Resey Ukraina soghysynda ýlken shyghyngha úshyrauda. Búl soghysqa qatysqysy keletin eriktilerding sanyn azaytuda, soghan baylanysty Resey aldynghy shepke attandyrar әsker izdep, sabylyp jýr.

Súrauy joq, ólse kómushisi az adamdar toby tabyldy. Ol qatang rejimde jazasyn ótep jatqan reseylik qylmyskerler. Mine, osylardan arnayy әsker jasaqtap, aldynghy shepke jibermek. Anyghy jiberip jatyr. Ukraina qolgha týsken tútqyndar arasynda sottalushy reseylikterding kóp ekenin aituda. Foto, viydeo dәleldemelerin de úsyndy.

Kýni keshe ghana Aleksey Navalinyidyng komandasy ózining telegram arnasynda viydeo jariyalady. Viydeoda Vladimir Putinning jaqyn dosy  Evgeniy Prigojinning Reseyding Mariy El respublikasyndaghy týrmede sóz sóilep túrghany anyq týsirilgen.

Prigojin bylay deydi: "Men Vagner degen jeke әskery kompaniyanyng ókilimin. Mýmkin estigen bolarsyndar. Qazir biz soghysyp jatyrmyz. Búl auyr soghys, óte auyr. Sheshen nemese basqa soghystarmen mýlde salystyrugha kelmeydi. Stalingrad soghysyndaghyday oq júmsap jatyrmyz. Maghan eriktiler kerek. Jastary 22-50 jas aralyghynda bolghany dúrys. Densaulyghy óte jaqsy, shymyr bolsa 50 jastan jogharylardy da qarastyrugha bolady. Búnyng barlyghy jeke sóilesu barysynda anyqtalady. Erejeler kelesidey: Úrys dalasynan qashugha bolmaydy. Sheginbeymiz, berilmeymiz. Ony dayyndyq barysynda aitamyz. Tonau jәne zorlaugha qatang tyiym salynada. Úrys dalasynan qashqandargha soghys erejesi boyynsha atu jazasy beriledi. Jarty jyl soghysqannan keyin, Resey biyligi senderge raqymshylyq jariyalaydy. Solaysha óz jónderine, bostandyqqa ketesinder. Qalasandar bizben birge bolsandar bolady. Qaza tapqandardy qúrmetpen jerleymiz. Qayda jerleu kerektigin úrys aldynda aitsandar bolghany. Bizde úshaq, tikúshaq, tank jәne taghy basqa soghysqa kerek tehnikanyng barlyghy bar", - deydi ol.

Prigojin "Vagner" JÁK (jeke әskery kompaniya) basshysy retinde tanymal. Vagner jendetteri búghan deyin Siriyada jәne Liviyada soghysqany belgili. Siriyada vagnerlikter AQSh-tyng JÁK-symen qaqtyghysqa týsip, qyrylyp qalghany jayly aqparat bar. Anyqtalmaghan derekter boyynsha vpgnerlikter Siriyada bir kýnde 200-den astam adamyn joghaltqan.

Ukraina soghysyna vagnerlikter 2014 jyldan beri qatysuda. Olar negizinen Donbasstaghy separatisterdi әskery dayyndyqtan ótkizip, qaru-jaraqpen qamtamasyz etip, jekelegen operasiyalardy iske asyryp keldi. Al 24-aqpanda ashyq soghys bastalghan sәtte, shabuyldaushy әskerding rólin atqardy. Vagner jendetteri Ukrainada ýlken shyghyngha úshyrauda. Tipti Lugansk oblysyndaghy Vagnerding bas shtabyna Prigojin barghan sәtte, Ukraina zymyranmen soqqy jasaghan bolatyn. Prigojin soqqy jasalghan sәtte ghimaratta bolmay shyqty, al ghimarat ishindegi jýzge juyq vagnerlik qaza tapty, jaraqat aldy. Oqighanyng viydeosyn reseylik telegram arnalar da taratty.

Osy uaqytqa deyin Reseyding 17 abaqtysynda qylmyskerlerdi soghysqa qatystyru boyynsha ýgit-nasihat jýrgizilgeni belgili boldy. Búl turaly Meduza arnayy zertteuin jariyalaghan bolatyn. Al qyrkýiekting alghashqy kýnderinde Putin qylmystyq toptyng serkesi bolghan, 25 jylgha sottalghan, mausym aiynda Vagnerding qúramyna kirip, soghysugha kelisim bergen Ivan Neparatovty marapattady. Neparatov 5 tamyzda Bahmut boyynda qaza tapqan bolatyn. Putin ony "Erligi ýshin" medalimen marapattaghany anyqtaldy.

Sarapshylar qylmyskerlerdi aldynghy shepke jiberuding artuy Resey әskerindegi shyghynnyng kóp ekenin kórsetedi deydi. Resey "arnayy operasiya" dep jariyalaghandyqtan ashyq mobilizasiya jýrgize almaydy. Sondyqtan soghysqa qatysushy eriktilerdi basqa әdispen tabugha mәjbýr. Sonyng biri qylmyskerlerdi soghysqa tartu. Úzaq jylgha sottalghandar "bostandyq beredi" degen aqparatqa senip, soghysqa qatysugha kelisim berude.

Mamandar qylmyskerler qansha dayyndyqtan ótse de, kәsiby әskerge tótep berui ekitalay deydi. Sebebi dayyndyq ol tәjiriybe emes. Sonymen qatar soghysta tәrtip manyzdy, al qylmyskerlerden jasaqtalghan әskerde ol ýlken mәsele.

Ashat Qasenghaliy

Abai.kz