Beysenbi, 28 Mamır 2020
COVID-19 QAZAQSTANDA. Jwqtırğandar — 9576. Jazılğandar — 4893. Qaytıs bolğandar — 37
Jañalıqtar 1442 0 pikir 3 Naurız, 2014 sağat 06:38

Qanat Islam: AQŞ-ta boksşınıñ qolı altın

2012 jılı käsipqoy bokstı tañdap, bir jarım jıl işinde 16 jekpe-jek ötkizgen Qanat Islam biıl älem çempionı belbeui üşin tartısqa tüse me? Bwdan bılay sportşınıñ käsipqoy bokstağı jekpe-jekterin teledidardan tamaşalauğa mümkindik tua ma? Bıltır Almatıda ötken älem çempionatına boksşıların qosqan Qıtay bapkerleri nendey ötirik ayttı? Osı taqılettes saualdarğa äuesqoy boksta jürip milliardtardıñ arasında 10 jıl çempiondıq twğırdı eşkimge bermegen, qwmırsqaday qaptağan qıtayğa olimpia­danıñ häm älem çempionatınıñ qola medalin alıp bergen käsipqoy boksşı Qanat jauap    ayt­tı. AQŞ-tan atamekenine az uaqıtqa at izin sal­ğan sportşını jattığudan keyin “wstadıq”.   

2012 jılı käsipqoy bokstı tañdap, bir jarım jıl işinde 16 jekpe-jek ötkizgen Qanat Islam biıl älem çempionı belbeui üşin tartısqa tüse me? Bwdan bılay sportşınıñ käsipqoy bokstağı jekpe-jekterin teledidardan tamaşalauğa mümkindik tua ma? Bıltır Almatıda ötken älem çempionatına boksşıların qosqan Qıtay bapkerleri nendey ötirik ayttı? Osı taqılettes saualdarğa äuesqoy boksta jürip milliardtardıñ arasında 10 jıl çempiondıq twğırdı eşkimge bermegen, qwmırsqaday qaptağan qıtayğa olimpia­danıñ häm älem çempionatınıñ qola medalin alıp bergen käsipqoy boksşı Qanat jauap    ayt­tı. AQŞ-tan atamekenine az uaqıtqa at izin sal­ğan sportşını jattığudan keyin “wstadıq”.   

REYTINGTE ÖRLEP KELEDI
– Qanat, az künge elge keldiñ. AQŞ-tağı jattığu turasında, büginge deyingi jekpe-jekter jöninde aytsañ.
– Käsipqoy bokstı tañdap, sol jolğa tüskeli bir jarım jıl­ğa juıqtaptı. Osı uaqıt işinde 16 ret jekpe-jekke tüsip, bä­rinde jeñiske jettim. Bıltır Karib teñizi aymağınıñ çempio­nı degen belbeuge ie bolıp edim, juırda Latın Amerikasınıñ çempionı degen marapat ta qanjığama baylandı. Sporttağı sapardıñ qiındığın tüsi­ne­tin adamğa bwl az tabıs emes.
– Öziñniñ salmağıñda rey­tingiñ de joğarılağan şığar?
– Ärine, WBA twjırımı bo­yınşa özimniñ salmağımda 12-satığa ornıqtım. Alla näsip etse, biıl älem çempionı degen belbeu üşin sınğa tüsu josparda bar.
– Qay eldiñ boksşısımen jolıñ tüyisui mümkin?
– Meniñ salmağımda 8-orında amerikalıq boksşı bar, 9-satıda kolumbiyalıq boksşı twr. Osı eki boksşınıñ birine qarsı küşimdi sınap köremin. Odan keyin çempiondıq şıñğa bastar jol aşıladı.
– “Astana” prezidenttik käsibi sport klubınıñ pre­zi­denti Baqtiyar Artaev öziñ­men kelisimşart jasasu jö­ninde aytıp edi.
– Iä, mwnday kelisimşart turasında äñgime qozğalğanı ras. Sol üşin meniñ promouterim Nel'son Lopes AQŞ-tan arnayı kelmek. Bäri oydağıday bolsa, keleşekte “Astana” klubı meniñ jekpe-jekterimdi teledidardan Qazaq eline körsetuge, sa­yıstarğa qatısuğa mümkindik tuğızadı.
– Käsipqoy bokstağı jekpe-jegiñniñ birinde kubalıq Yoleksi Leyvanı ekinşi raundta tehnikalıq nokautpen wttıñ. Swrağım kelgeni 1-raund­tan soñ gong üni es­tilgen­de Leyva orındığına jalp etip otıra ketti. Al sen tikeñnen tik twrıp bap­keriñdi tıñdadıñ. Ädette boksşılar birneşe sekundtıq üzi­lis­te tizesin bügip tınığuşı edi.
– Bwl – bapkerimniñ taktikası. Qarsılasıñdı ıqtıru üşin, küşiñniñ sarqılmağanın, şarşap-şaldıqpağanıñdı körsetu maqsatında bapkerim osınday ayla-şarğı qoldanadı.    
 
