Júma, 29 Nauryz 2024
Áne, kórding be? 2993 31 pikir 14 Aqpan, 2023 saghat 12:35

Lukashenkogha: «Búl bizding qaqtyghys emes!»

Belarusiting Reseyge ekonomikalyq jaghynan tәueldiligi onyng sayasi, sonyng ishinde, geosayasy tәueldiligine alyp kelgenin barsha júrt biledi. Ukrainagha qarsy soghys ashyp, әlemdik boykot pen sanksiyalargha úshyraghan Reseyding eng jaqyn әri eng senimdi odaqtasy dәl osy Belarusi ekenin әlem júrtshylyghy kýnde kórip otyr.

Basqasyn aitpaghanda, Reseyding әskery manevrlerine de orysqa bauyrlas búl el tikeley qatysyp otyr.

Jә. Ol Belarusi basshylyghynyng sayasy tandauy dep taniyq. Ár elding óz últtyq mýddesi bar. Bәlkim, Lukashenko sol túrghydan oilap, sheshim qabyldap otyrghan bolar.

Biraq ózining ústanymyn basqa elderge tanyp nesi bar eken?

Keshe ghana ÚHShÚ-nyng janadan taghayyndalghan bas hatshysy Imanghaly Tasmaghambetovty qabyldap otyryp, ol:

«Eger de bireu Ukraina me Resey arasyndaghy qaqtyghys – bizding qatyghys emes, bir jerde typ-tynysh otyryp-aq, qútylamyz dep oilasa, mýldem olay emes, olay bolmaydy. Uaqyty keledi, ol alysta emes, erten-aq keledi, sol kezde әrkim óz pozisiyasyn anyqtauy tiyis. Ózining últtyq mýddelerine qarsy bolsyn dep túrghan joqpyn. Biraq ózimizding odaqtyq kemshin tústarymyzben birge biz birlese qimyldauymyz ýshin óz sayasatymyzdy, óz baghytymyzdy naqty anyqtap aluymyz kerek».

Meninshe, onsyz da Reseyding basqynshylyq sayasatyn ashyqtan-ashyq qoldap kele jatqan Lukashenkonyng dәl qazir, dәl sol jerde, dәl osylaysha kósiluining birneshe sebebi bar.

Birinshiden, ózining aghasy hәm әriptesi – Putinge vassaldyq signal beru: «men basqalarday emespin, men Sizge adalmyn, sony bilip jýriniz!». ÚHShÚ-gha mýshe elderinen osylaysha aqyl aityp, jariya týrde belsendilik tanytyp, kózge týsip qaluynyng artynda taghy da Resey jaghynan qarjylyq jәne basqa preferensiyalar dәmetu túr ma, kim bilsin. Eng bastysy – ótken preziydent saylauynyng qorytyndysymen kelispey, býkil belarusi halqy kóterilgende, Lukashenko rejiymining birden-bir kepili dәl osy Putin bolghan.

Ekinshiden, múnday sózdi Lukashenkonyng auzyna Putinning ózi salyp otyruy da ghajap emes. On kýnnen keyin Reseyding Ukrainagha qarsy soghys ashqanyna bir jyl tolmaq. Al kez kelgen atauly data ne istep, ne qoyghanyn, qanday jetistikterge jetkening turaly esep berudi talap etedi. Kremli qanday esep bermek? Bir-eki aptada Kiyevten bir shyghamyz degen bliskrig josparynyng kýli kókke úshty. Sanksiyalar men basqa da tyiymdargha tap bolghan ekonomikanyng jaghdayy anau. Shetel shottary men villalarynan airylyp, ol jaqqa shygha almay qalghan biznes jәne sayasy elita ishten tynyp, jarylayyn dep otyr. Onyng ózi saray tónkerisine alyp kelui әbden mýmkin. Telepropagandamen sanasy әbden ulanyp, aldynda «Krym nash!», - dep malaqayyn aspangha laqtyryp quanghan halyq ta birtindep kózin asha bastaghan siyaqty. Osynday jaghdayda Putin myrza óz kórshileri men odaqtastaryn bir synap alghysy kelgendey. Aytpaqshy, ol sózdi ózi de jyl basynda aitqan joq pa? EAEO tóraghalyghyn óz qolyna alghan ol «EAEO sayasy jaghynan da yntymaqtasa týsui qajet» degendey ýndeu tastaghan-dy. Endi, mine, Lukashenko onyng sol sózin odan әri damytyp otyr. Aldyn-ala kelisilgen ssenariy emey ne?

Ýshinshi mәsele ÚHShÚ mýshesi – Qazaqstangha da tikeley qatysty. Biyliktegi bizding bilgishter de ÚHShÚ turaly әngimening dәl osy jaqqa oiysatynyn aldyn-ala boljaghan bolar. Qazaqstannyng týpki mýddeleri men halyqaralyq ahualdy eskere otyryp, arbany da syndyrmaytyn, ógizdi de óltirmeytin jauapty әzirlep jatqan shyghar. Onyng negizinde preziydent Toqaevtyng DNR men LNR-dy moyyndamaytynymyz turaly mәlimdemesi jatuy tiyis dep sanaymyn.

Sol ústanymnan airylmasaq, Lukashenko aityp otyrghan, Ukraina men Resey arasyndaghy qaqtyghystyng bizge esh qatysy joq bop shyghady!

Óitkeni, ÚHShÚ Jarghysynyng 4 babyna say úiymgha mýshe elder bir-birine әskery kómekti «ol elding hauipsizdigine, túraqtylyghyna, territoriyalyq tútastyghy men egemendigine әskery shabuylgha úshyraghanda ghana bere alady».

Ázirshe Resey aumaghyna shabuyl jasap jatqan eshkim joq! Soghys Ukraina jerinde ótip jatyr.

Ámirjan Qosan

Abai.kz

31 pikir

Ýzdik materialdar

Alghys aitu kýni

Alghys aitu kýni jәne onyng shyghu tarihy

Jomartbek Núrman 1574
Alashorda

Qojanov mejeleu nauqanynda (Jalghasy)

Beybit Qoyshybaev 2268
Ghibyrat

Qaysar ruhty ghaziz jan

Múhtar Qúl-Múhammed 3577