Särsenbi, 8 Şilde 2020
COVID-19 QAZAQSTANDA. Jwqtırğandar — 41065. Jazılğandar — 13614. Qaytıs bolğandar — 188
Jañalıqtar 1478 0 pikir 12 Naurız, 2014 sağat 04:39

Wltşıldarğa jaña kösem izdep jürgen kim?

Juırda menşik iesi kim ekeni belgisiz, baylanıs mälimetteri de joq «Serke.org» aqparattıq-saraptamalıq saytında «Wltşıldar kösemin auıstırmaqşı» degen arandatuşı bağıtta jazılğan maqala jariyalanğan. Maqalanıñ internettegi siltemesi mına jerde: http://www.serke.org/news/ultshyldar-k%D3%A9sem%D1%96n-auystyrmakshy. Onımen tanısqan kez-kelgen adam bwl maqala halıqtı şatastıru, wltşıldardıñ arasına jik tuğızuğa bağıttalğandığınan habardar boladı. Öytkeni, maqala avtorınıñ atı-jöni jazılmağan. YAğni jurnalistikalıq etikağa müldem janaspaytını bılay twrsın, bwl äkimşilik kodeksti bwzuşılıq. Kez-kelgen adamdı, ne wyımdı atı-jönin körsetpey, tasada otırıp qaralaytın, sayda sanı qwmda izi joq maqalalardı jariyalay beretin sayttıñ isine zañ jüzinde qarar bolsaq, nağız qılmıstıq äreket.  

Juırda menşik iesi kim ekeni belgisiz, baylanıs mälimetteri de joq «Serke.org» aqparattıq-saraptamalıq saytında «Wltşıldar kösemin auıstırmaqşı» degen arandatuşı bağıtta jazılğan maqala jariyalanğan. Maqalanıñ internettegi siltemesi mına jerde: http://www.serke.org/news/ultshyldar-k%D3%A9sem%D1%96n-auystyrmakshy. Onımen tanısqan kez-kelgen adam bwl maqala halıqtı şatastıru, wltşıldardıñ arasına jik tuğızuğa bağıttalğandığınan habardar boladı. Öytkeni, maqala avtorınıñ atı-jöni jazılmağan. YAğni jurnalistikalıq etikağa müldem janaspaytını bılay twrsın, bwl äkimşilik kodeksti bwzuşılıq. Kez-kelgen adamdı, ne wyımdı atı-jönin körsetpey, tasada otırıp qaralaytın, sayda sanı qwmda izi joq maqalalardı jariyalay beretin sayttıñ isine zañ jüzinde qarar bolsaq, nağız qılmıstıq äreket.  

Bizdiñ tarapımızğa qarsı mwnday tas atuşılıq ärdayım bolıp twradı. Onı qalıptı jağday dep bağalaymız. Bwğan qosa bwrınnan kele jatqan «opponentterimiz» de bar. Tüsin tüstep, atın atamasaq ta olardıñ kimder ekendigin köpşilik jaqsı biledi. Al olardıñ «Wltşıldar kösemin auıstırmaqşı» degen baybalamı şındıqqa mülde üylespeydi. Onday äñgimeden Qazaq Wlttıq Keñes törağasınıñ orınbasarları da, sayasi byuro müşeleri de beyhabar. Tipti, onday äñgimeniñ boluı da mümkin emes. Sebebi, Mwhtar Şahanov ağamızdıñ «ornın almastıra qoyayın» dep otırğan «wltşıldı» öz basımız körgen de, estigen de emespiz. Onı bizdiñ «opponentterimiz» de moyındaptı. Olardıñ özi Mwhtar ağanıñ ornına kimdi qoyarların bilmey, ärnärseniñ basın bir şalıp, aydalağa lağıp ketkendikteri añğarılıp-aq twr. Biz «wltım» dep jik-japar bolıp jürgen jigitterdiñ eşqaysısın da joqqa şığarmaymız. Jäne olardı sırtqa tepken de emespiz. Ärkim öz şama-şarqına qaray qızmet etedi.

Qaytalay aytsaq, Qazaq Wlttıq Keñesi törağa auıstırayın dep otırğan joq. Keñes sayasi byuro müşeleri men basqa da jaqtauşı niettesteri bwl arandatuşılıq maqalanınıñ ädeyi tapsırmamen jazılğanın mälimdeydi. Halqımız: «İşten şıqqan jau jaman» degen. Bwğan deyin de bizdiñ janımızda jürip, öz bilermendigine salınıp, Wlttıq Keñestiñ jwmısına kedergi keltiruge tırısqandardıñ äreketi Sayasi byuro jinalısında qaralğan bolatın.

Biz bwnday jalğandıqqa qwrılğan daqpırtqa qwlaq aspay, Mwhtar Şahanov ağamızdıñ tuınıñ astında wlttıq, eldik müdde jolındağı küresimizdi jalğastıra beremiz. Qazaq tiliniñ Memlekettik til boluı jolındağı Mwhtar ağamızdıñ qayratkerligi bizge ülgi. Esteriñizde bolsa, qazaq wltın joyuğa bağıttalğan «Qazaqstandıq wlt» sayasatına Mwhtar ağamız qarsılıq bildirip, aştıq jariyalau turalı bastama kötergen kezde de bwl top onıñ janınan tabılğan bolatın. Kedendik Odaqqa qarsılıq bildirip, Euraziyalıq Odaqqa qarsı jasalğan mälimdemelerde de Mwhtar ağamızdıñ soñınan ergenbiz.

