Senbi, 28 Qantar 2023
Asqangha - tosqan 1075 4 pikir 3 Qarasha, 2022 saghat 14:27

Sheneunikter kazinogha qúrtqan aqshany kim izdeydi?

Men ótkende bizdegi júmsaq oryndyqtarda shalqayyp otyratyn biyik lauazymdy sheneunikterding qúmar oiyngha elitkendigi sonshalyqty, ylghy kazinodan shyqpaytyndyghy turaly jazghan edim.

Almaty oblystyq prokuraturasy osy mәseleni zerttep, bizdegi myqtylardyng osy kazino men oiyn avtomattaryna barlyghy 500 million tengeni qaldyryp ketkendigin anyqtaghan.

Sodan ne boldy deysizder ghoy?.. Eshtene de. Barlyghy sol bayaghy, bәri sudan taza, sýtten aq bolugha tyrysyp, jantalasyp jatyr. Aytatyndary: «Áriyne, búl dúrys emes. Barlyq memlekettik qyzmetshiler Ádep kodeksinen aspauy kerek», - degen jalpylama, jalpaq shesheylik. Sol bayaghy «sen tiymesen, men tiymen badyraq kóz» degenning saryny.

Búlardyng ishinde kazinoda aqsha útqyzudan basqalardy shang qaptyryp ketken, yaghni, 97 million tengeni qabaq shytpay osynda tastap ketken Ishki ister ministrligining qyzmetkerleri kósh bastap túr. Al olardyng bastyghy Marat Ahmetjanovtyng da aitatyny osy uәj. Olarmen ýzengiles kele jatqan, yaghni, kazinodaghy aqsha shashudan ekinshi oryn alyp, 95 million tengeni sózge kelmesten bere salghan Qorghanys ministrligindegi dókeyler, tipti, ýnsiz. Auyzdaryna su toltyryp alghan synayly. Búlar, sirә, «bas synsa bórik ishinde, qol synsa jeng ishinde» degen ústanymgha berik ekendigi bayqalady. Al búlardyng qasynda tym qarapayymdylyq tanytyp, qúmar oiyngha nebәri 25 million tenge ghana útqyzghan Qarjy ministrligindegi ýnemshilderge birdene deuding ózi úyat sekildi. Odan qaldy, bas-ayaghy tek qana 15 million tengening basyna su qúighan Qarjy montoringi agenttigi men kazinogha 7 million tengeni әzer tapqan Jogharghy sotqa qalay kinә arta alarsyn?..

Jalpy, kazino sekildi jyn oinaqtan aulaq jýruding qajet ekendigin joghary lauazymdy memlekettik qyzmetkerler týgili, qarapayym qaymana qazaq ta biledi. Al Ádep kodeksine berik boludy ministr myrza qaramaghyndaghylargha erterek eskertui kerek edi. Endi «jau ketken son, qylyshyndy boqqa shap».

Al endi búl jerde kópshilikti tolghantqan basty saual mýldem úmyt qalghan synayly. Ol «osynshama mol aqshany әlgi memlekettik qyzmetshiler qaydan aldy?» degen salmaqty súraq. Bir qyzyghy, múny ministri bolsyn, qalghany bolsyn, sheberlikpen ainalyp ótuge tyrysady. Búl ne, oghan jauaby joq pa, әlde qarapayym halyqty aqymaq sanay ma?

Sizder qalay oilaysyzdar?

Jaybergen Bolatov

Abai.kz

4 pikir

Ýzdik materialdar

Anyq-qanyghy

Jaqiyanov: Maghan ashyq jala jabugha kiristi...

Ghalymjan Jaqiyanov 3143
Biylik

Ýkimettegi su jana 5 ministr...

Abai.kz 2100
Ayqay

Elde últtyq iydeologiya óte әlsiz...

Beysenghazy Úlyqbek 1918