindegi şeşimniñ jüzege asırılğanı mälim. Memlekettik basqaru deñgeyleri arasındağı ökilettikterdi şekteu turalı jarlıqqa qol qoyılıp, ol jüzege asırıluda. Bwl memlekettik apparattıñ jwmısındağı köpsatılıq pen qosarlanudı qısqartuğa mümkindik beredi»,- dedi memleket basşısı.

Ol atalğan üderistiñ negizinde mınaday naqtı qadamdar jasaluı qajettigin ayttı. Birinşiden, bügingidey ekonomikalıq jağdayda Ükimet äleumettik-ekonomikalıq sayasattıñ negizgi bağıttarın iske asıru boyınşa strategiyalıq mäselelerge nazar audaruı tiis. Sonıñ işinde, ministrlikterge zañğa täueldi aktilerdi – ärtürli erejelerdi, nwsqaulardı jäne t.b. qabıldauğa qwziret beru qajet. Ärbir ministr öziniñ basqaratın salasına kerekti ökilettikterge ie bolıp, qabıldağan şeşimderi boyınşa tolıq jauapkerşilikti moynına aluı tiis. Mwnday talaptı zañnamalıq twrğıdan retteu kerek.

Ekinşiden, ministrlikterdiñ komitetterine baqılau jäne is-şaralardı jüzege asıru qızmetterimen qatar, tiisti salalarda memlekettik sayasattı jürgizudi qamtamasız etetin şeşimder qabıldauğa ökilettikter beriledi. Är salanı tiimdi retteudi qamtamasız etu üşin ortalıqtandırılğan baqılau boyınşa komitetterdiñ bwrınğı funkciyaları aumaqtıq organdarda saqtaluı tiis. Mısalı, energetika jüyesin baqılau ortalıqtandırılğan negizde jasaluı qajet. Üşinşiden, äkimdikterge öñirler deñgeyinde tiimdi atqarılatın qızmetterdi beru qajet. Eñ aldımen, bwl jergilikti mañızdağı funkciyalar. Halıqaralıq täjiribe osını däleldep otır. Mwnday jağdayda bir funkciya bir ğana memlekettik organğa bekitilui tiis. Birin-biri qaytalau degen bolmau kerek. Ortalıq memlekettik organdar zañnamalıq normalardıñ baqılau jäne qadağalau sapası tömendemeuin nazardan şığarmağanı jön. Auıl şaruaşılığı boyınşa jergilikti bilik organdarınıñ ökilettik auqımın keñeytuimiz kerek. Osığan oray, Elbası jılumen qamtamasız etetin nısandardıñ jwmısı jäne jılu mausımına dayındıq mäseleleri tolığımen jergilikti äkimniñ qwzırında boluı tiistigin qadap ayttı. Törtinşiden, ökilettikterdi şekteude memlekettik funkciyalardı memlekettik emes sektorğa beru jwmıstarın jalğastırğan abzal. Mwnday qızmetterdi köp elderde özin-özi retteytin wyımdar jüzege asıradı. Ol üşin sonday täuelsiz wyımdar jelisin qwruğa kirisuimiz kerek.

Ämirlan Älimjan.

Abai.kz  

0 pikir