Mәjilis deputaty Elnúr Beysenbaev Ýkimet saghatynda memlekettik tilde qoyylghan saualgha oryssha jauap bergen Últtyq ekonomika viyse-ministri Timur Jaqsylyqovty synady.

«Eger mening súraghyma sizge jәne auyl sharuashylyghy ministrligine, shekara qyzmetining birinshi orynbasaryna qoyylghanday qazaq tilindegi súraqqa orys tilinde jauap beretin bolsanyz, onda jauap qaytarmay-aq, qoysanyz bolady. Ózge viyse-ministrden qaghaz týrindegi jauapty ózim alyp alamyn. Memlekettik qyzmetkerding memlekettik tilde qoyylghan qazaqsha súarghyna ózge tilde – orys tilinde jauap berudi «nonsens» dep sanaymyn», - dedi deputat.

Elnúr Beysenbaevtyng súraghyna jauap bermek bolghan Timur Jaqsylyqov qazaq tilinde qoyylghan súraqty týsinbey «Diplommen auylgha» baghdarlamasy turaly aita bastady. Sodan song deputat ministrlik ókiline bylay dep súraq qoydy:

«Qúrmetti viyse-ministr myrza, men sizden «Diplommen auylgha» baghdarlamasynyng qalay iske asqanyn súraghan joqpyn. Men sizden: «Qansha balyqshyny dayarladynyzdar? Qansha balyqshy diplom alyp, auylgha bardy? Qansha balyqshy ýy jәne әleumettik qoldau aldy? 2009-dan beri 13 jylda qansha balyqshygha qoldau kórsettiniz?» - dep súradym. Al «Diplommen auylgha» baghdarlamasyn biz sizden artyq bilemiz. Qansha qarajat bólinip, qalay iske asyp jatqanyn. Qansha balyqshy bardy, sonymen? Sizde esebi bar ma?».

«Keshiriniz qazirgi tanda mende tolyq aqparat joq, osy súraqqa jazbasha týrde jauap beruge rúqsat etinizder», - dedi Últtyq ekonomika viyse-ministri.

Búl qazaq shendisining qazaqsha qoyylghan súraqqa ózge elding memlekettik tilinde jauap berip túrghan alghashqy oqighasy emes. Sonda búl qazaqsha týsinbeytin ministrlik ókilderi qay elding azamattary?

Abai.kz