Júma, 29 Nauryz 2024
Áne, kórding be? 2366 7 pikir 6 Qantar, 2023 saghat 15:15

ÚQShÚ kómegi: Resey әskerine qaryzdarmyz ba?

Bir jyl búryn 6 qantarda elimizde antiyterroristik operasiya jýrgizildi. Memleket basshysy Qasym-Jomart Toqaev Qazaqstangha «terrorlyq shabuyl jasalghanyn» aityp, ÚQShÚ úiymynan kómek súrady.

«Men kontrterroristik shtabqa jetekshilik etemin. Banditter, biz jaqsy bilemiz, naghyz terrorister jasaghan terrorlyq shabuyl jasady. Olar qazirgi uaqytta Almatyda da, basqa qalalarda da eshkimge baghynbaydy, ghimarattar men infraqúrylymdardy basyp alyp jatyr, eng bastysy atys qaruy ornalasqan ghimarattardy basyp alyp jatyr. Olar mektep kursanttarymen qaqtyghysqa týsti. Qazirgi uaqytta Almaty manynda ÁB әue-desanttyq bólimshesi olarmen úrys jýrgizip jatyr», - dedi Preziydent.

Preziydent terroristik bandalardyng halyqaralyq sipatta ekenin eskerip, olardyng shetelde jaqsy dayarlyqtan ótkenin jәne Qazaqstangha shabuyl jasauyn agressiya aktisi retinde qarau kerek dep sanaytynyn aitty.

«Osyghan baylanysty újymdyq qauipsizdik turaly shartqa sýiene otyryp, Men býgin ÚQShÚ memleketterining basshylaryna Qazaqstangha kómek kórsetuge shaqyrdym», - dep mәlimdedi Toqaev.

ÚQShÚ әskeri Qazaqstangha keldi. Bas prokuratura «Qauipsizdik kenesining sheshimimen elde antiyterroristik operasiya ótkiziletinin, osy kýnnen bastap qúqyq qorghau organdary men Qaruly kýshter terroristerdi joi ýshin qaru qoldana bastaghanyn» habarlady.

ÚQShÚ bitimgerleri Qazaqstanda kóp túraqtaghan joq. Resmy aqparat boyynsha: Újymdyq Qauipsizdik Kenesining sheshimine sәikes, ÚQShÚ Újymdyq bitimgershilik kýshteri Qazaqstan Respublikasynda memlekettik, әskery jәne әleumettik manyzy bar nysandardy kýzetu jónindegi mindetterdi oryndaghan. Bitimgerler úrys qimyldaryna qatyspaghan.

Bitimgerler 13 qantardan bastap elden shygharyla bastady. Armeniya, Belarusi jәne Ózbekstannan kelgen bitimgerler 14 qantarda eline oraldy. 16 qantarda Resey әskeri shygharyldy. 19 qantarda Qazaqstandaghy barlyq ÚQShÚ bitimgershilik әskeri shygharu ayaqtaldy.

Osydan son, Reseylik sayasatshylar: «Qazaqstan Reseyge ÚQShÚ kómegi ýshin qaryz», - degen әngimelerdi jiyiletti.

Biraq preziydent Qasym-Jomart Toqaev: «Reseyding keybir adamdary «Resey Qazaqstandy qútqardy», endi «Qazaqstan mәngi qaryz, Reseyding ayaghyna jyghylyp ótui kerek» degen sózderdi aityp, kópshilikting oiyn búrmalap jýr. Búl mýlde shyndyqqa kelmeytin sózder», - dedi.

Memleket basshysy o bastan ÚQShÚ bitimgerlerining kýshtik әreketterge qatyspaytyny turaly uaghdalastyq bolghanyn atap ótti.

«Shyndyghynda ÚQShÚ kontingenti tarapynan birde-bir oq atylghan joq, olar múnda 10 kýnnen artyq bolghan joq», - dedi Qazaqstan Preziydenti.

Resey byltyr Ukrainagha basyp kirgen son, búl әngime taghy da órshy bastady. Kremliding soghysty nasihattaushylary «Qazaqstan qantarda bergen kómegimizdi úmytyp ketti» degendi shyghardy.

Sayasattanushy Dos Kóshimnin aituynsha, Reseylikterding osylay deuine biylik ózi jol berdi.

«Qazaqstan Reseyge ÚQShÚ kómegi ýshin qaryz emes. Elge kelgeni 2300-dey bitimger, onyng mynnan kóbi Reseydiki. Bir myng әskerding Qazaqstandy eshnәrseden qorghap qalmaghany aidan anyq. Biraq ózimiz ÚQShÚ-ny shaqyru arqyly Reseyding «Qazaqstandy qútqaryp qaldyq» deuine jol berdik. Búl bizding basshylardyng qateligi.

ÚQShÚ-ny shaqyru geosayasat túrghysynan qate boldy. Sebebi, búl ÚQShÚ-nyng negizgi maqsatyna ýlken ózgeris әkeldi. Úiym, shyndyghynda, syrtqy jaudan qorghanu ýshin qúrylghan bolatyn. Ol ishki mәselege, tipti el ishinde revolusiya bolsa da aralasugha qúqyghy joq.

Jalpy elde tәrtipsizdik bolghan kezde, óz әskerine senbegen kezde, sheshuding eki joly bolady. Biri – syrttan әsker shaqyru. Ekinshisi – halyqtyng ózin-ózi qorghauyna mýmkindik beru. Mysaly, Fransiyanyng alghashqy revolusiyasy kezinde halyq ózining kommunna, әskerlerin qúryp, tynyshtyghyn búzghandardy quyp shyqty. Qantar oqighasy kezinde Almaty oblysynda keybir eldi-mekenderde polisiyamen birigip, ózin-ózi qorghau jasaqtary qúryldy. Blok-posttar qoya bastady. Osynday jaghdayda Toqaev myrza halyqqa sýienui kerek edi. Shet jaqtan әsker shaqyrghannan góri, óz elining azamattaryna senui kerek edi. Preziydent osynyng qate jolyn tandady», - deydi Dos Kóshim.

Ayjan Temirhan

Abai.kz

7 pikir

Ýzdik materialdar

Alghys aitu kýni

Alghys aitu kýni jәne onyng shyghu tarihy

Jomartbek Núrman 1578
Alashorda

Qojanov mejeleu nauqanynda (Jalghasy)

Beybit Qoyshybaev 2273
Ghibyrat

Qaysar ruhty ghaziz jan

Múhtar Qúl-Múhammed 3590