Beysenbi, 6 Tamız 2020
COVID-19 QAZAQSTANDA. Jwqtırğandar — 95942. Jazılğandar — 68871. Qaytıs bolğandar — 1058
Jañalıqtar 1753 0 pikir 27 Qaraşa, 2013 sağat 10:19

Biz endi qalalıqtarmız!

Ötken jıl Atırau oblısı Maqat audanı Bayşonas pen Eskene auıldarınıñ twrğındarı üşin este qalarlıqtay jıl boldı. Olar oblıs ortalığına köşu arqılı twrğılıqtı jerlerin auıstırdı. Osınday jolmen, twrğındardı bolaşağı joq eldi mekenderden köşiru nauqanı ayaqtaldı. Jaqsı jabdıqtalğan päterleri bar üyler jergilikti atqaruşı organdardıñ küşimen salındı, al, negizgi aqşalay qarajattı äkimşilik «Qazmwnaygaz» Barlau Öndiru» AQ-nan aldı. Äsirese, jaña päterge köşkenderine jastar quanıştı, sebebi, olar endi özderin «qalalıqpız» dep maqtanışpen ayta aladı.

Atırau oblısınıñ bolaşağı joq auıldarınan twrğındardı jappay köşiru nauqanı 2009 jılı bastau alğan. Alğaşqı bolıp tizimge üş auıl- Maqat audanınıñ Komsomol'sk, Qoşqar jäne Bek-Bike auıldarı kirdi. Osı auıldardan keyin, Bayşonas pen Eskene auıldarın köşiru josparlandı.

Perspektivalı eldi mekenderdiñ arı qaray damuğa degen eşqanday mümkinşiliktiñ bolmay, «depressivti» deñgeyge jetuine sebepker bolğan: mwnay öndiru köleminiñ tömendeui, paydasızdıq nemese osı jerde ornalasqan ken orındarınıñ tolıq öñdelip, balama öndiristiñ bolmauı. Nätijesinde, bwl jağday auıldardıñ qwldırauı men jwmıssızdıqqa äkep soqtı.


Ötken jıl Atırau oblısı Maqat audanı Bayşonas pen Eskene auıldarınıñ twrğındarı üşin este qalarlıqtay jıl boldı. Olar oblıs ortalığına köşu arqılı twrğılıqtı jerlerin auıstırdı. Osınday jolmen, twrğındardı bolaşağı joq eldi mekenderden köşiru nauqanı ayaqtaldı. Jaqsı jabdıqtalğan päterleri bar üyler jergilikti atqaruşı organdardıñ küşimen salındı, al, negizgi aqşalay qarajattı äkimşilik «Qazmwnaygaz» Barlau Öndiru» AQ-nan aldı. Äsirese, jaña päterge köşkenderine jastar quanıştı, sebebi, olar endi özderin «qalalıqpız» dep maqtanışpen ayta aladı.

Atırau oblısınıñ bolaşağı joq auıldarınan twrğındardı jappay köşiru nauqanı 2009 jılı bastau alğan. Alğaşqı bolıp tizimge üş auıl- Maqat audanınıñ Komsomol'sk, Qoşqar jäne Bek-Bike auıldarı kirdi. Osı auıldardan keyin, Bayşonas pen Eskene auıldarın köşiru josparlandı.

Perspektivalı eldi mekenderdiñ arı qaray damuğa degen eşqanday mümkinşiliktiñ bolmay, «depressivti» deñgeyge jetuine sebepker bolğan: mwnay öndiru köleminiñ tömendeui, paydasızdıq nemese osı jerde ornalasqan ken orındarınıñ tolıq öñdelip, balama öndiristiñ bolmauı. Nätijesinde, bwl jağday auıldardıñ qwldırauı men jwmıssızdıqqa äkep soqtı.

Jergilikti infraqwrılımdarğa, joldarğa, su qwbırlarına, gazben qamtu jwmıstarına da osı jerde jwmıs isteytin mwnay-gaz öndiru kompaniyası jauap bergen bolatın. Biraq, bwl jerdiñ jabıluımen, barlığı jergilikti atqaruşı bilikke tapsırıldı. Al, bwnday «jükti» äkimşilikter «kötere almadı».

Bwl jağdaylardan basqa, mwnda qolaysız ekologiyalıq jağday da qalıptastı. Sebebi, mwndağı eski wñğımalar ötken ğasırdıñ 40-jıldarında, aytarlıqtay ekologiyalıq normalar bolmağan kezde ğana öñdelgen edi.

