Seysenbi, 7 Şilde 2020
COVID-19 QAZAQSTANDA. Jwqtırğandar — 41065. Jazılğandar — 13614. Qaytıs bolğandar — 188
Jañalıqtar 4412 0 pikir 31 Qañtar, 2014 sağat 07:59

SURROGAT ANA BOLU TIİMDİ BIZNESKE AYNALDI MA?

Jastardıñ özderiniñ sau ağzaların internet arqılı aukcionğa salıp, transplataciyalıq operaciyalar üşin satatındığı «Ayqın» gazetiniñ aldıñğı sanında (15 qañtar, 2014) jazıldı. 

Osı jolı internet arqılı jarnamalanatın kelesi bir «qımbat» medicinalıq qızmet türine nazar audardıq. Bwl – surrogat analıq nemese basqa adamdardıñ tapsırısımen düniege bala äkelu.

Qızıl diplomdı pedagog surrogat ana bolğısı keledi

Özin Dinara dep tanıstırğan 22 jasar boyjetken 25 mıñ dollarğa böten adamdar üşin bala tauıp beruge dayar. Äzirge onıñ kommerciyalıq wsınısımen eşkim kelise qoymaptı. «Habarlasatındar jetkilikti. Biraq äli eşqaysısınıñ şarttarı köñilimnen şıqpaydı. Aqpan-naurız ayında osını bastap ketkim keledi. Oğan deyin bireuler tabılatın şığar» dedi Dinara «Ayqın» gazetiniñ tilşisine. Onıñ kazakh.ru saytındağı «Sizdiñ säbiiñizge SA (surrogat ana – red) bolamın» dep bergen jarnamasında wltınıñ qazaq ekendigi, boyı – 167, salmağı – 65 kg, «ziyandı dağdılardan ada, işimdikten aulaq, temeki tartpaytındığı, auruları joq ekendigi» täptiştep jazılğan. Oğan qosa bolaşaq surrogat ananıñ Almatıdağı joğarı oqu orındardıñ birin qızıl diplommen tamamdağanı körsetilipti.

Jastardıñ özderiniñ sau ağzaların internet arqılı aukcionğa salıp, transplataciyalıq operaciyalar üşin satatındığı «Ayqın» gazetiniñ aldıñğı sanında (15 qañtar, 2014) jazıldı. 

Osı jolı internet arqılı jarnamalanatın kelesi bir «qımbat» medicinalıq qızmet türine nazar audardıq. Bwl – surrogat analıq nemese basqa adamdardıñ tapsırısımen düniege bala äkelu.

Qızıl diplomdı pedagog surrogat ana bolğısı keledi

Özin Dinara dep tanıstırğan 22 jasar boyjetken 25 mıñ dollarğa böten adamdar üşin bala tauıp beruge dayar. Äzirge onıñ kommerciyalıq wsınısımen eşkim kelise qoymaptı. «Habarlasatındar jetkilikti. Biraq äli eşqaysısınıñ şarttarı köñilimnen şıqpaydı. Aqpan-naurız ayında osını bastap ketkim keledi. Oğan deyin bireuler tabılatın şığar» dedi Dinara «Ayqın» gazetiniñ tilşisine. Onıñ kazakh.ru saytındağı «Sizdiñ säbiiñizge SA (surrogat ana – red) bolamın» dep bergen jarnamasında wltınıñ qazaq ekendigi, boyı – 167, salmağı – 65 kg, «ziyandı dağdılardan ada, işimdikten aulaq, temeki tartpaytındığı, auruları joq ekendigi» täptiştep jazılğan. Oğan qosa bolaşaq surrogat ananıñ Almatıdağı joğarı oqu orındardıñ birin qızıl diplommen tamamdağanı körsetilipti.

Gazet tilşisimen äñgimesinde Dinara biıl mausım ayında pedagogika mamandığı boyınşa magistraturanı üzdik bağağa tamamdaytındığın jetkizdi. «Barlıq pänder boyınşa bağalarım joğarı. Biraq qızıl diplom jaqsı jwmıs taba alatınıma kepildik emes. Materialdıq jağınan qiın. 3 jasar balam bar. Ol äke-şeşemniñ qolında. Päterde twramın. Sondıqtan surrogat ana boluğa şeşim qabıldadım» deydi boyjetken.

Dinaranıñ jarnamada körsetilgen şarttarına säykes balağa «tapsırıs» beretin erli-zayıptılar bosana sala oğan 25 mıñ dollar sıyaqı wsınuı kerek. Al oğan deyin jükti kezinde ay sayın 500 dollar tölep twruı tiis. Eger egiz bala tapqan jağdayda alğaşqı somanıñ 30 payızı üsteme retinde berilui kerek. Dinara bağanı tüsirmeytindigin jäne bolaşaq ata-analarmen kelisim-şart jasalınatındığın eskertti.

Qazaqstanda mwnday analarğa zañdı türde kelisimşarttar jasasıp, psihologiyalıq qızmet körsetetin arnayı kompaniyalar jwmıs isteydi. Mäselen, Astanadağı «Bolaşaq» surrogat analıq ortalığınıñ bas direktorı Danira Şoqanqızı surrogat ana bolu zañmen rwqsat etilgenin eske saladı. 2011 jıldıñ jeltoqsan ayında qabıldanğan «Neke men otbası turalı» zañğa säykes densaulığı mığım, jası 35-ke deyingi, deni sau balası bar, ziyandı dağdıları joq äyel surrogat ana bola aladı.

