Jeksenbi, 5 Şilde 2020
COVID-19 QAZAQSTANDA. Jwqtırğandar — 41065. Jazılğandar — 13614. Qaytıs bolğandar — 188
Bilik 3730 0 pikir 29 Säuir, 2014 sağat 11:49

ELDER BİRLİGİ – HALIQTAR IRISI

28-04-05

Prezident­tiñ Mäskeu memlekettik universitetinde söylegen sözin telearnalardan körip,

tıñdağan qazaqstandıq-tardıñ ortaq oyı osınday

Birlesken wmtılıs

Arıstan Gazaliev

Qazaqstan Respublikasınıñ Prezidenti N.Ä.Nazarbaevtıñ Mäskeu memlekettik uni­ver­­sitetinde söylegen tereñ ma­ğınalı sözin univer­si­te­timizdiñ oqı­tuşıları men stu­dentteri arnaulı auditoriya­da zor ıqı­laspen tıñdadı. Ataqtı bi­lim ordası wjımı aldında El­basınıñ söz arqauın Euraziyalıq eko­nomikalıq odaq qwrıluına arnap, bwl kündegi osınau özekti mäselege baylanıstı boluı erekşe ınta tuğızdı.Şındığın aytqanda, barşa qazaqstandıqtardı tol­ğantqan oylar bükpesizdigimen de, saliqalı salmaqtığımen de köñilden şıqtı. Sözde nazar audartılğanday, Euraziyalıq ekonomikalıq odaq erkindik pen teñdik wstanımdarı negizinde qwraluı tiistigi öte orındı wsınıs dep esepteymiz. Odaq­qa müşe üş eldiñ özindik ekonomikalıq erekşelikteri eskerilip, şaruaşılıq bayla­nıstarğa birdey jağday jasalu qajettigi dwrıs talap.

Bügingi damuğa, inter­graciyalıq qarım-qatınastı tereñdetuge euraziyalıq keñis­tiktegi jaña bağıttıñ keleşegi keñ bolmaq­tığı anıq. Ol elimizdiñ ekonomikasın odan sayın alğa bastıratın jol. Osı orayda birlesken wmtılıs tağı bir ekşelip, sarapqa salınuı öz wstanımımızdıñ berik­tigin körsetti.

Arıstan ĞAZALIEV,

Qarağandı memlekettik

tehnikalıq universitetiniñ rektorı, WĞA akademigi.

Adamgerşil sipatta atap körsetildi

Aytimov

Prezident Nwrswltan Nazar­baevtıñ M.V.Lo­monosov atındağı Mäs­keu memlekettik uni­ver­sitetinde söylegen tamaşa da tartımdı sözi Euraziyalıq eko­nomikalıq odaqtıñ bwğan deyin köp­şilik üşin bey­mälimdeu bolıp kelgen gumanistik qırların aşıp beruimen erekşelendi. Ay­talıq, Mäskeu mem­le­kettik uni­­ver­­­sitetiniñ As­ta­­­­­na­da aşılğan filia­lı Qazaqstan men Re­sey­diñ ğılım men bilim sa­lasındağı özara bay­la­nıstarğa septigin tigiz­ge­ni, osı arqılı fi­lial­dıñ qızmeti jaña maz­mwnğa ie bolğanı atap ay­tuğa tw­rarlıq jayt.

Al aldağı aylarda qol qoyıladı dep kütilgen Eura­ziyalıq ekonomikalıq odaqtıñ özge elderge ül­gi bola bilui kerektigi jö­nindegi Elbası talabı da öte asqaq. Bwl, söz joq, ülken jauapkerşilik. Mwnday iste wsaq-tüyek atımen bol­­mauğa tiis. Öytkeni, kez kelgen bolmaşı qa­te­lik nemese tüymedey kemşilik ortaq iske orasan zor nwqsanın keltirui mümkin. Euraziyalıq eko­nomikalıq odaqtıñ qa­tarına kiru sol memleket üşin tiimdi bolatının däleldeu de oñay is emes.Alayda, soğan qaramastan, Euraziyalıq ekonomikalıq odaq qağidaları öziniñ tolıqqandı bitim-bol­mısın tanıtuı üşin biz osılay isteuimiz kerek, dedi Elbası.

Euraziyalıq ekono­mi­kalıq odaqtıñ ar­ğı astarında taza ekono­mikalıq integraciya zañdılıqtarı twrğanımen bwğan qa­tı­suşı memleketter bir-biriniñ tarihınan, äde­bieti jäne mädenietinen tüsinik-habarı az bolsa Euraziyalıq ekonomikalıq odaq talaptarı tolıqqandı küyinde bola almas edi. YAğni, integraciya ürdisine qatısuşılar özara bir-biriniñ memlekettik til­derin qoldanuı kerektigin de eske saldı Elbası. Son­day-aq, Nwrswltan Äbiş­­wlınıñ sözinde aytılğan bwl qaği­dalar da mäskeulikter tara­pı­nan tüsinistikpen qabıl­danğanı qanday ğanibet.

