Senbi, 30 Mamır 2020
COVID-19 QAZAQSTANDA. Jwqtırğandar — 10382. Jazılğandar — 5057. Qaytıs bolğandar — 38
Jañalıqtar 1433 0 pikir 11 Naurız, 2014 sağat 09:14

Bayan Esentaeva: Arman adastırmaydı

8-naurız – Halıqaralıq äyelder meyramı qarsañında tanımal prodyuser, talanttı aktrisa äri telejürgizuşi Bayan Esentaevamen swhbattasudıñ säti tüsti.  Körermen qauımğa «Mahabbat beketi» fil'mindegi Gülnäz röli arqılı tanılğan Bayan 1975 jılı 2-qañtarda Oral qalasında düniege keldi. Büginde «Keş'yu» tobı men änşi Janar Doğalovağa prodyuserlik etetin ol, «Saz älemi», «Mama Mia» muzıkalıq jobalarınıñ avtorı. Sonday-aq, «Ğaşıq jürek», «Ğaşıq jürek 2», «Traktorşınıñ mahabbatı», «Küläş», «Abaylañız, siır!» fil'mi men teleserialdarınıñ bas prodyuseri. 

8-naurız – Halıqaralıq äyelder meyramı qarsañında tanımal prodyuser, talanttı aktrisa äri telejürgizuşi Bayan Esentaevamen swhbattasudıñ säti tüsti.  Körermen qauımğa «Mahabbat beketi» fil'mindegi Gülnäz röli arqılı tanılğan Bayan 1975 jılı 2-qañtarda Oral qalasında düniege keldi. Büginde «Keş'yu» tobı men änşi Janar Doğalovağa prodyuserlik etetin ol, «Saz älemi», «Mama Mia» muzıkalıq jobalarınıñ avtorı. Sonday-aq, «Ğaşıq jürek», «Ğaşıq jürek 2», «Traktorşınıñ mahabbatı», «Küläş», «Abaylañız, siır!» fil'mi men teleserialdarınıñ bas prodyuseri. 

