The New York Times (NYT) basylymy AQSh barlau qyzmetining esebine sýiene otyryp, Resey KHDR-dan «milliondaghan artilleriyalyq snaryadtar men zymyrandardy» satyp almaq dep jazdy. AQSh ýkimetining aituynsha, búl sanksiyalar Resey armiyasy ýshin oq-dәri jetkizu tizbegin «qatang shektegenin» kórsetip otyr. 

Amerika Qúrama Shtattary barlau qyzmetteri Soltýstik Koreyadan Reseyge qanday qaru týri keletinin naqtylamaghan  jәne jetkizu merzimin de aitpaghan. Aty-jónin atamaghan amerikalyq sheneunik Reseyding qysqa qashyqtyqtaghy zymyrandar men artilleriyalyq snaryadtar satyp alyp jatqanyn, sonymen qatar Soltýstik Koreyadan «qosymsha qaru týrlerin» satyp aluy kýtilip otyrghanyn aitqan. Alayda naqty qanday qaru ekenin aitpaghan.

Soltýstik Koreya 152 mm artilleriyalyq snaryadtar men Katusha zymyrandaryn shygharady. Búl turaly American Enterprise Institute birneshe maqala jazghan bolatyn. NYT basylymynyng aqparatyna sensek Reseyding búl qadamy amalsyzdan bolyp jatqan әreket ekenin kórsetedi. Mәskeu sanksiya qúshaghynda jatqan Soltýstik Koreya men Irannan qaru alugha mjәbýr, esesine Tegeran men Pheniyan ózine tiyimdi sharttardy Mәskeuge talap retinde qoya alady. Mysaly ekonomikalyq qoldau nemese Reseyding úshaqtaryn alu mәselesi qarastyryluy mýmkin. Soltýstik Koreyadan kez kelgen qarudy satyp alu BÚÚ qararyna qarsy әreket bolsa da, Mәskeu amalsyzdan búl qadamgha baryp otyr deydi basylym.

Búghan deyin Washington Post (WP) gazeti tamyz aiynda Resey irandyq drondardyng birinshi partiyasyn alghanyn habarlady. Basylymnyng habarlauynsha, kem degende eki týrli dron Reseyge jetkizilgen. Olar soqqy jasau jәne barlau salasyndaghy Mohadjer-6 jәne Shahed drondary. Basylym reseylik әskeriyler drondardy synaqtan ótkizu kezinde kóptegen tehnikalyq aqaulargha tap bolghanyn da jazdy. AQSh Irannan dron alu men ony soghysqa qoldanugha baylanysty Mәskeu men Tegerangha birdey qatang sanksiya salatynyn jetkizgen bolatyn.

Batys elderi salghan sanksiyalar Reseyding әskery potensialyn edәuir azaytty. Resey Ukraina maydanynda myndaghan tehnikasy men on myndaghan әskerinen aiyrylyp, onyng ornyn toltyru mýmkindikterin izdestirude. Álem elderi Batys sanksiyasyna úshyramau ýshin, Reseyge qaru satugha niyetti emes. Resey qarudy onsyz da sanksiyada jatqan elderden qúpiya týrde alugha mәjbýr.

Abai.kz