2014 jyly Ukrainagha Resey ashyq agressiya jasamas búryn, Kiyevke qarsy baghyttalghan aqparattyq shabuyldar sany artty. Al 2022 jyly ashyq soghysqa kirispes búryn Mәskeu Kiyevti “nasizm ordasyna ainaldy” dep aiyptaudy jiyiletti. Ishki auditoriyagha baghyttalghan múnday aqparattyq shabuyldar agressiyagha óz auditoriyasyn dayyndaudyng bir joly.

Resey biyligi songhy jyldary dәl osynday aqparattyq shabuyldy Qazaqstangha qatysty da ýdete týsti. Reseylik sheneunikter Qazaqstannyng soltýstik aimaqtaryn “Reseyding tarihy jeri” dep san mәrte mәlimdedi. Putin “qazaqtarda memleket bolmaghan” degendi aitsa, Jirinovskiy “qazaqtar qala-auyl atauyn ózgertip jatyr eken, ol bizding tarihy jerimiz, ózdering qala salyp alyndar da, qalaularynsha atay berinder” degen bolatyn. Resey biyligining propagandiysi bolghan Limonov “Nazarbaev ólgen song Qazaqstandy Qytay men Resey bólip aluy kerek” degen mәlimdemesi de el esinde, júrt jadynda.

Ótken jyly Resey biyligi “Qazaqstanda orystildilerge qysym bar, beyresmy til saqshylary orystildilerdi qysyp jatyp” dep mәlimdeme jasady. Búl shu tudyryp, dau bolghan oqigha belsendi Quat Ahmetovtyng elden ketuimen ayaqtaldy. Al Resey SIM Lavrov “Qazaqstanda ksenofobiya bar” degendi aitty.

Ukrainagha Resey ashyq soghys ashqanda taraptar arasynda kelispeushilikter arta týsti. “Qazaqstan Reseyge salynghan sanksiyany ainalyp ótuge jol bermeydi” dep mәlimdeme jasady. Reseylik shovinist sheneunikter shulap sala berdi. “Satqyn Qazaqstan” men “senimsiz seriktes” jayly san maqala jazyldy. Resey Qazaqstan ekonomikasyn qyspaqqa aludy bastap, múnay jetkizu qúbyrlarynda “oqystan” kelensizdikter payda boldy. Bir emes, tórt mәrte. Peterburg forumyndaghy Toqaevtyng mәlimdemesinke keyin reseylik BAQ “yqpaldan ketushi Qazaqstan” jayly jazdy.

Qazaqstandaghy Ukraina elshisining mәlimdemesi men oghan Reseyding reaksiyasy da taraptar arasyn salqyndata týsti. Resey Qazaqstan biyligin synady, Qazaqstan Resey elshisin shaqyrtty. Al jaqynda ghana reseylik iydeolog Dugin súhbat berip, sóz arasynda “Qazaqstandy tarihy Reseyge qosyp alu kerek” dep jazdy. Qazaq biyligi búl sózdi angharmaghanday synay tanytty, reaksiya әlsiz boldy.

Endi mine taghy bir mәlimdeme. Búl joly atyshuly Soloviev. Reseyding “Rossiya-1” telearnasynyng “Vecher s Vladimirom Soloviyovym” tok-shouynda baghdarlama spiykerlerining biri Qazaqstandy kezekti sheshetin problema retinde sipattady.

“Onda da Ukrainadaghyday últshyldyq prosesster bastaluy mýmkin. Qazaqstanda reseylikter kóp, shekaramyz eng úzyn jәne bizding “Rosatom” ýshin yadrolyq otyn da sonda”, — dedi ol.

Búl mәlimdemege reaksiya qanday bolmaq? Qazaq biyligi ýnsiz qala ma, әlde qarsy jauap bola ma?!

Ashat Qasenghaliy

Abai.kz