– Bayan Maqsatqızı, körermender nazarına wsınılğan «Küläş» telehikayasın tüsiru ideyası qalay keldi?
– Bwl telehikaya «Habar» agent­tiginiñ tapsırısı boyınşa tüsi­rildi. Tarihi twlğalar turalı tır­naqaldı tuındılardıñ biri. «Nege Küläş?» degenge keletin bolsaq, birinşiden, Küläş Bay­seyitova atı añızğa aynalğan öner iesi. Ekin­şiden, tağdırı san qilı, ataq pen abıroyı, talantı men adamgerşiligi bir basına jeterlik qazaq äyeli. Küläştiñ beynesin şınayı somdau biz üşin mañızdı mindet boldı.
– Telehikayağa tüsken akterlerdi tañdauda şeberligiñiz bayqaldı. Bastı röldegi aktrisa Äygerim ­Ual­janova Küläş apamızdıñ kö­şirmesi dese bolar. Äygerimdi qalay taptıñızdar?
– Biz Küläştiñ rölin somdaytın aktrisanı wzaq izdedik. Elimizdegi jetekşi teatrlardıñ aktrisaların bayqap kördik. Biriniñ sırt kelbeti kelmese, biriniñ işki jan düniesi üylespedi. Eki ayğa sozılğan izdenis nätije bermedi. Sol uaqıtta «Abaylañız, siır!» komediyasınıñ tüsiriliminde jürgenbiz. Fil'mniñ bir epizodın tüsirip jatqanda akt­risalardıñ biri än sala bastadı. Dauısı sonday näzik, basımdı köterip qarasam köz aldımda «Küläş» twr. «Mine, Küläş!» dedim işimnen. Artınşa Äygerimdi şaqırıp, scenariydi wstattıq. Äygerim senimnen şıqtı, biz onı bastı rölge bekittik.
– Telehikayağa qatıstı qanday pikirler estidiñiz? Wnatqandar basım sekildi.
– Men üşin jauapkerşiligi men jügi auır joba «Küläş» boldı. «Erteñ düyim jwrt ne deydi, közkörgenderi qanday pikir aytadı, ziyalı qauımnıñ közqarası qanday bolar eken…» degen oylar maza bermedi. Küdik pen ümit itjığıs tüsip jattı. Efirge şıqqannan keyin de köñildegi tolqu basılmadı. Birinşi seriyanıñ körsetiliminen keyin-aq küdik seyile bastadı. Sınağandardan göri qoldağandar köp boldı. Soğan täuba deymin.
– «Abaylañız, siır!» attı fil'mdi tüsirip bolıp, halıqqa wsı­nıp otırsız. Bwl fil'm turalı ne aytasız?
– Kino älemine bir ret bas swqqan adam ömir boyı tüsiru alañın añsap twradı. Bir kezderi arman quıp kelgen jas aktrisa eseye kele sol «tanıs ölkege» qayta oraldı. «Ğaşıq jürek 1-2» kartinalarınan keyingi dünie «Abaylañız, siır!». Bwl bir qarağanda qarapayım oqiğa. Biraq öziniñ aytarı bar tuındı. Baylıq, mansap, tanımaldılıq, adaldıq, satqındıq, tap-taza sezim men biik mahabbat. Barlığı ömirdegidey. Körermenniñ tarazısına salındı, oñ bağasın berer degen ümittemin.
– Siz kino äle­mi­ne tım jas keziñizde aralasa bas­tadıñız. Kezinde «Mahabbat be­keti» fil'min körip körkiñizge qızıqpağan jan bolmadı. Büginde arada qanşa jıl ötse de sol jas, ädemi qalpıñızdı saqtap qalıpsız. Mwnıñ qwpiyası nede?
– Birinşiden, men äli jas­pın. Ekinşiden, qartaymaudıñ birden-bir qwpiyası – äyeldiñ işki jan düniesiniñ sergektigine baylanıs­tı. Mısalı, men özimdi öz jasımnan äldeqayda jas sezinemin. Eşkimge jamandıq oyla­maymın, körealmauşılıq pen özge aram piğıldan adamın äri ünemi kü­lip jüremin. Tamaqtıñ paydalısın twtınamın, sudı köp işemin. Men beti­me qanday da bir plastikalıq operaciya jasatqan adam emespin. Ärine, jastıqtı saqtap qaluda zamanaui kos­­metikalardıñ da ülesi joq emes. Köp närse adamnıñ şığu tegine de baylanıstı.
– Juırda «Qazaq aruı» bay­qauına oray irikteu kezeñin ötkiz­di­ñizder. Negi­zinen Qızdarğa qoyılar talaptar qanday?
– «Qazaq aruı» wlttıq qwndı­lıqtar­dı, töl tilimiz ben mäde­nie­timizdi qoldauğa bağıttalğan joba. Är boyjetken eliniñ bügingi jağdayımen qatar, onıñ tarihınan, mädenieti men ädebietinen habardar boluı qajet. Sondıqtan da bwl bayqauğa körkine aqılı say arular ğana qatısa aladı.
– Büginde qazaq qızdarına qa­­tıstı köp sın aytıladı. Bw­rın­ğınıñ bwrım­dıları men büginginiñ zamanaui qızdarın salıs­tırıp jatadı. Siz qızdarmen köp aralasasız. Bügingi qazaq qızdarına qanday bağa berer ediñiz?
