Últtyq muzeyding búrynghy diyrektory Arystanbek Múhamediyúlyna qatysty «Diplomat» qonaq ýiin reyderlik jolmen basyp alu isi boyynsha tergeu ayaqtaldy. Búl turaly Sybaylas jemqorlyqqa qarsy qyzmet mәlimdedi.

Búghan deyin BAQ-ta Arystanbek Múhamediyúlynyng sot otyrysynan viydeo tarap, onda aiyptalushy «jemqorlyqpen kýres qyzmetkerlerining qonaqýidi ýshinshi túlghalardyng atyna qayta jazugha jәne  111 mln tenge ótemaqy tóleuge mәjbýrlegenin» aitqan. Antikor búl mәlimdemeni teriske shyghardy.

«Keybir búqaralyq aqparat qúraldarynda, әleumettik jelilerde jәne messendjerlerde sybaylas jemqorlyqqa qarsy qyzmet qyzmetkerlerin «Diplomat» qonaq ýiin ýshinshi túlghalargha qayta jazugha jәne 111 mln tenge somasynda zalaldy óteuge mәjbýrleu turaly búrynghy Mәdeniyet jәne sport ministri A.Múhamediyúlyna qatysty sot prosesinen aqparat pen beynerolik taratylady. Búl aqparat shyndyqqa sәikes kelmeytinin habarlaymyz», - dedi Antikor.

Jemqorlyqqa qarsy qyzmet «Múhamediyúly jalghan aqparatty ózi jauapkershilikten jaltarudy oilap júrtshylyqty adastyrdy» deydi .

Osyghan baylanysty agenttik "jala jabu" baby boyynsha sotqa deyingi tergeudi bastau turaly mәsele qarastyrylyp jatqanyn habarlady.

Ayta keteyik, Últtyq muzeyding búrynghy basshysy Arystanbek Múhamediyúly «Altyn adamnyng әlem muzeylerine sherui» halyqaralyq kórmesin úiymdastyru barysynda 146 million tenge budjet qarjysyn jymqyrdy degen kýdikpen 2022 jylghy 28 mamyrda ústalghan.

Arystanbek Múhamediyúly 2014-2019 jyldar aralyghynda mәdeniyet jәne sport ministri bolghan. 2019 jyldyng shildesinde Últtyq muzeyining diyrektory qyzmetine taghayyndalghan.

Abai.kz