Memleket basşısınıñ qazaq jäne orıs, ağılşın tilderin birinşi sınıp­tan bastap oqıtu, eura­ziya­lıq habar taratu qw­rılımdarında mem­le­kettik tildi qoldanu qa­­jet­tigi jöninde ayt­qan­darı da jaña ekonomi­ka­lıq odaqtıñ adamgerşil si­patın odan äri ayğaqtay tüsedi.

Aqserik ÄYTİMOV,

Qazaqstan  Respublikasınıñ qwrmetti injeneri.

 ORAL.

Universitetter baylanısı nığayadı

Mamraev B.-1

Qazaqstan men Resey ejelden körşilik haqımen alıs-beris, barıs-kelisti tereñdetken elder. Eki eldiñ arasında äuelden äriptestik, iskerlik baylanıs ornıqqan bolsa, endi mine, sol araqatınasımız euraziyalıq ıqpaldastıq türinde bwrınğıdan da tereñdey tüskeli otır. Elbası Nwrswltan Nazarbaev bwl ideyanı bwdan 20 jıl bwrın köterip edi. Köptegen sarapşılar men sayasatkerler sol kezdiñ özinde euraziyalıq ıqpaldastıqtıñ ömirşeñdigin är qırınan saraladı.

Euraziyalıq ıqpal­dastıqtıñ jemisi eko­no­mikanıñ är salasında ğana emes, sonımen bir­­ge, ğılım men bilimdi bir­lese damıtuda da körine bas­tauı tiis. Nwrswltan Nazarbaev bwl mäselege M.V.Lomonosov atındağı Mäskeu memlekettik uni­versitetinde söylegen sözinde jäne bir ret nazar audardı. Elimizdiñ jaña elordasında 2001 jıldan beri MMU-dıñ qazaqstandıq filialı jwmıs jasaytınına toqtalğan Prezident: «Sonıñ arqasında bwrınnan tarihi baylanısı bar Qazaqstan men Reseydiñ ğılımi bilim baylanıstarı büginde jaña mazmwnğa ie boldı», dep atap ötti.

Eki eldiñ joğarı bilim beru jüyesindegi baylanıs­tar şekaralas öñirlerde de qarqın alıp keledi. Sonıñ bir däleli retinde Resey Federaciyasındağı Astrahan' memlekettik teh­nikalıq universitetimen su resurstarın jäne eko­logiyalıq mäselelerdi te­reñdete zertteu jür­gi­­zu jöninde kelisim­şart jasadıq. Astra­han' memlekettik uni­ver­si­­tetimen de tı­ğız bay­la­­nıs ornatqa­nımızdı ayta alamız. Keybir ma­man­dıqtar boyınşa ma­gistrlerdi eki joğarı oqu ornında da oqıtu jöninde ortaq mämilege toqtadıq. Sonan soñ magistranttarğa qos diplom beriledi. Jäne bıltırdan beri bizdiñ universitetimizde Reseydiñ ğılımı men mädenieti ortalığı jwmıs jasay­dı. Al aldıñğı jı­lı Qazaqstannıñ mä­de­nie­­ti men ğılımın re­seylikterge keñinen tanıtatın ortalıq Reseydiñ Qalmaq memlekettik uni­versitetinde aşılğan bolatın. Eki eldiñ oqu orın­darındağı ortalıqtar özara ğılımi, mädeni baylanıstardı nığaytuğa basımdıq berumen birge, universitetter arasındağı oqu üderisiniñ wtqırlıq, birlesken ğılımi jobalar jasau bağıtındağı zaman talaptarına say jw­mıstardı jandandıruğa ıqpal etedi.

Şekaralas oblıstardağı joğarı oqu orındarınıñ äriptestik baylanısı ayasında studentter almasu jolğa qoyıldı. Ğılımi jobalardı iske asırudağı täjiribelerimizben de böli­sip twramız. Bwl bäsekege qabi­letti mamandar dayındau­da öz jemisin beretindigi dausız.

Beybit MAMIRAEV,

H.Dosmwhamedov atındağı Atırau memlekettik universitetiniñ rektorı, professor.

ATIRAU.

