Býgin toygha dayyndalyp otyrgham. Qyz jaghynan baruym kerektin. Qyzdyng sheshesi qyryq jylghy syilasym edi. Qyzdarym keledi dep bәlishke qamyr ashytyp jatsam, zvondaydy. Enirep túr. Zәrem qalmady.

Sóitsem, keshe qyz ben kýieu meshitke nekege túrugha barady. Áligi mahirde qyz qarap otyrmay eng qymbat (markasyn aityp edi, úmytyp qaldym) mashinany súrapty. Ótkende bolashaq kýieubalasymen birge toy qamymen jýrgende kezdeysoq úshyrasyp qap, birbetkeyleu jigit ekenin bayqap qalgham. Bolashaq jary eng qymbat mashina súraghanyna shart etken kýieu bala ýnsiz ornynan túryp, “toy bolmaydy!” depti de, eshkimge qaramay ketip qalypty?! Bir dosy mashinagha minip ýlgeripti. Qasyndaghy dosy arqyly qyzdyng “oynap aittym” degenin estip, “qúdaydyng ýiinde oinaytyn qatyn kerek emes!” dep, short kesipti. Eki ortada toygha shashylghan sheshe enirep túr. Kýieu jaqtaghy qúdaghiymen habarlassa “Balam betbaqtyrmaydy. Biz jaq ta da toy bolmaytynyn jariyaladyq. Balamyz Astanagha ketip qapty. (jigit Astanada júmys isteydi) Qyzynyz ózinen kórsin” depti.

Júbatargha sózim joq?! “Sәke, qyz tumadym dep ókinbe. Misyz qyzdyng barynan - joghy. El-júrtqa masqara boldym. Qaltaly, aqyldy kýieudi qúday berudey-aq berip edi, qyz aqymaq bolsa qiyn eken” dep, toydyng bolmaytynyn aitty. Kenjesi bolghan song betinen qaqpay ósirip edi, baydan qaytqannan auyr jaytqa úshyraghanyn aitsanshy?.. Toydyng bolmay qaluy…

Nekede otyryp, mynaday kýige úshyrau degen jaqsy emes әriyne.

Bizding kezimizde esh maher-sahersiz-aq neke qiyp, pәter jaghalap jýrip-aq bala tuyp, ýili bop ek.. Arabtyng saltyn sonsha әspettegennen ne shyqty endi?

Tәrbie kórmegen deyin desen, әke-sheshesi ziyaly jandar. Eki qyz, eki úlyn ýilendirgen, jaghdayy jaqsy, aghayyn-tughangha syily, jayqalghan әulet. Misyz qyzdy qoyshy, sheshesine janym ashyp otyr.

Saya Qasymbek

Abai.kz