Bloomberg agenttigi taratqan aqparatty Qazaqstan ekologiya jәne tabighy resurstar ministrligi rastady. Biraq aiyppúl mólsherin sot belgileytinin mәlimdedi.
Bloomberg agenttigi taratqan aqparatta ministrlik North Caspian Operating Company (NCOC) kәsipornyn qorshaghan ortany lastady dep aiyptaghan.
"Qoymada saqtalghan kýkirt mólsheri rúqsat etilgen shamadan eki ese asyp ketken" dep jazylghan habarlamada.
Ekologiya jәne tabighy resurstar ministrligi NCOC kәsiporny ýstinen Atyrau qalasynyng әkimshilik sotyna shaghym týsirgenin rastady. Ministrlik ókili aiyppúl mólsherin sot belgileytinin aitty.
"Atyrau oblysy boyynsha ekologiya departamenti North Caspian Operating Company kompaniyasynyng qyzmetine tekseris jýrgizdi. Qorytyndysynda ekologiyalyq zannama birneshe ret búzylghany anyqtaldy. Sonyng ishinde "Bolashaq" qoymasynda kýkirt mólsheri normadan (1 mln tonnadan astam) asyp ketken. Kompaniya kýkirt qyshqylyn saqtaugha uaqytsha rúqsat qújatyn almaghan, qorshaghan ortany qorghaugha arnalghan is-sharany, memlekettik ekologiyalyq saraptama qorytyndysynda kózdelgen talaptardy oryndamady, ekologiyalyq rúqsat almastan, tazartylmaghan shiyki gazdy jaqqan" delingen ekologiya komiyteti taratqan habarlamada.
NCOC kompaniyasy osy jaghdaygha qatysty Bloomberg-ke týsinikteme bergen.
"Kýkirt óndiru jәne saqtau talaptary Qazaqstan zannamalaryna, ekologiya standarttaryna say oryndalyp jatyr" delingen kompaniyanyng jauabynda.
Byltyr jazda Qashaghan ken orny aumaghyndaghy aralda 3 myngha juyq shaghala jappay qyrylghan. Atyrau oblystyq orman sharuashylyghy jәne januarlar dýniyesi aumaqtyq inspeksiyasy "qústar AN5 túmauynan ólgenin" anyqtaghan.
Qashaghan – Kaspiy tenizining qazaqstandyq bóliginde ornalasqan әlemdegi iri múnay jәne gaz ken orny. Ol Atyraudan 80 shaqyrym jerde. NCOC qúramyna Eni, Total, ExxonMobil, Shell, CNPC, Inpex jәne "QazMúnayGaz" kompaniyalary kiredi.
Byltyr qarashanyng ayaghynda Aqtóbe oblysynyng ekologiya departamenti "SNPS Aqtóbemúnaygaz" kompaniyasyna aiyppúl salghan. Departament múnay únghymasynan beymәlim súiyqtyq aghyp, ainalany lastaghanyn anyqtaghan.
Abai.kz