– Zaman özgerdi, uaqıt özgerdi de­gendi jii aytamız. Özgermeytin, mäñ­gilik dünie wlttıq bolmıs. Qanıñda, janıñda, bolmısıñda öz eliñe, jeriñe degen mahabbat barda bolaşaq bar. Meni quantatını qazaq qızdarınıñ kökiregi oyau, janı taza. Minez bar, jiger bar, tektilik bar.
– Bir bayqağanımız, siz tek qızdarmen jwmıs jasaysız. Qazaq­stannıñ tükpir-tükpirinde ülken sahnağa şığa almay jürgen talanttı jigitter de bar ğoy. Key prodyuserler qız baladan göri jigittermen jwmıs istegen jeñilirek dep jatadı.
– Iä, qızdarmen jwmıs jasağan oñay emes, sırtqı keltebetiniñ kü­timi bar, sahnalıq kiimderi bar jäne qauipsizdigi tağı bar. Biraq nege ekenin bilmeymin, jigittermen jwmıs isteuge qwlıqsızbın. Müm­kin uaqıt öte kele meniñ de köz­qarasım özgerer…
– Qazaqstan şou-biznesine sübeli üles qosıp jürgen adam retinde bü­gingi qazaq estradasın qanday deñ­geyge qoyar ediñiz?
– Men önerdiñ qay-qaysısın bolmasın öte joğarı bağalaymın. Öner, eñ aldımen ülken eñbek. Al eñbekti qwrmetteu kerek. Men qa­zaq estradasına jarqın bolaşaq tileymin.
– Estuimizşe, «Nwr Otan» sapındasız. Bwl sayasatqa aralasudıñ bastaması boluı mümkin be? Jalpı sayasatqa aralasu oyıñızda bar ma?
– Iä, men «Nwr Otan» partiya­sınıñ müşesimin. Bärimiz bir müdde üşin qızmet etip jürmiz. Täuelsiz eli­mizdiñ keleşegi üşin eñbek etemiz. Bwl meniñ jeke azamattıq wstanımım. Al sayasatqa aralasu oyımda joq. Men sayasatta emespin, men qoğamdamın!
– Qazaq basılımdarın oqisız ba? Köbine qay basılımdardı alıp oqisız?
– Men qazaq basılımdarın jii oqimın, dauıstap oqimın. Osılayşa til üyrenuge tırısıp jürmin. Tüsin­begenimdi ata-anamnan, eki qı­zım­nan swrap alamın (Bayannıñ eki qızı Ay­säule men Ayaru qazaqşa bilim aluda).
– Köpşilik sizdi telejürgizuşi re­tinde de jaqsı tanidı. Negizinen şou-bağdarlamalardı orıs tilinde jür­gize­tinsiz, öziñizdiñ jeke jobañız «Saz älemin» bastan-ayaq qazaq tilinde jürgizip kelesiz. Mwnday qadamğa körer­mender tarapınan «Bayan ­Esentaeva qazaq tilin­de söyley almaydı» degen sınnıñ köp aytılğandığınan bardıñız ba? Älde qazaqtildi telearna bolıp sanalatın «El­arnanıñ» sayasatına baylanıs­tı jobanı qazaq tilinde tüsiru kerek bol­ğandıqtan ba?
– Bwl swraq mağan jii qoyıladı. «Saz älemi» meniñ televiziya keñis­ti­gin­degi alğaşqı prodyuserlik jobam. Sizderdi qaydam, men üşin bwl jaña beles. Bağdarlamada qazaq tilinde erkin söyleuge barınşa tırıstım. Büginde qazaq bola twra, öz tiliñde söyley almau – qasiret, ärine. Men öz tilimde jüz payızğa söyley almasam da, tilimdi erekşe qwrmetteymin jäne büginde onı meñgeru jolındamın. Ata-anamnıñ meni sol kezdegi Almatıdağı jalğız qazaq mektebine bermegenine ökinemin. Sondıqtan qızdarımdı qazaq mekte­bine berdim. Meniñ qazaqşam jüz payız bolmasa da, bolmısım jüz payız qazaqqa tiesili der edim.
– Bügingi telejürgizuşilerge kö-ñiliñiz tola ma? Otandıq telejür­gizuşilerge ne jetispeydi?
– Men telesınşı emespin. Eger halıq körip jatsa, swranıs bar degen söz. Bireudiñ talğamınan şıqpadı eken dep köpke topıraq şaşudan aulaqpın.
– «Qızğa qırıq üyden tıyu» deydi qazaq halqı. Qızdardı tärbielep otır­ğan anasız. Qız tärbiesinde qanday wstanımıñız bar?
– «Wyada ne körseñ, wşqanda sonı ilesiñ» deydi ğoy, meniñ wstanımım osı.
– Sizdiñ boyıñızda qazaq qızı-na tän öjettilik pen qaysarlıq bay-qaladı. Bwl qanmen berilgen qasiet pe, älde ömirlik täjiribemen kelgen be?
– Bwl tua bitken qasiet dep oy­laymın. Men bala kezden-aq aytqa­nımnan qaytpaytın birbetkey bol­dım. Köptiñ biri bolmay, erek­şelenip jürgendi qalaydı ekenmin. Bwl qasiet atamnıñ qanımen, anamnıñ sütimen darığan, sirä.
– Äyelder merekesi kele jatır. Qanday tilegiñiz bar?
– Ömirde anadan asıl ne bar?! Äyel älemge ömir sıylaydı. Demek, äyelder qanday da bolmasın marapat pen qwrmetke layıq. Armandañızdar, arman adastırmaydı, olar mindetti türde orındaladı.

Arna JWMATAY

"Ana tili" gazeti

0 pikir