QR Ishki ister ministri M.M. Ahmetjanovqa,
Syrtqy ister ministiri M.B. Tileuberdige!

Qúrmetti Marat Múratúly!

Qúrmetti Múhtar Bekenúly!

Sonymen, Qytay preziydenti Sy Szinipin resmy saparmen 14 qyrkýiekte Qazaqstagha keletin boldy.

Týk te qarsy emespiz, kelsin! Eki jyldan astam uaqyt elinen shyqpaghan Siyding Orta Aziyagha, onyng ishinde bizding Elimizge qanday maqsatpen, ne búiymtaymen kele jatqany meni sonshalyqty qyzyqtyrmaydy. Eki el arasyndaghy barys-kelis, sauda-sattyq, sayasy yqpaldastyq syndy tolyp jatqan mәseleler bizding yrqymyzdan tys, eki Basshynyng dengeyinde qaralyp, kelisiledi. Oghan tek sәttilik tileymin.

Mening Sizderge osy hatty jazyp otyrghan sebebim mýlde basqa súraq. Ol – Qytaydaghy tuystaryn joqtap, Almatydaghy Qytay Konsuldyghynyng aldynda 580-kýn túryp kele jatqan jeti ana men eki jigitting jaghdayy.

Qúday múnday qorlyq pen azapty qazaq qana emes, adam balasynyng basyna bermesin dep tileymin!

Qúrmetti Marat Múratúly!

Qytay lagerinde qamalghan, ólgen jәne bostandyqqa shyqqanymen, otbasyna orala almay otyrghan tumalaryn joqtaghan sol jeti ana men eki jigitting Siz basqaratyn polisiya qyzmetkerlerinen kórmegen qorlyghy joq. Jaqyndarynan tiridey aiyrylghan beybaqtardy kýshtik qúrlymdardyng jigitteri kókpar qyp tartumen keledi. Óltirmegeni bolmasa, olardyng kórgen qúqayy men qorlyghy sol Qytay jendetterining tekpisinen kem bolghan joq. Ásirese, ótken jylghy 1 shildedegi QKP-nyng qúrylghandyghynyng 100 jyldyghy men 1 qazan QHR-nyng memlekettik merekesi qarsanynda olardy polisiyalarynyzdyng ýiinen, esigining aldynan sýirelep, tulaqsha sýirep, laqsha baqyrtyp, mashinalaryna tiyep әketkenine býkil dýniyejýzi kuә boldy. Sonday azaptaudyng kesirinen Almatydan óz ayaghymen jýrip kelgen 67 jastaghy Qalida Aqytqanqyzy mýgedekter arbasyna tanylyp qaytty. Bir top balasy men nemereleri iz-tozsyz joghalyp ketken bayqús keyuananyng Preziydentimizge múnyn shaghyp, «Qúrmetti Qasym-Jomart Toqaev myrza! Siz bir jaghy qaynym bolasyz. Men jengeniz bolamyn. Men Jalayyrdyng qatynymyn...» dep, zarlaghanyn estigende, say-sýiegimiz syrqyrap ketti.

Áriyne, ol kezde Siz Ishki ister ministri emessiz. Býgin sol ministrlikti basqaryp otyrsyz.

Mine, Qytay basshysy Qazaqstangha kele jatyr. Sizding qyzmetkerleriniz taghy da sol әdetine basyp, tumalarynyng kisilik qúqyghyn qorghap jýrgen qandastarymyz qazaq-qytay diplomatiyasynyng qúrbany etpeui kerek!

Qayta, Sy Szinipin myrza әuejaygha qonardan búryn olardyng alystan túryp bolsa da qyr kórsetuine mýmkindik jaratyp beruinizdi súraymyn.

Ekinshi ótinish, qúrmetti Múhtar Bekenúly, Sizge!

IYә, Sizge de aitarym sol jeti ana men eki jigitting mәselesi. Olar ótken jyly Núr-Súltangha deyin kelip, birneshe kýn ereuildetip, ózimizding qúqyq qorghaushylardyng jәbirine úshyrap, aqyry sileleri qatqan song auyldaryna qaytty. Syrtqy ister ministrligine jazghan hattary Sizding ministrlikting bir bólmesine tolyp qalghan bolsa kerek. Ár dengeydegi qyzmetkerlerinizben de talay mәrte kezdesip, aryzdaryn aitty. Týk nәtiyje shyqqan joq.

Endeshe, osy sapardy paydalanyp, sol bir top sherkókirekting Sy Szinipin myrzamen kezdesuin úiymdastyryp beruge yqpal etiniz.

Óziniz de habardar bolarsyz, onyng әkesi – ýlken Sy kezinde qazaqtarmen tyghyz dostyq, bauyrmaldyq baylanysta bolyp, qamqorlyq jasaghan kisi.

Al, myna kishi Sy de әkesining sol jolyn jalghan Shynhay-Gansudaghy qazaqtarmen dos bolghan. Búl turaly Qytayda anyzgha bergisiz әngimeler jetip artylady...

Keshe ghana Preziydent Qasym-Jomart Toqaev Qantar oqighasyna qatysqandargha bir rettik raqymshylyq jariyalady.

Eger, ebin tauyp, dúrys ornalastyra bilseniz, Sy Szinipin myrza da 580-kýnnen beri ereuildetip kele jatqan jeti ana men eki jigitting tumalaryna, tipti Qytaydaghy lagerge qamalghan barlyq qazaqqa bir rettik raqymshylyq jasap jibermesine kim kepil?!

Sol ýshin, jeti ana men eki jigitti Siymen kezdestirge yqpal etuinizdi ótinemin!

Auyt Múqiybek

Abai.kz