Ýndistannyng әlemdegi ýshinshi iri múnay importtaushy el ekeni belgili. Europa elderi Putinning Ukrainagha basqynshylyghyn aiyptap, ekonomikalyq sanksiya jariyalap, gazy men múnayyn aludan bas tartqan bir jylda olardyng orynyn Ýndistan basyp, orys múnayynyng basty tútynushysyna ainalghan. Resey múnayy búl elding syrttan satyp alghan múnay kólemining ýshten birin ústaghan. Soghystan búrynghy kezben salystyrghanda eksport kólemi 16 ese úlghayghan.

Songhy onjyldyqtarda әlemdegi múnay aiyrbasynyng AQSh dollarymen jýrgizilip kelgeni mәlim. Amerika bastaghan Batys elderi Reseyge sanksiya salyp, ekonomikalyq qúrsaudy qysa týsken sayyn, oryspen sauda jasaudyng qateri eselep artqan. Aldynghy kezekte Reseyding negizgi kiris kózi sanalatyn múnayy túrghany anyq. Ótken jyly jeltoqsannyng besinde ýlken jetilik elderi Resey múnayyna 60 dollar shekti bagha belgilep, odan asqan jaghdayda operasiyany jýzege asyrghan kompaniyalargha saqtandyru qarajatyn tóleuden, esep jasaudy ayaghyna jetkizuden bas tartatynyn mәlimdegen edi. Sanksiyadan qashqan «Gazprom» men «Rusneft» dollardan basqa shetel aqshalarymen esep aiyrysudyng jolyna kóshken. Ýndistan kompaniyalary da milliard dollardan asatyn saudany rublimen, Birikken Arab әmirligining aqshasy dirhammen jasasqan.

Ótken aida Resey әskerining Ukrainagha basyp kirgenining bir jyldyghyna oray Amerika men Euroodaq Reseyge qarsy jana sanksiya jariyalady. Jana tizimde Mәukeumen Ábu Dәbiyde bas kenseleri ornalasqan Reseyding MTS kompaniyasy bar. Atalmysh kompaniya orys múnayyn satyp alghan ýndi kompaniyalaryna dollardan basqa aqshamen esep aiyrysugha mýmkindik jasap kelgen eken. Endi qiyndyq tuyndaytyn týri bar.

Biraq bir Ýndistan ókili: «Bastysy bizge ýkimet Resey múnayyn satyp alugha tyiym salyp jatqan joq. Qalghan júmys reseylikterding moyynynda. Olar bir jol kesilse, ekinshisin tabady», - depti Reuters agenttigi tilshisine.

Abai.kz