«2060 jyly kómirteksiz elge ainalamyz». Birikken Arab Ámirliginde ótken 168 elding delegattary qatysqan IRENA assambleyasynyng XIII sessiyasynda QR Energetika viyse-ministri Jandos Núrmaghanbetov osynday mәlimdeme jasaghan.

Halyqaralyq jinalysta Qazaqstannyng energetika salasyna jauapty basshy sheteldik әriptesterine Qazaqstannyng Parij kelisimi mindettemelerine say energiya kózderin әr taraptandarugha qúlshynyp jatqanyn jetkizgen. Ministr myrzanyng sózi boyynsha, Qazaqstan qazir emes, endi qyryq jyldan keyin jasyl energiya kózderinen paydalanatyn, auasy taza jasyl elge ainalmaq eken.

Ekibastúz ben Reyderding qyryq jyl janalanbaghan jylu qúbyrlary jarylyp, biylikting oghan kómirtekti qatty otyndy gazgha ainaldyrugha tiyis jauaptylar emes, qara kýshimen jylu qazandyghyna kómir salghan kashgarlardy aiypty etkenin, Qostanay, Kókshetau, Balqashtar da taghy da sonday apat oryn alghanyn kórgen myna biz, ministrding boljamyna sene qoymadyq. Almaty aspanyn túmshalaghan qara týtin de bizding kýdigimding oryndy ekenin rastap túrghanday. Zaysannyng Qytaygha jetken gazy irgedegi Ýrjargha jetpey, alty ay qys bolatyn auyl túrghyndary sheteldegi qashqyn eksministr Ákejan Qajygeldin men býginde partiyalas dosymen sottasyp jýrgen Ghalymjan Jaqiyanov ashyp bergen «Qarajyra» kómir keninen qatty otyn tasugha mәjbýr ekenin de, tasymal aqysynyng kómir qúnynan on ese qymbatqa týsetinin de bilemiz.

Áygili Lev Tolstoydyng «Bolashaq degen joq, býgin qalay bolsang ertening de solay bolady» degen ghibratty sózi bar. Jylu elektr stansiyalaryn gazgha kóshirudi, jel den sudan energiya óndirgendi bylay qoyyp, kenes zamanynan qalghan, shirigen qúbyrlardy janalaugha múrsalary, qúlqy joq sheneunikterding myna jýrisimen elu jyldan keyin eenrgiya kózin әr taraptandyrugha qol jetkizemiz degeni bos sóz.

Jaqynda AQSh tyng Lawrence Livermore National Laboratory ghalymdary kýn siyaqty taza energiyamen ýzdiksiz qamdap túratyn ýlken reaktor salu jobasyn iske asyrghanyn mәlimdedi.

Japoniya biyl jyldyng sonynda 15 jyl jobalanghan, eldegi onynshy teniz dauylynan paydalanatyn jel kýshi energiya stansiyasyn iske qospaq. Sóitip endi kýnshyghys eli shiyki energiya baghasy geosayasy jaghdaygha baylanysty qansha qúbylsada, ystyqta salqyndap, ayazda jylynyp, beyqam tirligin jalghastyra bermek.

Ataghy jer jarghan «EKSPO-nyn» ótkenine de bes jyldan asty. Tabighy energiya kózderine bay qazaq elining túrmysy uaqyt ótken sayyn jenildeui bylay túrsyn, barghan sayyn qiyndady. Jazda jaghasy men tanauyn ys alyp, Qystan jiyde qaghyp әzer shyghatyn boldy. Ózgede kórshi elder siyaqty tegin boluy tiyis gazdyng baghasynyng sharyqtauy qandy qantar qasiretine әkelip soqty. Qoldaghy bardy jarata almay, eldegi energiya tapshylyghyn atom elektr stansiyasyn salu arqyly sheshpek bolghan ýkimetting kezekti jobasynyng kópshilikting qatang qarsylyghyna úshyrauy de teginnen-tegin emes.

Sayasy sanasy oyanghan halyqtyng qazba baylyqtartyng búrynghyday halyqtyng jaghdayyn jaqsartugha emes, geosayasy mýddege, biylikting úzaruyna qyzmet etuine endigeri kóngisi joq.

Esbol Ýsenúly

Abai.kz