Qúday qalasa, erten, 2023 jylghy 5-qantar kýni Qazaq әn ónerining jaryq júldyzy, Qazaqstannyng Halyq әrtisi, Memlekettik syilyqtyng laureaty, «Qúrmet», «Parasat» jәne «Barys» ordenderining iyegeri Núrghaly Nýsipjanov aghamyz 86 jasqa tolmaq. Ghúmyry әn sýier qauymnyng alaqanynda ótken maytalman óner iyesi halyqtyng zor sýiispenshiligine bólenip keledi. Ótken 2022 jyly Núrekeng jasy 85-ke kelip, sahnadaghy ghúmyryna 65 jyl tolghanda joghary jaqtan osy mereytoygha baylanysty bir mәdeniy-ónegelik sharalar qolgha alynar dep edik. Núrghaly aghanyng ónerdegi býkil joly «Qazaqstannyng Enbek Eri» atanuyna әbden layyq edi. Ókinishke qaray onday qadamdar bayqalmady.

Qazaq radiosynyng Altyn qorynda Núrekeng oryndaghan mynnan (1000!) astam әn saqtalghan eken. Úly kompozitor Núrghisa Tilendiyevke Úly aqyn Múqaghaly Maqataevty tanystyryp, sol shygharmashylyq dostyqtan tughan qyryqqa juyq tamasha әnderdi ózi túsauyn kesip, әnshi retinde halqyna úsynghany mәlim. Núrghisa Tilendiyev Núrghaly Nýsipjanúlyn «Mening jekemenshik әnshim», –dep enshilegen eken. Sol Núr-aghang shygharmashylyq ómirining 30 jylynda jazghan әnderining bәrin «Jalghyzym-au, adalym-au», –dep ózi erkeletken Núrghaliynyng dauysyna arnap jazghanyn búl kýnde bireu biler, bireu bilmes.

Núrghaly agha «Valis koroli» atanghan Shәmshi Qaldayaqovpen de úzaq jyldar shygharmashylyq baylanysta júmys istedi. Ol da Núrghalidyng әnshilik ónerine aiyryqsha tәnti bolatyn. Diymekeng (Dinmúhammed Qonaev) talantty ónerpazdy aiyryqsha baghalap, ýnemi qoldau kórsetip, qamqorlyghyn ayamaytyn.

Alla ghúmyr berse, Núrghaly Nýsipjanov endi tórt jyldan keyin toqsangha tolar, sonda sahnada 70 jyl qazaq әn ónerin nasihattaghany ýshin sózsiz «Qazaqstannyng Enbek Eri» atanary anyq. Biraq osy ataqty shygharmashylyghynyng 65 jyldyghy ýshin biyl berse kimge qanday núqsan kelmek, qayta biylikting abyroyyna abyroy qosylmay ma?! Núrekeng de enbegining layyqty baghalanghanyn kózi tirisinde kórip, razy bolmay ma?!

Sol ataqqa búrynyraq ie bolghan Biybigýl Tólegenova, Erkeghaly Rahmadiyev, Ayman Músaqojaeva siyaqty júldyzdarmen esimi qatar atalsa nesi bar?! Olardyng bәri bir kezennin, bir zamannyng layyqty túlghalary. Mәdeniyet ministrligi, Memlekettik hatshy, Memleket basshysy osy úsynysqa múqiyat nazar audaryp, ong sheshim qabyldanuyna múryndyq bolsa deymiz!

Marat Bәidildaúly

Abai.kz