Beysenbi, 9 Şilde 2020
COVID-19 QAZAQSTANDA. Jwqtırğandar — 41065. Jazılğandar — 13614. Qaytıs bolğandar — 188
Jañalıqtar 1766 0 pikir 25 Aqpan, 2010 sağat 04:54

Saqa deputattıñ sıbırı

Kedendik odaqqa birigu deytin ker zamanğa tap boldıq. «Kerege boylı ker jusan keri ketken malğa jwqpaydı, keri ketkenge söz aytsañ, qanşa aytsañ da wqpaydı» demekşi bükil közi aşıq, kökiregi oyau jannıñ bäri basqanıñ emes, qazaqtıñ bel omırtqasın üzetin üşjaqtı odaqtıñ ozbır aranına jwtılar qauipti qanşa şırıldap aytqanımen, bilik oğan «tırs» eter emes.

Keşe Parlament Mäjilisiniñ jalpı otırısında osı taqırıp, aşığın aytqanda, qazaq eliniñ tağdırın tälkekke salar jasandı şara tağı da talqığa tüsti.

Biraq, auızdarı jabılğan, dwrısında mäjbürlep japqan key deputattar zalda şıdap otıra almay, işindegi zar-nalasın sırttağılarğa sıbırlap aytumen ğana şekteldi. Biz birdi-ekili jurnalistke ğana jüregindegi şemendi jan-jağına jaltaqtay twrıp aqtarğan Mäjilistegi sarı taban saqa deputattıñ üreyli sıbırın sizderge jetkizudi jön sanadıq.

Kedendik odaqqa birigu deytin ker zamanğa tap boldıq. «Kerege boylı ker jusan keri ketken malğa jwqpaydı, keri ketkenge söz aytsañ, qanşa aytsañ da wqpaydı» demekşi bükil közi aşıq, kökiregi oyau jannıñ bäri basqanıñ emes, qazaqtıñ bel omırtqasın üzetin üşjaqtı odaqtıñ ozbır aranına jwtılar qauipti qanşa şırıldap aytqanımen, bilik oğan «tırs» eter emes.

Keşe Parlament Mäjilisiniñ jalpı otırısında osı taqırıp, aşığın aytqanda, qazaq eliniñ tağdırın tälkekke salar jasandı şara tağı da talqığa tüsti.

Biraq, auızdarı jabılğan, dwrısında mäjbürlep japqan key deputattar zalda şıdap otıra almay, işindegi zar-nalasın sırttağılarğa sıbırlap aytumen ğana şekteldi. Biz birdi-ekili jurnalistke ğana jüregindegi şemendi jan-jağına jaltaqtay twrıp aqtarğan Mäjilistegi sarı taban saqa deputattıñ üreyli sıbırın sizderge jetkizudi jön sanadıq.

«Osı iske nege asıqqanımızdı bilmeymin. Bwnıñ bärin halıqpen aqıldasıp, payda-zyanın äbden ekşep alıp isteu kerek edi. Jwrt ta, käsipkerler de, tipti keden qızmetkerleri de eşteñeden habarsız. Ne isterin bilmey dal»,-deydi ol. Onıñ aytuınşa, endi Kedendik odaqqa kirikken bizdiñ biznes atmosferamızdı Reseylik bandılıq toptar tırp etkizbey wstaydı. Käsipkerlerimizdi şetinen «stroyğa» twrğızadı. Sebebi, olardıñ biznes jüyesi äli künge bandılıq gruppirovkanıñ qwrsauında jwmıs isteydi. Al, bwnday swmdıqtan käsipkerlik ortanı endi ğana tazalağan Qazaqstan qaytadan qaraqşılar torığan älemge tap boladı. «16 million jan sanı, onıñ işinde 10 million ğana qazağı bar bizdi 150 million halıq jwtıp qoyatın boldı»,-dedi deputat mwñayıp twrıp. Ol ol ma, 2012 jılı ekonomikalıq odaq düniege keledi. Onıñ basqasın aytpağannıñ özinde ortaq valyuta degeniniñ özi öñmeniñnen ötetin wğım. «Ortaq aqşa teñge bola ma?! Atañnıñ bası, teñge degen ataudı wmıtasıñ, qaytadan rubl'ge köşemiz». Bwl da jañağı halıq qalaulısınıñ aşulı zarı. «Nemerelerimiz qazaq tili degenniñ ne ekenin bilmeytin boladı» degendi ökine twrıp qosıp qoydı ol sözine. Deputattıñ qaytalap aytqanı, ülkenderdi, täjiribeli ministrlik basşıları men käsipkerlerdi, mwnayşılardı şaqırıp, aqıldasqan jan bolğan joq. «Kedendik odaqqa» kiretin bolğanımızdı bir künde bir-aq bildik. Endi bwdan bılay Reseydiñ ığına jığılıp, Oñtüstik Osetiyanıñ täuelsizdigin moyındau kerek boladı, Taulı Qarabaq mäselesinde Äzerbayjan jağınan tayqıp, Armeniyanıñ şaşbauın köteruge tura keledi... Birte-birte öz erkimiz özimizde boludan qaladı. «Tältirektep täuelsizdigimizdi endi ala bastap edik» degen deputat ağamızdıñ közi jasaurap ketti. «Bizdiñ özimizde de obal joq,- dedi sodan keyin - qazaq deputattardıñ bäri öz basınıñ, jeke müddesiniñ älegimen ğana jüredi. Qanşa mäsele köteresiñ, 10-20-sı ğana qoldaydı, basqaları qarsı boladı da otıradı».

Arı qaray köliktiñ qımbattağanın aytqan ağamız, endi orıstıñ ladası men jigulin minetin kün kelgenin, quattı Resey käsipkerleriniñ bizdiñ elge barlıq salada şeñgel sala bastaytının ayttı. «Bwl mäseleni halıqtıq referendumğa nege salmadı?» degen swrağımızğa «bespolezno» dep qolın biraq siltedi deputatımız. Sosın, «bwl mejdu nami äñgime ğoy, sender jassıñdar...» dep söziniñ ayağın jwttı da, mwñdı janarı jer tese, bwrılıp jürip ketti...

Ärine, ol adamnıñ atı-jönin aytu mañızdı emes. Mañızdısı, kedendik odaqtıñ qazaq eline bodandıqtıñ bwğauın qayta salar ayla-şarğı ekenine alañdağan halıq qalaulısınıñ jan sıbırı. Endeşe, qalaulı wlınıñ aytqanın halıq ta qostaydı degen söz. «Qaupiñ neden bolsa, qateriñ sodan» degen ata qazaq danalığı tegin emes. Olay bolsa, qauiptiñ qasqır tisi tamaqtan qapsıra qauıp almay twrğanda, halıq bolıp, qazaq bolıp jwmılıp betin qaytaru kerek. Oğan da DOKTRINAĞA toytarıs bergendey tabandı täsil kerek şığar, bälkim...

Jebe NOYAN

 

0 pikir