Senbi, 28 Qantar 2023
Janalyqtar 4014 0 pikir 28 Tamyz, 2013 saghat 12:12

Euraziyalyq ekonomikalyq odaq – Tәuelsizdikke tóngen qater!

Qazaqstan azamattaryna ÝNDEU

Qazaqstan azamattaryna ÝNDEU

Qadirli aghayyn!
Osydan birneshe kýn búryn Qazaqstan Syrtqy ister ministrining orynbasary Qayrat Sarybay Euraziyalyq ekonomikalyq odaq qúru jónindegi kelisim qújattary 2014 jyldyng 1 mamyryna deyin dayyn bolady degen mәlimdeme jasady. Búl qújattar dayyn bolghan song 2015 jyldyng 1 qantarynan bastap ýsh el aumaghynda Euraziyalyq ekonomikalyq odaq óz kýshine enedi. Euraziyalyq integrasiya mәselesimen ainalysudyng qarqyny sonday, tipti Syrtqy ister ministr­li­gi­nen osy mәselemen ainalysatyn arnayy departament te qúrylyp qoyghany habarlandy.
Biz búghan deyin de birneshe mәrte qazaq memleketining tәuelsizdigine qater tóndiretin integrasiyalyq prosesterge óz qarsylyghymyzdy bildir­dik. Euraziyalyq ekonomikalyq odaq qúru degenimiz – Reseyding imperiyalyq ambisiyasynan, búrynghy Kenes odaghyn janghyrtu iydeyasynan tuyndaghan Kremliding ekspansiyalyq bastamasy.
Euraziyalyq ekonomikalyq odaqtyng alghashqy baspaldaghy retinde qúrylghan Kedendik odaqtyng Qazaqstangha tiyimsiz bolghany jóninde qazir barlyq jetekshi sarapshylar men mamandar aityp jýr. Mәselen, belgili sayasattanushy, Qauip-qaterdi baghalau ortalyghynyng diyrektory Dosym Sәtbaev “Kedendik odaq Qazaqstangha 153 million adamgha teng naryqty ashady” degen ýmitti aqtamaghany” jóninde ashyq aitty. “Qazaqstannyng Kedendik odaqtaghy ýlesi 17 payyzgha deyin tómendedi, al 2011 jyly búl 20 payyz bolatyn. Qarjy ministri Bolat Jәmishevting ózi qazaq eksportynyng Kedendik odaq aumaghynda qatty tómendep ketkenin moyyndady” dey­di sarapshylar. Statistika agent­ti­gining mәlimetinshe, Qazaqstannnyng Kedendik odaq elderine eksporty qazirding ózinde 3,7 payyzgha tómendegen, al Resey men Belarusityng bizding elge eksporty, kerisinshe, 12 payyzgha artqan! Kedendik odaqtyng Qazaq­stan­gha tiyimsiz bolghanyn qazaq mamandary ghana emes, Resey búqaralyq aqparat qúraldary moyyndaydy. Olar: “Kedendik odaq ayasyndaghy naryqta Resey men Belorussiya keybir óndi­risteri ózderin jaqsy pozisiyada sezinedi, al Qazaqstangha búl odaqtyng qúryluy jaqsylyq әkelgen joq”.
Kedendik odaqtyng tiyimsizdigi turaly Belorussiya preziydenti Aleksandr Lukashenko da mәlimdedi. Onyng aituynsha, “Resey Belorussiyany aldady”. Reseydi Belorussiyany ózining jәne Qazaqstan naryghyna jibergisi kelmey otyrghanyn da ashyq aitty. Bir sózben aitqanda, Qazaqstannyng Kedendik odaqqa enuinen bizding ekonomikagha ziyany tiymese, eshqanday paydasy men tiyimdiligi bolghan joq.   
