Qyrym taghy da el auzynda. Búl joly Qyrymdaghy jarylys әlemdik BAQ-tyng basty taqyrybyna ainaldy. 9 tamyz kýni Qyrymdaghy Novofedorovka auylyndaghy әuejay jaryldy. Jergilikti túrghyndar saghat 15:20-da kemi 12 jarylystyng bolghanyn aitady. 

Okkupasiyadaghy Qyrymnyng basshysy Sergey Aksenov bir adamnyng qaza tauyp, 13 adamnyng jaraqat alghanyn mәlimdedi. Sarapshylar Qyrymdaghy jarylysqa baylanysty týrli boljamdy aituda. Resey qorghanys ministrligi bir ghana núsqa qarastyrylyp jatqanyn mәlimdedi. Shoygudyng sózine sensek, "qauipsizdik erejelerin qatang saqtamaudyng saldarynan órt bolghan". Áriyne búl boljamgha kópshilik, tipti Resey halqynyng ózi kýmәnmen qaray bastaghan siyaqty.

"Mәskeu" kreyserining sugha batuyn "eshqanday da shabuyl emes, qauipsizdik erejelerin saqtamaudan boldy" degen edi. Qúny mlrd dollargha juyq kreyser Qara teniz flotynyng kóshbasshy kemesi (flagman) edi. Ol ýsh dengeyli qorghanys jýiesimen jaraqtandy jәne әue, teniz, qúrlyqtan jasalatyn shabuyldargha toytarys bere alatyn. Resey solay dep talay mәlimdedi. Alayda "Mәskeu" kreyseri tenizde dauyl joq sәtte sugha ketti. Sarapshylar "Mәskeudin" sugha batuy Ukraina qaruly kýshterining shabuylynan bolghanyn aitady jәne naqtyly dәleldedi. Soqqy jasaushy "Bayraqtar" drony "Mәskeudin" qorghanys jýiesining nazaryn ózine audarghan sәtte, zymyranmen qaptaldan soqqy jasalghany aitylady. Kreyserding sugha batqanyn Resey biyligi moyyndasa da, aqiqatty qoghamynan jasyryp qaldy jәne qaza tapqandardy iz-týssiz joghalghandar tizimine qosyp, jaqyndaryna shyndyqty aitpady.

Qyrymdaghy әuejay jayly da aqiqatty jasyryp qalatyny anyq. batys sarapshylary "Qyrymdaghy әuejaygha naqty soqqy jasalghanyna esh kýmәn joq" deydi. Oghan birneshe sebepti keltiredi. Birinshiden jay órtte bir mezette 12 jarylys bolmaydy, tek soqqy jasalghan sәtte ghana 12 jarylys bolady. Ekinshiden múnday әuejaydaghy órt qauipsizdigi joghary dengeyde bolady, yaghny әuejaydyng tútas órtenip ketuine jol berilmeydi, órt bastalghan sәtte-aq auyzdyqtalady. Mine, osy sebepterge qarap, "qauipsizdik erejelerin saqtamau degendi bastan shygharyp tastap, soqqy jasaldy" degen núsqany ghana qaldyru kerek.

Sarapshylar soqqyny nemen jәne qalay jasady degendi qarastyruda. Birinshi núsqa retinde Qyrymdaghy diyversanttardyng әreketi degendi keltiredi. Ol boyynsha әuejaygha diyversanttar kirip, jarylys úiymdastyruy mýmkin. Alayda әuejaydyng qorghanysy myqty, sondyqtan múnday qadam sózsiz atysqa úlasar edi deydi. Ekinshi núsqa zymyranmen jasalghan soqqy. Búl shyndyqqa janasady, tek qanday zymyran qoldandy degen súraq túr.

Ukrainagha Batys bergen HIMARS-tar bar. Alayda olargha resmy týrde әli 300 shaqyrymgha jetetin zymyrandar berilgen joq. Kiyevke tenizden bolatyn shabuyldan saqtanu maqsatynda Garpun zymyrandary jetkizilgen bolatyn. Mamandar "Garpun blok II" zymyrandarymen soqqy jasaugha bolatynyn aitady. Sonymen birge Ukrainanyng óz ónimi sanalatyn "Grom" zymyran kesheni bar. Onyng jasalyp jatqany jayly birneshe mәrte qorghanys ministrligi habarlaghan bolatyn, alayda úrys jaghdayynda kórsetken emes. Sipattamasynda "Gromnyn" 250-400 shaqyrymdaghy nysandargha soqqy jasau mýmkindigi bary aitylady. Sarapshylar soqqy jasalsa osy qúrylghylardan jasaluy mýmkin deydi.

Resey nege soqqy jasalghanyn moyyndamaydy? Sebebi búl Resey әskerining әue qorghanys jәne zymyran shabuylynan saqtanu jýielerining tiyimsizdigin taghy bir mәrte moyyndau bolyp tabylady.

Resey biyligi shyndyqty jasyryp, ótirikti asyryp jatqan sәtte, Qyrymnan ketushiler (qashushylar) sany artty. Olar Ukraina әskeri jaqyn aralyqta Qyrym kópirine soqqy jasaydy degen oida. Kiyev "mýmkindik bolghan sәtte, kópirge sózsiz soqqy jasalatynyn" jasyrmaydy.

Ashat Qasenghaliy

Abai.kz