«Bolaşaq» surrogat analıq ortalığı ökiliniñ aytuınşa, Qazaqstanda böten äyeldiñ kömegimen bala süygisi keletinder köp. Keybir derekter boyınşa, surrogat analardıñ arqasında jılına şamamen 100-200 otbası säbili boladı.

Internettegi jarnamalarğa qarağanda, tapsırıspen qwrsaq köteru qwnı – 10-30 mıñ dollar. Surrogat ana bolğısı keletinderdiñ basım böligi – jası 30-ğa tolmağan jastar. Olardıñ arasında bir rettik qomaqtı somamen birge toğız ay twratın baspanasın, kiimin, tamağı men därumenderin qosa talap etetin 22 jasar Zuhra esimdi äyel de, ärkimniñ «bergenine qaray» bala köterip, sol üşin Taşkentten köşip keluge dayar 18 jasar Jenya esimdi qız da bar. Degenmen, Reproduktivti medicina institutı saualnamasınıñ qorıtındısı boyınşa, surrogat analardıñ 40 payızı al'turist sanaladı. YAğni balasın qwrsağında kötergeni üşin aqşa almaytındar – erli-zayıptılardıñ tuğan-tuıstarı.

Kinäratsız künä

«Men 20 jıl boyı bala kötere almağan tuğan äpkeme surrogat ana boluğa kelistim. Olardan eşqanday aqşa talap etpeymin. Tek äpkemniñ baqıttı bolğanın qalaymın» dep jazadı 35 jasar Nazgül kazakh.ru forumında. Oğan äyeldiñ küyeui de rwqsat bergen. Biraq onı osı äreketiniñ islam dini qağidalarına säykes kelmeytindigi oylandıradı. «Islam dini mwnı qwptamaydı eken. Ne istesem eken? Biraq şeginuge jol joq. Zor künäğa batsam da, äpkemniñ baqıttı bolğanın qalaymın» dep internet paydalanuşılarmen oyın bölisedi Nazgül.

«Surrogat analıq dini, imandılıq közqaras twrğısınan alğanda da aqtauğa kelmeydi. Islam ğalımdarı mwnday analıq türine tıyım salınadı (haram) dep taptı» deydi Astanadağı Äziret Swltan meşitiniñ bas imamı Qayrat Joldıbay meşittiñ resmi saytında (muslim.kz). Onıñ aytuınşa, Qwranda balağa wrıq kletkasın beruşi emes, onı jarıq düniege äkelgen äyel anası sanalatındığı jazılğan: «Olardıñ anaları – olardı tuğan äyelder ğana», «Biz adamğa ata-anasına jaqsı qaraudı ğibadat ettik. Anası onı qwrsağında azappen köteredi jäne azappen düniege äkeledi» delingen kieli kitapta. Orıstıñ Pravloslav şirkeuiniñ äleumettik twjırımdamasında da «surrogat analıq bala kötergen äyeldi de jaralaydı, düniege kelgen bala da özin-özi tanuda dağdarısqa wşırauı mümkin» dep jazılıptı.

Dini kitaptarda ğana emes, ğılımda da bwl mäsele äli swraqtar tuğızadı. Mamandar balağa qwrsaq anasınan genetikalıq aqaulardıñ (surrogat ananıñ wrıq kletkası paydalanılğan jağdayda) berilu mümkindigin joqqa şığarmaydı. Sonımen birge balanıñ psihologiyalıq beyimdelui de mäsele retinde qarastırıladı. Eger ol özin anasınıñ emes, basqa äyeldiñ düniege äkelgenin bilse, bwl onı tolğandıruı, psihikasına keri äser etui mümkin dep esepteydi mamandar. Oğan qosa keybir analardıñ toğız ay kötergen «balasın» tuğannan keyin onı biologiyalıq äke-şeşelerine bergisi kelmey qalu oqiğaları da kezdesken. 1988 jılı AQŞ-ta sonday kikiljiñnen keyin N'yu-Djersi sotı balanıñ biologiyalıq äkesine ata-ana qwqın, surrogat anağa balamen kezdesip twruğa, onıñ tärbiesine aralasuğa rwqsat bergen.

Degenmen, balalı bola almay jürgen köptegen otbası üşin surrogat ana – jalğız ümit. Bıltırğı jılı 200 mıñ qazaqstandıq erli-zayıptınıñ (15 payız) balalı bolu mümkindiginiñ şekteuli ekendigi jazıldı. Surrogat analıqtı qoldauşılar qwrsaq analardıñ wrpağı joq äuletterge quanış sıylap, baqıtqa böleytindigine sendiredi. Äytse de, internet jarnamalarınan tegin surrogat ana bolğısı keletin şınayı al'turisterdi tabu qiın.

Älemde surrogat analıqqa qatıstı közqaras ta birkelki emes. Mäselen, Franciya, Germaniya, Avstriya, Norvegiya, Şveciya, AQŞ-tıñ keybir ştattarında mwnday «jalğan ata-analıqqa» tıyım salınğan. Avstraliya, Wlıbritaniya, Daniya, Ispaniya, Kanada, Niderland sekildi elderde surrogat analıqtı tabıs közine aynaldıruğa rwqsat berilmeydi. Belarussiyada surrogat ananıñ qızmetin medicinalıq körsetkişter boyınşa bala köteruge fiziologiyalıq mümkindigi joq äyelder ğana paydalanadı. Al Qazaqstan, Resey, Ukraina, Gruziya, Oñtüstik Afrika Respublikası, AQŞ-tıñ köptegen ştattarında surrogat ana bolu, onıñ işinde sol arqılı payda köru zañmen rettelgen.

"Ayqın" gazeti

0 pikir