Búl – Euraziyalyq odaqtyng tek ekonomikalyq tiyimsizdigi turaly qysqasha ghana mәsele. Sonymen birge qazaq memlekettiligining tәuelsizdigi turaly da oilanuymyz kerek. Tәuel­sizdik – qasiyetti úghym, Reseymen integrasiyalyq odaqtar ekonomikalyq jaghynan tiyimdi bolghannyng ózinde, eger búl birlestikter bizding egemen­digimizge salqynyn tiygizetin bolsa, onda múnday últqa qaterli úiymdardyng esh qajeti joq dep sanaymyz! Euraziyalyq parlament qúru iydeyasy, odaq ayasynda ortaq valuta engizu (Reseyding armany rubli engizu, әriyne!), basqa da memleketten biyik (nadnasionalinyi) qúrylymdar qúru mәseleleri – qazaqtyng memleketti­ligine qauip tóndiretin problemalar. Resey preziydenti Putin de, Qazaqstan basshysy Nazarbaev ta “Euraziyalyq ekonomikalyq odaq búrynghy KSRO-ny jandandyrudyng joly emes” dep mәlimdegenine qaramastan, Kremli tarapynan jýrgizilip otyrghan sayasy diktat qazaq últynyng tәuelsizdigine qauip tóndiretinine biz senimdimiz.
Osy sebepten, biz, azamattyq qogham ókilderi, jurnalister, qoghamdyq úiym jetekshileri men mýsheleri, jalpy, qazaq memleketining tәuelsizdigine alandauly Qazaqstan azamattary biylikke mynaday talaptar qoyamyz:
1.            Euraziyalyq ekonomikalyq odaqqa kiruden tolyq bas tartu! Ekonomikalyq jaghynan tiyimsiz, memleketimizding tәuelsizdigine qater tóndiretin barlyq bastamalardan aulaq boluymyz tiyis!
2.            Tek qana Kremliding aitqanymen jýrip-túrudy qoyyp, aitqanyna ghana kónip, Reseymen integrasiyalyq odaqtargha Qazaqstan azamattarynyng sanasuynsyz, qalyng búqaranyng pikirin bilmesten qosyludy toqtatu!
3.            Euraziyalyq parlament, ortaq valuta, basqa da memleket egemendigine, onyng jeke-dara subekt boluyna núqsan keltiretin Reseyding jobalaryna qosylmau!
4.            Kedendik odaqtyng Qazaqstangha tiyimsiz bolghanyn býginderi biylikshil sarapshylardyng ózi moyyndap otyr. Biz ózimizding esemizdi jiberuge tiyisti emespiz! Osy sebepti, Kedendik odaqtyng Qazaqstangha tiyimsiz shart­taryn qayta qarap, eger bizding ekonomikalyq mýddemiz oryndalmaghan jaghdayda, Resey biyligine búl mәsele jóninde qatang talaptar qong!
Biz qazaqtyng últtyq mýddesin qorghaghysy keletin, memleketimizding tәuelsizdigine, ertenine, bolashaghyna alandaytyn barlyq azamattardy osy talaptardy qoldaugha shaqyramyz! Qol qoyynyzdar! Euraziyalyq odaqqa, Kremliding imperiyalyq ambisiyasyna toytarys beruge әzir azamattardyng kóp ekenin kórseteyik!
Ýndeuge Dulat Isabekov, Ghabbas Qabyshúly, Beybit Qoyshybay, Temirhan Medetbek, Saghat Jýsip, Rasul Júmaly, Aydos Sarym, Múhtar Tayjan, Qanat Ibragimov, Janbolat Mamay siyaqty tanymal adamdarmen qatar jas tolqyn – patriot jastar da, barlyghy 97 adam qol qoyghan. Qol jinau jalghasuda.
Ýndeuge qol qoyamyn deushiler rukh_pen_til@mail.ru, ashikalan@gmail.com poshtasyna aty-jónin jazyp, qoldau bildire alady.
Almatygha kelip qol qoyamyn deushilerge baylanys telefony: 8 707 333 6399
 "Jas Alash" gazeti
0 pikir

Ýzdik materialdar

Anyq-qanyghy

Jaqiyanov: Maghan ashyq jala jabugha kiristi...

Ghalymjan Jaqiyanov 3142
Biylik

Ýkimettegi su jana 5 ministr...

Abai.kz 2098
Ayqay

Elde últtyq iydeologiya óte әlsiz...

Beysenghazy Úlyqbek 1914