Bayıptı bağdar

Farzana

Büginde elimiz üşin halıq­aralıq qarım-qatınastardı damıtu öte özekti bolıp otır. Onıñ işinde keşegi tarihi kezeñder qalıptastırğan, bw­rınnan bir-birimizdi biletin memleketter arasındağı äleu­mettik-ekonomikalıq ärip­tes­tiktiñ ornı erekşe.

Elbası Nwrswltan Nazar­baevtıñ Mäskeu memlekettik universitetindegi student-jas­tar aldında söylegen sözinde qoğamda köpten beri türli pi­kir tuğızğan Euraziyalıq eko­no­mikalıq odaq ayasındağı integraciya jan-jaqtı aytıldı. Memleket basşısı Resey Federaciyasınıñ astanasında atalğan odaqtıñ narıqtıq-ekonomikalıq twrğıdan tiim­diligin jan-jaqtı taldap berdi. Sonday-aq, bwrınğı Keñes Oda­ğınıñ «jañğıruı» turalı alıpqaşpa sözderdiñ negizsiz ekenin jetkizdi.

Mwnıñ bäri bizdiñ eki el arasında qalıptasqan dostıq baylanıstardı odan äri nığayta tüsuge septigin tigizedi. Öyt­keni, Resey men Qazaqstan joğarı oqu orındarınıñ arasında tığız baylanıs bar. Şığıs öñirindegi oqu orındarı da Reseydiñ ob­lı­sımızben şektesetin sub'ek­tilerinde ornalasqan oqu orındarımen özara täjiribe almasıp, eki el jastarı tañ­dağan mamandıqtarında bilim alıp jatır. YAğni, şığıs­qazaqstandıq jastar Altay aymağında, reseylik jastar Şığıs öñirinde bilim aluına barlıq mümkindikter jasalğan. Bwl – Elbası Nwrswltan Nazar­baevtıñ bastamasımen qwrılıp jatqan euraziyalıq integraciyanıñ is jüzindegi tiimdiligin körsetedi.

Sonday-aq, Prezident sö­zinde ğılımi-tehnikalıq ärip­testikti jetildiru, nanoteh­no­logiya, gendik injeneriya siyaq­tı mañızı zor jetekşi ğı­lımdardıñ elimizdiñ in­dus­triyalandıruınıñ jaña kezeñin jüzege asıruğa mol paydası bar ekenin erekşe atap ötti.

2007 jäne 2009 jıldarı universitetimizde bir top ğalımdardıñ qatısuımen «Täuelsiz Qazaqstannıñ twñğış Prezidentiniñ kelbeti» attı qos tilde jarıq körgen jinaq avtorlarınıñ biri retinde Elbasımızdıñ elimizdi bayıptı bağdarmen bolaşaqqa bastap kele jatqanın bayqauğa boladı.

Farzana AHMETJANOVA,

S.Amanjolov atındağı Şığıs Qazaqstan memlekettik universitetiniñ professorı.

Jaña kezeñder bastauı

Foto K.Musırmana

Memleket basşı­sı Nwrswltan Nazar­baev­tıñ reseylik ğı­lımi qoğamdastıqtıñ biik minberinen «Mem­leketterdiñ Eura­ziyalıq odağın qwru turalı» jo­banı wsınğanın qa­zaq­standıqtar wmıta qoyğan joq. Sol kezdegi tarihi oqiğalarğa kuä­gerlerdiñ biri retinde men Prezidenttiñ MMU-degi sözin zor ıj­dahatpen tıñdap, elder arasındağı twr­pa­tı özgeşe sau­da-eko­no­mikalıq ıntı­maq­tas­tıqtıñ mülde jaña stra­tegiyasınıñ özge­lerge ülgi retinde wsı­nıl­ğa­nın erekşe şabıtpen estip-bildim.

Soñğı 20 jıl Elba­sımız belgilep bergendey, euraziyalıq in­tegraciyalıq damudıñ jaña kökjiek­terin ay­qındap bergen belesti kezeñderge tolı boldı. Osı uaqıt işinde Pre­zidentimizdiñ alıstı boljay biletin köregendik, swñğılalıq sayasatkerligi tağı bir qırınan tanıl­ğanın qalıñ jwrtşılıq qapısız wqtı. Biz bügingi küni Nwrswltan Äbişwlın euraziyalıq jobanıñ bas arhitektorı retinde zor maqtanış twtamız. Öytkeni, bir kezderi mäñgi ayırılmastay, ıdıramastay köringen Keñes Odağınıñ odan äri post­keñestik keñistiktiñ saya­si jäne ekonomikalıq ornıqtırudıñ inte­gra­ciyalıq ideyaların ay­qın batıldıqpen wsınğan EEO jobası bölinudiñ emes, keri­sin­şe, birigudiñ basım qağidattarın belgilep ber­genin qazir älemdik qauımdastıq moyındap otır.

