Reseyding Ukrainagha soghys ashuynyng bir sebebi – Kiyevting NATO-gha kiru talpynysy bolatyn. Resmy Mәskeu solay deydi. Yaghniy, Resey óz shekarasynda NATO әskerining sany men әleueti artqanyn qalamaytynyn aityp, ózining tili, dili hәm dini úqsas kórshisine soghys ashty.

Kiyev qazirgi uaqytta NATO blogyna qosylugha úmtylmaytynyn aitty. Sebebi Ukraina NATO-gha kiru talaptaryna say kelmeytini aityldy. Basty talap NATO-gha kirushi memleketting aumaqtyq mәselesi bolmauy kerek, al Ukrainada Donbass pen Resey basyp alghan Qyrym mәselesi bar. Búl әskery aliyansqa Kiyevti kirgizui mýmkindiginen aiyrdy.

2021 jyldyng jeltoqsanynda Resey biyligi AQSh pen NATO-gha qatang talaptar qoyyp, ulitimatum jariyalady. Ol boyynsha Kremli bylay dedi: «NATO shyghysqa jyljuyn toqtatuy tiyis. NATO óz qataryna postkenestik elderdi qabyldamasyn jәne 1997 jylghy pozisiyasyna deyin sheginsin. AQSh pen Resey ózge el aumaghyna yadrolyq qaru ornalastyrudan bas tartyp, qazir bar yadrolyq qarularyn keri qaytarsyn».

Áriyne AQSh pen NATO búl talaptargha kýle qarady. Sebebi búl ózge elder men bloktardyng qúqyghyna qol súghu bolatyn.

Resey әskeri 24 aqpanda Ukrainagha basyp kirip, óz ulitimatumynyng shynayy ekenin kórsetuge tyrysty. Alayda búl әreketi arqyly Kremli NATOgha mýshe emes ózge elderdi әskery blokqa kiruge iytermeledi. Mysaly esh әskery blokqa mýshe bolmaghan Shvesiya NATO-gha qosylatynyn mәlimdedi, artynsha Finlyandiya da aliyansqa qosylu turaly jospary baryn aitty. Eki elding NATO-gha qosyluyna Resey kýnkildep, Týrkiya qarsylyq tanytty. Týrkiya Shvesiya men Finlyandiya lankestik úiymdardy qoldaushy dep aiyptady jәne NATO-gha kiruine qarsylyq bildirdi.

NATO-nyng Madrid qalasyndaghy tarihy sammiytinde Týrkiya, Shvesiya jәne Finlyandiya ózara kelisim jasay aldy. Shvesiya men Finlyandiya Týrkiyanyng memlekettik jәne últtyq mýddelerine qayshy keletin lankestik toptar men úiymdardy qoldamaydy jәne ol ýshin ýsh el arasynda ózara komissiya qúrylady. Al Týrkiya NATO-gha eki elding kiruine qarsy bolmaydy. Osylaysha shvedter men finderge NATO-gha kiruge esik ashyldy. Al býgin NATO-gha eki el qabyldanuy boyynsha sheshim shygharylyp, onda uaqyty men talaptary aityluy tiyis. Resey biyligi Ukrainany NATO-gha kirgizuden bas tartqyzamyn dep, aqyry ózge quatty eki eldi aliyansqa iytermeledi. Resey men Finlyandiyanyng arasyndaghy shekaranyng úzyndyghy 1200 shaqyrym. Búl degenimiz NATO-nyng Reseymen taghy 1200 shaqyrym shekarasy bolady degen sóz.

NATO sammiytinde Zelenskiy de onlayn sóz sóiledi. Al aliyans mýsheleri soghys tek әskery jolmen sheshilui tiyis ekenin aityp, kómekti toqtausyz beretinin jariyalady. NATO basshysy Stoltenberg: «Putin NATO-ny shyghys Europadan quyp shyqqysy keldi. Endeshe bizding jauap bylay bolmaq: Resey shekarasynda NATO sany artady».

Osylaysha Putin mýiiz súrap, qúlaqtan aiyryldy deuge tolyq negiz bar.

Ashat Qasenghaliy

Abai.kz