KÖSILGENGE KÄSIPQOY BOKS DWRIS
– Mwhit asıp, özge elde käsipqoy bokstıñ terisin ilep jürgeniñe bir jıldan asa uaqıt ötti. Qanattıñ AQŞ-tağı künderi qalay jıljidı degen saual köp­şilikti qızıqtıradı
– Eñ birinşi kezekte – sport. Men jastayımnan sporttı qalap, sonıñ şıñına jetu üşin maqsat qoydım. Sondıqtan AQŞ-qa ketkenge deyin de uaqıtımnıñ köbin jattığuğa arnaytınmın. Amerikada da solay. Ünemi sport keşeninde bolam. Jattığudan keyin tağı da jattığu degen sekildi. Arasında ağılşın tilin oqıp üyrenemin, ğalamtor arqılı eldegi oqiğalardı da qarap jürem. Basqa eşteñege moyın bwra almaysıñ.
– AQŞ-ta äuesqoylardan göri käsipqoy boksşılardıñ joğarı twratını jasırın emes. Bäyge de, bäs te osılardıñ aynalasında örbidi.
– Meniñ oyımşa qazaqtıñ minezine äuesqoy bokstan göri käsipqoy boks säykesetin sekildi.
– Nege?
– Äuesqoy boksta talay jıl jürdim ğoy. Qaraulıqtıñ neşe atasın kördim, talay ret halıq­aralıq jarıstarda älsiz qarsılasqa jığıp berdi. Äuesqoy boksta aldamşı närse öte jii wşırasadı. Janküyerler ğana emes, boksşı retinde bizdiñ özimiz qalay aldanıp qalğanımızdı bilmey qalamız. Öytkeni bärin töreşiniñ qolındağı wpay eseptegiş tüyme şeşedi. Käsip­qoy boksta onday emes, öziñniñ äleuetiñdi körsetuge 12 raund jetkilikti. “Jigit bolsañ, şıda” deysiñ öziñdi-öziñ qamşılap.
Bwl elde käsipqoy boks sporttıñ töresi därejesine köterilip qoyğan. Bäri zañmen qatal qadağalanadı. AQŞ-ta boksşınıñ qolı altın deuge boladı. Qolıña qauipsizdik şüberegin qalay orau kerek­tigine öte qattı köñil bölinedi. Sebebi sausaqtarıñ dwrıs oralmasa şığıp ketui, qattı soqqıdan süyek şıtınauı da ğajap emes. Jazatayım qolıñdı sındırıp alsañ, sportqa qayıra oralu qiın. Sondıqtan da densaulıqqa, äsirese, boksşınıñ qolına altın sekildi qaraydı.
– Bir swhbatıñda qazir bizde sporttıq medicinanıñ kenjelep twrğanın aytıp ediñ. AQŞ-ta qalay? Öziñ büginge deyin birneşe ret jekpe-jekke tüstiñ. Sayısqa tü­serde, bolmasa tartıstan keyin medicinalıq tekseris­ten ötkize me?
– AQŞ-ta käsipqoy boksşılardıñ densaulığına orasan zor jauapkerşilikpen qaraydı. Altı ay sayın medicinalıq tekseru boladı. Sonda qan qısımıñız köterilip, bolmasa tömendese, köziñiz qantalasa, qwlağıñız säl-päl mükistense, on eki müşeñizdiñ birinen kinärat bayqasa – saudañızdıñ bitkeni. Qaltañızda milliondap qarjı bolğanımen, AQŞ-ta sizge sa­yıstarğa qatısuğa eşqanday mümkindik bermeydi. Men AQŞ-qa kire almay jürgen talay sportşılardı bilem. Biriniñ qwlağı mükistengen, endi biriniñ köru qabileti naşarlay bastağan. Basqa elde jarısqa tüsuge bolatın şığar, al Amerikada densaulığı sır bergen boksşı eşkim emes.
AQŞ-tağı sport medicinasınan köp närse üyrenuimiz kerek. Moyındau kerek, bizde köbine äli qaradürsin. Keleşekte özim de oqu oqıp, bilim je­tildirudi közdeymin. Tağı bir­neşe bauırlardı erte barıp, birge üyrensek deymiz. AQŞ-tağı boks qazanınıñ qaynauında biren-saran qazaqtan göri bir top qazaq balası şınıqsa, jaqsı emes pe.
 