Elbasımızdıñ sol kezdegi batıl bastaması büginde ömir şındığına aynalıp, inte­graciyalıq model'diñ jaña ülgisin tüzip berdi. Onıñ ay­qın mısalın Keden odağı jäne Birıñğay eko­nomikalıq keñistik jü­yesinde bir-birimen tığız äriptestik qarım-qatınasta, birtwtas na­rıq keñistiginde sauda-öndiristik üderister bağı­tında özara tüsi­nistik, jauapkerşiliktiñ qolje­timdi ülgisin tanıtıp kele jatqan üş memlekettiñ jetekşi rölinen ayqın añğaruğa boladı.

Meniñşe, bügingi küni joğarı deñgeyge kö­terilgen euraziyalıq integraciya modelinen sayasi astar izdeudiñ eş qajeti joq. Elimiz öz ırğağımen damıp ke­ledi. Onıñ jarqın ül­gilerin barlıq saladan keziktiruge boladı. El­basımız Mäs­keudiñ tö­rinde söylegen sözinde atap ötken­dey, Euraziyalıq eko­no­­­mikalıq odaq qwru­dıñ bas­tı maq­sa­tı ege­men­dikke qol swğıl­may­tın, er­kin­­dilik qaği­dattarına negiz­delgen oy-pi­kir­ler­diñ ündesuimen erek­şe­lenedi.

Käribay MWSIRMAN,

Qazaqstan halqı Assambleyasınıñ müşesi,

Soltüstik Qazaqstan oblıstıq mäslihatınıñ deputatı.

 PETROPAVL.

Tüytkil twstardıñ tüyinin şeşip ayttı

DSCN0053

Elbası Nwrswltan Nazarbaev M.V.Lomonosov atındağı Mäskeu mem­le­kettik univer­site­tin­de söylegen sözinde jwrt­şılıq köñi­linde jür­gen kürdeli mäselelerdiñ tüyinin şeşkendey boldı. Onda Keñes Odağına qayta oraludıñ bolmaytını qadap aytıldı. Öytkeni, Keden odağı qw­rılğan kezde bwl Keñes Odağın qayta qwruğa apa­ratın jol degendi ayt­qandar az bolmağan. Elbası mäskeulikterdiñ aldında bwrınğı qamıttı qayta kiyudiñ bolmaytının aşıp ayttı. Täuelsizdik bar­lı­ğımızğa da qımbat.

Ekinşiden, Nwrswltan Äbişwlınıñ Euraziyalıq odaqtıñ basqaruşı organdarın Astanağa ornalastıru turalı aytqan oyı da bwrın qwramında bolğan elderdiñ eşqaysısı da Keñes Odağına qayta oralmaytının däleldeydi. Euraziyalıq ekonomikalıq odaq turalı bastama kö­tergen kezde-aq mwnı saya­si odaq dep tüsingender boldı. Bwl sayasi emes, taza ekonomikalıq odaq, teñ, täuelsiz elderdiñ integraciyası. Körşilermen, jalpı alıs-jaqın şet eldiñ qaysısımen bolsa da alıs-beris jasau kerek. Halqımız «adamnıñ küni adammen» degen emes pe? Memleketter de bi­riniñ keregin birinen alıp, qarım-qatınas jasasa, eki jaqtıñ da joğı tü­gendeledi. Bwl olardıñ eko­nomikalıq-äleumettik damuına jol aşadı. Elbası ärdayım aytıp jürgen «aldımen – ekono­mika» wğımı bwl jolı ta­ğı da däleldedi.

Memleket basşısınıñ Ukrainadağı jağdayğa baylanıstı oyları onı tıñdağan kimniñ de bolsa kökeyindegini döp bastı dep oylaymın. Ol ukrain halqınıñ tağdırın tek ukraindar ğana şeşe alatının, oğan sırttan eşkimniñ aralaspauı kerektigin ayttı. Bwl nağız ädiletti twjırım emes pe? Dästüri, tili, di­li, jeri, suı bölek elge sırt­tan qalay öz degenin tañuğa boladı? Elbasınıñ sözinen bireudiñ isine aralaspa, tek ülgiñdi körset degen halıqtıñ danalıq emeurinin tüsingendey boldım. Prezidenttiñ bwl oyı Qazaqstan wstanğan sayasat dep tüsingenimiz abzal.

Erkin ÄBİL,

Qostanay memlekettik pedagogikalıq institutınıñ  prorektorı,  tarih ğılımdarınıñ 

doktorı.

QOSTANAY.

"Egemen Qazaqstan" gazeti

0 pikir