Qazaqstan Respublikasynyng Aqparat jәne qoghamdyq damu ministrligi әzirlep, E-gov saytynda jariyalanghan «Mass-media turaly» Zanynyng jobasymen tanysyp shyqtyq. Búryn auyzsha Baspasóz turaly zang dep aita berushi edik, búl joba «Mass-media turaly» dep atalypty. Joba ýstimizdegi jylghy 2-aqpanda úsynylypty da talqylau 16-nauryzgha deyin jalghasady eken. 70 baptan túratyn joba úzaqtau kóringen. Sóitsek búl joba is jýzinde Qazaqstan Respublikasynyng «Búqaralyq aqparat qúraldary turaly» jәne «Teleradio habarlaryn taratu turaly» eki Zandy bir ataumen biriktirip otyrghany bayqalady.

Jobanyng basty artyqshylyghy múnda jurnalisting qúqyqtary men mindetteri barynsha naqtylanyp, jurnalist mәrtebesi túnghysh ret belgilenilipti. Otyz jyldan beri aityp jýrgen mәselemiz. Ol ýshin jurnalisterdi basqa jazghyshtardan ajyratatyn «press karta» engizilui de men ýshin qúptarlyq qadam. Baspasóz kartasy jurnalistik joghary bilimi bar, BAQ-ta keminde ýsh jyl, diplomy joqtargha keminde bes jyl tәjiriybesi bar azamattargha beriledi. Búl әri qaray jurnalist mәrtebesin iyelengenderding әleumettik jaghdaylaryn sheshuge de yqpal etse jaqsy bolar edi.

Áriyne, múnday qaghidalar blogerlerge, internet resurstarda júmys isteytinderge jaqpauy mýmkin. Meninshe olargha arnalghan basqa zang jobasy әzirlengeni dúrys bolar edi.

Jobada taghy bir atap ótetin nәrse memlekettik tilge qatysty talaptardyng kýsheytilui. Eng aldymen memlekettik tilimizdegi tele-radio baghdarlamalarynyng kólemi basqa tilderdegi tele-, radiobaghdarlamalardyng jiyntyq kóleminen kem bolmaugha tiyis ekendigi kórsetilgen. Subtitr paydalanylatyn telebaghdarlamalar men filimderding audarmasy memlekettik tildegi telebaghdarlamalardyng jalpy kólemine kirmeytindigi de tilge qatysty talaptardy kýsheyte týsken.

Óz basyma zang jobasynyng 24 babyndaghy sheteldik tele-, radioarnanyng materialdary Qazaqstan Respublikasynyng konstitusiyalyq qúrylysyn kýshtep ózgertudi, tútastyghyn búzudy, memleket qauipsizdigine núqsan keltirudi, soghysty, ekstremizmdi nemese terrorizmdi, qatygezdik pen zorlyq-zombylyqty nasihattaytyn bolsa onday sheteldik búqaralyq qúraldaryn esepke qoydan bas tartylatyny únady. Yaghny soghysty nasihattaytyndar, Z belgisine qúmar telearnalar Qazaqstan aumaghynda tayranday almaydy degen sóz. Sonday-aq dybystyq sýiemeldeuding kóp arnaly beriluin paydalanatyn telearnalar negizgi dybystyq sýiemeldeudi memlekettik tilde paydalanugha tiyis ekendigi de mindettelgen.

Qosymsha aitarym, uәkiletti organnyng baqylau-qadaghalau qyzmetin demokratiyalyq talaptar eskerile otyryp jasalghany dúrys pa deymin. Osy túrghydan alghanda Búqaralyq aqparat qúraldary qyzmetining mәseleleri jónindegi respublikalyq jәne ónirlik qoghamdyq-kәsiptik kenester qúru (41 bap) qajeti bar ma degen oy keledi. Áriyne, jobanyng úsaq-týiek kemshin tústary boluy yqtimal. Jalpy alghanda búl joba aldaghy uaqytta mass-media salasynyng jemisti júmys isteuine әbden jarap túr. Sondyqtan qalamdas әriptester, jobagha qoldau kórseteyik!

Marat Bәidildaúly,

jazushy-publisist

Abai.kz