Beysenbi, 4 Mausım 2020
COVID-19 QAZAQSTANDA. Jwqtırğandar — 12067. Jazılğandar — 6606. Qaytıs bolğandar — 48
Jañalıqtar 1566 0 pikir 22 Aqpan, 2010 sağat 07:36

Keden... wtılasıñ neden?

22-aqpan küni Parlamentte bolğan Ükimet sağatında Mäjilis deputatı Güljan Qarağwsova hanımnıñ dauısı qattı şıqtı. Äleumettiñ işiki ahaualınan jaqsı habardar eks-ministr, bügingi deputat - Qarağwsova hanım äriptesteriniñ auzınan suı qwrıp maqtay jöneletin keden odağınıñ keleñsiz jaqtarına toqtaldı.

«Tariftik sayasat Reseydiñ ıñğayına qaray jasalıp jatır. Resey men Belarussiya arasındağı sauda balansı 30% qwraydı. Belsendi sauda aynalımında bwl balans 35-40% payızğa deyin köterilip ketui ıqtimal», - dedi deputat.

22-aqpan küni Parlamentte bolğan Ükimet sağatında Mäjilis deputatı Güljan Qarağwsova hanımnıñ dauısı qattı şıqtı. Äleumettiñ işiki ahaualınan jaqsı habardar eks-ministr, bügingi deputat - Qarağwsova hanım äriptesteriniñ auzınan suı qwrıp maqtay jöneletin keden odağınıñ keleñsiz jaqtarına toqtaldı.

«Tariftik sayasat Reseydiñ ıñğayına qaray jasalıp jatır. Resey men Belarussiya arasındağı sauda balansı 30% qwraydı. Belsendi sauda aynalımında bwl balans 35-40% payızğa deyin köterilip ketui ıqtimal», - dedi deputat.

Üş eldiñ arasındağı kedendik odaq sauda-sattıq aynalımındağı narıqtı köterumen qatar Resey men Belarussiyanıñ tauarların köbeytip jiberetin boladı. Kedendik odaqtıñ kerağar twstarına alañdağan sarapşılar pikiriniñ toğısar arnası - osı. Alayda, bizde kedendik odaqtıñ keremetteri turalı oda künde aytılıp ketkendikten bolar «Qazaqstan bwl kelisimnen eş wtılmaydı» degenge imanday senip otırğan jayımız bar. Biraq, istiñ qalay örbirin aldağı kökek ayı körsetkeli twr. Tap osı kökek, yağni säuir ayınan bastap bazar narqı kürt köteriletin sıñaylı. Onıñ üstine Prezident Nazarbaev Ükimetke byudjet qızmetkerleriniñ eñbekaqısı men zeynetaqını köktemniñ ekinşi ayınan qaldırmay köterudi tapsırdı. Bwl arada tättige aldanğan säbidey jalaqısı janbağısınan aspaytın jwrttıñ tağı da jalañ bwt qaların däleldep jatu artıq şığar. Alayda bizdiñ äkey (Elbasımızdı aytamız) Qazaqstan-Resey-Belarus' kedendik odağı tübi ülken narıqqa aynalıp, investorlardı köptep tartatınına kämil senimdi. «Egemen Qazaqstan» gazetiniñ 90 jıldığına oray baspasöz basşılarımen äñgimelesken ol «üş eldiñ halqı ülken narıq, bwl narıqqa kez-kelgen käsipker qızığıp qaraydı» degen sözdiñ sıñayın tanıtqan edi. Sonday-aq, äkey Belarussiyada Keñes Odağı kezinde iri käsiporındar şoğırlanğandıqtan olarda biz twtınatın tauarlar mol degendi ayttı. Al, bat'ka (Lukaşenko) basqarıp otırğan Belarussiya bolsa, öndiris pen swranıstı eskermeytin el. Belarussiyanıñ tauarları Batısqa şıqpaydı. Onı bizdiñ äkey de jaqsı biledi. Sondıqtan da Bellarussiyanıñ önimderi bizge kelsin deydi. Endi bwyırsa «qojaykalarımız» «Biryusağa» qarıq boladı. «Biryusa» esiñizde me?.. Minskde jasalatın süyegi auır, sapası naşar, üni jer-älemdi köşiretin toñazıtqış. Oñtüstik Koreyanıñ ızılı estilmeytin toñazıtqaştarına üyrenip qalğan jwbayıñız bayağı jırtıq «astauına» qaytıp oraldı degen  söz osı boladı. Öytkeni, bügin şeteldiñ lıpağan jeñil kölikterin Qazaqstanğa kirgizbeudiñ qamına kirisken Resey qatın-balañnıñ qalauındağı qazan-oşaqqa da qarauıl qoyuı mümkin.

Aytpaqşı, YAnukoviçtiñ Prezident bolıp saylanuına baylanıstı Ukrainanı da kedendik odaqqa müşe etu qajet deydi Medvedev. Medvedevtiñ älgi sözine qarağanda,  kedendik odaq Resey üşin ekonomikalıq äriptestikten göri sayasatta üstemdik etudiñ qwralına aynala bastağan siyaqtı.

«Abay-aqparat»

0 pikir