QITAYDIÑ BOKSI TOQIRAĞAN
– Sportşılardıñ deni qarsılastarınan bwrın ar­tıq salmaqpen küresedi. Öziñ qanşa keli salmaqtan arılasıñ?
– 10 kelidey bolatın şığar. Ärine jekpe-jek sayın 10 keli salmaq tastamaymın. Tek 4-5 keli “artıq salmaqtan” arılamın. Al eki-üş ay jekpe-jekke tüspesem, amal joq 10 kelidey salmaq quuğa tura keledi.
– Salmaqtan arılam dep şamadan tıs jattığu sportşığa oñay emes. Nege 72 kelide jwdırıqtaspaysıñ?
– Alğaşqıda men de däl osılay oylağam. Bapkerim: “Qanat, asıqpa, aldımen 69 kelide küşiñdi sına, salmaqtı wstau qiınğa soğatının bilem, biraq sen birden 72 kelige auıssañ erteñ salmağıñdı ösiru eki ese qiındıq tuğızadı”, – degen. Sondıqtan da 69 keli salmaqta çempion atanbayınşa, özge salmaqqa auısudı közdemeymin.
– Bıltır Almatıda boks­tan äuesqoylar arasında älem birinşiligi ötti. Öziñ de kördiñ. Sonda soñğı jıldarı olimpiadanıñ altın medalin alıp jürgen Qıtay eliniñ boksşıları alğaşqı aynalımda attarınan auıp qaldı. Bapkerler mwnıñ astarın “Almatığa eksperi­menttik yağni, qwramadağı ekinşi, üşinşi boksşılardı alıp keldik” dep tüsindirdi. Rasında da solay boldı ma? Qıtay çempionatında bir­neşe jıl top jardıñ, olardıñ jay-küyin jaqsı bilesiñ ğoy.
– Eksperimenttik qwrama äkeldik degeni – üydey ötirik. Älem çempionatı – Aziya birin­şiligi, bolmasa jazğı Aziya oyındarı emes, olimpiada sekildi aytulı dübir. Qıtaylar 49 keli­de Zu Şimiñdi bertinge deyin süyreledi. Men ğana emes, talay boksşı Zudı moyındamaydı. “Jetekke ğana eretin tazı ekenin” Zudıñ özine de aytqanmın kezinde. Qıtaydıñ boksı büginde toqırauğa tap bolğan. Onı Almatıdağı älem çempionatı körsetip berdi.
– Swraqtarğa erkin oymen jauap bergeniñe raqmet. Jortqanda jolıñ bolsın!
 
Swhbattasqan Quanış NWRDANBEKWLI.
 
Abai.kz
0 pikir