Soñğı jıldarı bwl auıldarda taza auız su men gaz bolmay qaldı. Äleumettik ob'ektiler qızmet isteulerin toqtattı: emhanalar, bala baqşalar, mektepter. Bwl jerde, ğalamtor tügil, tipti, wyalı baylanıs ta bolmadı.

Şalğaydağı auıldardı audan ortalığımen baylanıstıratın joldar tozğan. Tipti, tötenşe jağday men jedel järdem qızmetterine de uaqıtında keluge mümkinşilik bolmadı. Jağday öte qiın boldı. Sondıqtan da, Ükimet pen Parlamentte twrğındardı birşama qolaylı eldi mekenderge köşiru jwmısı joğarı deñgeyde qarastırıla bastadı. Sol kezde-aq, «Qazmwnaygaz» Barlau Öndiru» AQ halıqtı köşiru jwmıstarı şığındarınıñ negizgi böligin öz moyındarına aluğa dayın ekendikterin mälimdedi. Bwnday şeşim tüsinikti, öytkeni, osı auıldardıñ twrğındarınıñ basım böligi mwnayşılar men olardıñ otbasınıñ müşeleri edi. Bwl, Qazaqstandağı jetekşi mwnay-gaz öndiru kompaniyasınıñ äleumettik jauapkerşilik jobası ispettes.

Atırau qalasına tek mwnayşılar ğana emes, auıldıñ barlıq twrğındarı köşirildi. Mısalı, jaña salınğan päterge köşkenine Nazımova Bahıtjan öte quanıştı. Ol Qazaqstan Respublikasınıñ eñbek siñirgen pedagogı, qazaq tili men ädebieti pänderiniñ mwğalimi. Qazir zeynet jasında.

- Meniñ balalarımnıñ bäri ösip, jan-jaqqa tarap ketken. Küyeuim qaytıs bolğan,-deydi Bahıtjan Täjmağambetqızı. Bayşonasta özimniñ üyim bolğan, biraq jalğız özime ömir süruge qiın boldı. Şaruaşılıqtı alıp jüretin küşim bolmadı. Qazir su tasıp, peş jağatın jasta emespin. Al, mwnda bäri bar, vanna da bar, ıstıq su men suıq su da bar. As üyde gaz plitası bar. Endi meniñ üyime bwrınğı oquşılarım jii-jii keletin boldı, men ılği da olardı quanıp qarsı alamın. Üydiñ işi keñ.

Eger jergilikti twrğındardıñ ağa ökilderi, zeynetkerler özderiniñ tuğan üylerinen ökinişpen, qimastıqpen köşse, jastar osı kündi asığa kütti.

Bayşonas pen Eskene auıldarınıñ bwrınğı twrğındarına arnalıp bes qabattı üylerden twratın şağın audan salındı. Mwnda, şınımen de, barlığınıñ bir-birin tanitını birden bilinip twradı. Kezindegi auıldastar, körşiler, al qazir qalalıqtar.

Qazir avtokölikti qoyatın orındar, balalar alañdarı, sport alañdarı men dükender salu, aulanı körkeytuge baylanıstı swraqtar qarastırıluda. Atırau qalasınıñ äkimdigi uaqıt ötken sayın bäri jüzege asırılatınına uäde etedi. Äzirge, jaña üylerdiñ astıñğı qabattarı bos twr. Bolaşaqta mwnda balabaqşalar nemese şağın-ortalıqtar, uaqıt ötkizu ortalıqtarı aşıluı äbden mümkin.
Tağı da ayta ketetin jayt, «Qazmwnaygaz» Barlau Öndiru» AQ men onıñ bölimşeleri bolaşağı joq auıldardıñ twrğındarı üşin salınatın üylerdiñ qwrılısın qarjılandıruğa qatısumen qatar, twrğındardıñ köşui kezinde transportpen qamtamasız etti. Qısqası, twrğındar köşu barısında eşqanday qarjılıq şığınğa batqan emes.

Bügingi tañda, Bayşonas pen Eskene auıldarınıñ bwrınğı twrğındarı jaña päterlerge birte-birte qonıstanıp, balaları qala mektepterinde oqıp, egde adamdar emhanalarğa barıp densaulıqtarın jaqsartuda. Qaladağı twrmıs bir qalıpqa tüsti.

Suretterge sipattama:
№1. Bayşonastan köşip kelgen twrğındardıñ jaña üyleri
№2. Keñ as üylerde tamaq pisiru bir ğanibet.
№3. Endi ärkimniñ öz bölmesi bar.
№4. Biz endi qalalıqtarmız!

0 pikir