Senbi, 11 Şilde 2020
COVID-19 QAZAQSTANDA. Jwqtırğandar — 56455. Jazılğandar — 32500. Qaytıs bolğandar — 264
Bilik 3148 0 pikir 24 Säuir, 2014 sağat 12:20

MEDIAFORUM - MEMLEKET ÜŞİN MAÑIZDI

Qazaqstan Respublikasınıñ Prezidenti Nwrswltan Nazarbaev XII Euraziyalıq Media Forum qatısuşılarına qwttıqtau joldadı.
«XII Euraziyalıq Media Forumnıñ qatısuşıları men qonaqtarına şın jürekten ıstıq ıqılasımdı bildiremin. Bügingi konferenciyanıñ aşıluına baylanıstı meniñ şınayı qwttıqtauımdı qabıl alıñızdar!
Osı jıldar işinde Forum halıqaralıq twrğıdan keñinen tanıldı, jedel özgerip jatqan älemniñ eñ özekti problemaların talqılap, olardı şeşudiñ jaña täsilderin äzirleudiñ moyındalğan alañına  aynaldı.
Onıñ jwmısına 12 jılda älemniñ 60 elinen 5 mıñnan astam sarapşı, sayasatker, jurnalist jäne qoğam qayratkerleri qatıstı, forum jwmısın 500-den astam qazaqstandıq jäne şeteldik BAQ jariyalap-körsetedi.
Biıl meniñ Euraziyalıq ekonomikalıq odaq jönindegi ideyanı wsınğanıma 20 jıl toldı.
Media-forum Euraziya halıqtarınıñ jaqındasuı men jan-jaqtı ıntımaqtasuınıñ belsendi bastamaşısı retinde tanılğan  Astanada ötuiniñ erekşe simvoldıq mäni bar. Bizderdi tereñ tarihi jäne wlttıq-mädeni baylanıstar men auqımdı iskerlik qarım-qatınastar biriktiredi.
Euraziyalıq integraciya üderisi büginde damudıñ mülde jaña kezeñine şıqtı. Euraziyalıq ekonomikalıq odaq qwru turalı tarihi şartqa 2014 jılı mamırda däl osı jerde, Astanada qol qoyu josparlanuda.
Euraziyalıq Media Forumnıñ elder men qwrlıqtar arasındağı senim ahualın qalıptastırudağı, wltaralıq tatulıq pen kelisimdi saqtaudağı ayrıqşa röli men missiyasın atap ötkim keledi.
Bügingi forum kürdeli halıqaralıq-sayasi jağday twsında ötip otır.
Soñğı aylardağı köptegen oqiğalar etnosaralıq tatulıqtı saqtaudıñ mañızdılığın tağı da körsetip berdi.
Bwl üderiske Qazaqstan öziniñ beybitşilik pen birlikti qamtamasız etu jönindegi oñ täjiribelerine süyene otırıp, layıqtı ülesin qosıp keledi.
Bizdiñ elimizde 100-den astam wlt ömir sürude.  Eldegi mızğımas qwndılıqtar jäne memlekettik sayasattıñ bastı basımdıqtarı bolıp sanalatın tatulıq pen twraqtılıqtıñ arqasında biz «Qazaqstan - 2030» Strategiyasın merziminen bwrın orındadıq.
Elde büginde Qazaqstannıñ 2050 jılğa deyingi damuınıñ Strategiyası qızu jüzege asırıluda. Wltaralıq jäne konfessiyaaralıq kelisimdi nığaytu, tatulıq, birlik twraqtılıq onıñ negizgi basımdıqtarı bolıp sanaladı.
Kelesi 2015 jıl Qazaqstan halqı assambleyasınıñ jılı bolıp jariyalandı, Astanada Qazaqstan halqınıñ forumı ötetin boldı.
Sonday-aq, 2015 jılı bizdiñ elimizdiñ astanasında Älemdik  jäne dästürli dinder köşbasşılarınıñ 5-şi s'ezi ötedi.
Media forum ayasındağı sındarlı swhbattar özara tüsinistik pen senimdi odan äri nığaytuğa septigin tigizedi dep senemin.
Sizderdiñ jwmıstarıñızğa jemis jäne barşañızğa tabıs tileymin!», - delingen qwttıqtauda QazTAG.

"Ayqın" gazeti

0 pikir