2013 jıldıñ 23-şi qaraşasında qwrılğan Qazaq Wlttıq Keñesi qazirgi Qazaqstan biligine wltımızdıñ basındağı özekti mäselelerdi toptastırğan 23 talap qoyğan edi. Degenmen, qazirgi bizdiñ toñmoyın biliktiñ bwl talaptardı şeşe qoyuğa nieti därmeni joq. Därmeni bolğannıñ özinde de nieti joq. Bügin biz sol talaptardıñ işinen 2 talaptı qayta nazarlarıñızğa salğandı jön kördik.

...Memleket basşısına ant bergen lauazım ieleriniñ edäuiri qılmısker atanıp jatır. Bwl avtoritarizmge negizdelgen Prezidenttik basqaru formasınan tuındağan «jemister». Prezident qwrğan Qazaqstan halqı Assambleyası Respublikamızda ekinşi Parlament qızmetin atqarıp jür. Älemniñ birde-bir elinde mwnday sayasi jüye joq. Mwnıñ mülde orınsız ekendigi san ret aytıldı, jazıldı. Biraq oğan qwlaq asar bilik joq. Endi halıq aldındağı, memleket aldındağı jauapkerşilikti tereñ sezine otırıp, Konstituciyalıq jolmen Prezidenttik bilikti Parlamenttik-prezidenttik basqaru formasına auıstırğandı jön dep bilemiz. Prezident Parlament aldında, deputattar halıq aldında jauaptı boluğa tiis. Bilik tarmaqtarınıñ demokratiyalıq qağidattarı saqtaluı kerek. Bir-birin retsiz qaytalauşılıqtan arıltu üşin Parlamenttiñ eki palatalıq forması biriktirilip, şınayı halıq ökilderinen qwralatın bir palatalıq formağa köşirilsin. Deputattıqqa wsınu men saylau janama – partiyalıq täsilmen emes, saylau okrugteri boyınşa, halıqtıq töteley saylau arqılı jüzege asırılsın;

...1926 jılı Keñester Odağınıñ kezinde Naurız merekesin toylauğa tıyım salındı. 62 jılğı üzilisten soñ Naurız meyramı 1988 jıldan bastap, memlekettik deñgeyde qayta toylanuda. Biraq äli künge deyin öziniñ negizgi mindetin atqara almay keledi. Naurız merekesi (21-22-naurız küni) türkitildes halıqtardıñ Jaña jılı bolıp sanaladı. Naq osı merzimde kün menen tün teñesedi. Ärbir otbası ağaş otırğızuğa mindetti. Eger adamdar renjisken, ökpelesken bolsa, özara keşirim swrasıp, tatulasuı şart. Naurız meyramınıñ osınday ruhani önegesi bar. Biraq biz äli künge deyin Keñes Odağı kezinde qalıptasqan dästür boyınşa, Jaña jıldı 1-qañtarda toylap kelemiz. Bwdan bılay Jaña jıl merekesin Naurız meyramımen birge toylau – ejelgi ata-baba dästürine bet bwru ekenin wmıtpağanımız abzal...

Al, mälimdemeniñ tolıq nwsqasın mına siltemeden köre alasızdar http://old.abai.kz/node/40858 .

Qazaq Wlttıq Keñesiniñ qazirgi jwmısına kelsek, biz qoğamımızda körinis tapqan kürdeli mäselelerdiñ eşqaysısınan da tıs qalğan emespiz. Bärine de öz pikirimizdi, öz közqarasımızdı bildirip kelemiz. Bizdi ünsiz qaldı dep kinä artqan teñgeniñ qwnsızdanuına baylanıstı da, Ukrainağa qatıstı da mäseleler köterdik (http://old.abai.kz/content/kazak-ylttyk-kenesi-reseidin-b-gingi-solakai-sayasatyna-zhol-beruge-bolmaidy). Biliktiñ bizdiñ ayağımızğa twsau salğısı kelip, tipti jauıp tastauğa sıltau tappay otırğandığı da bizge belgili. Keybireuler bizge dostıq peyil tanıtqanday bolıp körinip, bizdiñ qolımızben ot kösegisi keletindigin de biz jaqsı bilemiz. Alayda, talay sınnan, talay dau-damaydan halqın aman-sau alıp kele jatqan, şın mäninde köşbasşılıq minezdi boyına darıtqan wlttıñ ayaulı küresker aqını Mwhtar Şahanov bwl küreste de jeñis biiginen körineri anıq. Ösek sözdiñ örge baspaytının ärdayım este wstayıq, ağayın!

 

Qazaq Wlttıq Keñesi müşeleri

Qwdiyar BİLÄL,

Maqswt QALIBAY,

  Mwhtarhan ABAĞAN,

Nwrjan OŞANBEK

Abai.kz

0 pikir