23 nauryzda Ridder JEO-da kezekti apatty jaghday oryn aldy. Jarylys nәtiyjesinde shamamen 80 sharshy metr aumaqty qorshap túrghan konstruksiyalar qirady

«2023 jylghy 23 nauryzda saghat 07.50-de Ridder JEO № 6 qazandyq aimaghyndaghy janarmay beru galereyasynda kómir shany payda boldy. Jarylys tolqyny shamamen 80 m. sharshy metr qorshau qúrylymdaryn qiratty. Qazandyqtargha kómir beru saghat 13-00-de qalpyna keltirildi.

Búl jerge Atomdyq jәne energetikalyq qadaghalau men baqylau komiytetining basshylyghy dereu jolgha shyqty. Búiryqqa sәikes komissiya tehnologiyalyq búzushylyqqa tergep-tekseru jýrgizedi. Komissiya qúramyna Komiytet ókilderi, Ridder JEO jәne tehnikalyq sarapshy kirdi. Tergep-tekseru nәtiyjeleri 10 júmys kýni ishinde dayyn bolady»,-dep jazdy energetika ministrligi.

Ministrlikting mәlimdeuinshe, qazirgi uaqytta JEO-da 6 qazandyqtyng 2-i júmys isteydi. Qalghan 4 qazandyqqa jóndeu júmystary jýrgizilip jatyr. Jylu jelisining temperaturasy 70/46 gradus grafikte 45/35 gradusty qúraydy.

22 mynnan astam otbasy jylynyp otyrghan Ridder jylu elektr ortalyghy jylytu mausymy bastalghan qazannan beri apat jaghdayynda júmys istep keledi. Birneshe ret órt shyqty.

Osyghan baylanysty byltyr jyl sonynda qalada jergilikti dengeyde tótenshe jaghday engizilip, ýsh aidan song alyp tastalghan. Qantardyng ayaghynda ortalyqqa jana investor keldi, biraq bayaghy jartas sol jartas kýiinde qaldy.

Shyghys Qazaqstan oblysynyng әkimi Danial Ahmetovtyng aituynsha, stansiya júmysy onyng búrynghy iyesining «salghyrttyghynan» nasharlaghan.

2022 jyldyng qarashasynda Ridderde apat bolghannan keyin, ShQO prokurorlary tekseru jýrgizgen. Nәtiyjesinde 240-tan astam astam zanbúzushylyq anyqtalyp, ortalyqta 548 million tenge maqsatsyz júmsalghany belgili bolghan. Qazir JEO-gha 11 mln tengeden astam aiyppúl salyndy.

Shyghys Qazaqstan oblysynyng prokuraturasynyng habarlauynsha, 63,3 mln tenge somasyna 21,7 myng tútynushygha zalal ótelgen. Búghan qosa, 1 sәuirden bastap, 2024 jyldyng 31 nauryzyna deyin halyqqa jylu men jaryq tariyfi 18%-gha tómendetiletin boldy.

Abai.kz