Düysenbi, 10 Tamız 2020
COVID-19 QAZAQSTANDA. Jwqtırğandar — 99442. Jazılğandar — 72523. Qaytıs bolğandar — 1058
Jañalıqtar 1847 0 pikir 13 Tamız, 2009 sağat 10:51

On eki million orın toltıra ma?

Esteriñizge sala keteyik, üstimizdegi jıldıñ mi qaynatqan mausımında onsız da añğarı keuip, tınıs aluğa dem tappay jürgen halıq bir tünde ulanıp qalğan bolatın. Şırt wyqıda jatqan düyim jwrttı dürliktirip, qobaljıtqan «şulı» oqiğa şındıqtı izdetti. Bireui ädettegidey gazşılar qwbır boyın artıq gazdan tazarttı dese, endi biri stansa basına äkelingen cisternanıñ birinen may tögildi dep küni boyı säuegeylikke salınumen bolğanmen, tañ atısımen äkimşiliktiñ aldın toruıldağan twrğındar jauaptı adamdardı atqa mingizdi. Tüs aua älgi kirpikti ildirmey şığarğan keleñsizdiktiñ qaydan kelgeni belgili bola bastadı. «Baqsaq, baqa eken» demekşi, tanaudı jarğan iis tañmen talasqan «qara altındı» wrlauşılardıñ keltirgen keseli eken.

«Eldeginiñ eringe tietinin» teris piğılmen bayqamaq bolğan wrılar oylamağan jerden sır bergen ısırmağa älderi kelmey, qattı qısımnıñ qıspağanınan sırtqa ıtqığan iisten qılmıs jasap jatqan orındı qwral-saymanın almastan tastay qaşqan. Söytip, adamğa keltirgen ziyanı öz aldına, ekonomikağa şığın, ekologiyağa zalal keltirdi.

Esteriñizge sala keteyik, üstimizdegi jıldıñ mi qaynatqan mausımında onsız da añğarı keuip, tınıs aluğa dem tappay jürgen halıq bir tünde ulanıp qalğan bolatın. Şırt wyqıda jatqan düyim jwrttı dürliktirip, qobaljıtqan «şulı» oqiğa şındıqtı izdetti. Bireui ädettegidey gazşılar qwbır boyın artıq gazdan tazarttı dese, endi biri stansa basına äkelingen cisternanıñ birinen may tögildi dep küni boyı säuegeylikke salınumen bolğanmen, tañ atısımen äkimşiliktiñ aldın toruıldağan twrğındar jauaptı adamdardı atqa mingizdi. Tüs aua älgi kirpikti ildirmey şığarğan keleñsizdiktiñ qaydan kelgeni belgili bola bastadı. «Baqsaq, baqa eken» demekşi, tanaudı jarğan iis tañmen talasqan «qara altındı» wrlauşılardıñ keltirgen keseli eken.

«Eldeginiñ eringe tietinin» teris piğılmen bayqamaq bolğan wrılar oylamağan jerden sır bergen ısırmağa älderi kelmey, qattı qısımnıñ qıspağanınan sırtqa ıtqığan iisten qılmıs jasap jatqan orındı qwral-saymanın almastan tastay qaşqan. Söytip, adamğa keltirgen ziyanı öz aldına, ekonomikağa şığın, ekologiyağa zalal keltirdi.

Audan ortalığınıñ oñtüstik-şığıs bağıtındağı «Keñqiyaq-Atırau» mwnay magistraliniñ 311-şi şaqırımında orın alğan oqiğağa qatıstı ekologiyağa keltirilgen ziyandı ölşep, ayıppwldı qwbır ieleriniñ moynına ilgen «Jayıq-Kaspiy» ekologiya departamenti eki ayğa juıqtağanda «Mwnay Tas» soltüstik-batıs qwbır jelisi AQ-na 254 600 teñge ayıppwl, oğan qosa qorşağan ortağa keltirilgen şığın üşin 11 510 466 teñgeniñ kinäratın taqqanı belgili boldı.

Osınday mälimetimen bölisken Maqat audanı boyınşa ekologiya inspektorı Qwralbek Adambaev büginde tabiğatqa keltirilgen ziyannıñ ötemi - jalpı alğanda 11 765 066 teñgeniñ oblıs qazınasına tolıqtay ötelgenin ayttı.

Ökinişke oray, sol küni sasıq iisten ökpesi tarılğan Maqat twrğındarınıñ eşbirine «on eki millionnan» on eki tiın da bwyırmaq emes. Öytkeni, eşkim arızdanbağan.

Al, älgi qılmıstı jasağan äkkilerdiñ ädettegi isi ekenin topşılatatın oqiğağa qatıstı audandıq işki ister bölimi äzirge tis jarmay keledi. Nege?

Säl şeginis jasap, oylanıp körelik: eki metr tereñdiktegi qwbırdı qazıp, halıq «qazınasın» qımqırumen aynalısu qarapayım kisiniñ tirligi emesi belgili. Äri şiki mwnaydı şelektep tasıp, şekesin şılqıtıptı degen ertegige kim senedi?..

Qalay degende de, qorşağan orta men qara halıqtı «qan qaqsatqan» qılmıskerler jazasın aluğa tiis. Äytpese, on eki million keltirilgen ziyannıñ ornın toltırmas...

 

B.ARAL,

Atırau oblısı,

Maqat audanı, Maqat kenti

 

0 pikir