Enbek jәne halyqty әleumettik qorghau ministrligi Qazaqstanda ortasha zeynetaqy men bazalyq zeynetaqy tólemi qosa eseptegende 105 myng tengeden asty, dep habarlady.

Ministrlik dereginshe, jyl basynan beri jalpy 1,2 trln tengeden astam zeynetaqy tólengen. Biylghy mamyrda respublikalyq budjetten zeynetaqy tólemderine 235,4 mlrd tengeden asa, onyng ishinde bazalyq zeynetaqygha – 71,3 mlrd tenge, yntymaqty zeynetaqygha 163,2 mlrd tenge bólinipti.

“1 mausymdaghy jaghday boyynsha zeynetkerler sany 2 mln 246 mynnan asty. Zeynetaqy tólemderining ortasha mólsheri (bazalyq zeynetaqy tólemin qosa eseptegende) 105 189 tenge boldy”, - delingen habarlamada.

Eger azamattyng zeynetaqy jýiesindegi ótili 10 jyl nemese odan az bolsa, sonday-aq eger mýlde joq bolsa, bazalyq zeynetaqy eng tómengi kýnkóris dengeyining 54 payyzyn qúraydy. Sodan keyin 10 jyldan asqan әr jyl ýshin onyng mólsheri 2 payyzgha artady. Al eger enbek ótili 20 jyl bolsa, bazalyq zeynetaqy tómengi kýnkóris dengeyining 74 payyzyn, 30 jyl bolsa, 94 payyzyn qúraydy. Enbek ótili 33 jyl nemese odan kóp bolsa, kýnkóris dengeyining eng jogharghy mólsherinde belgilenedi.

Eger bir ay ishinde mindetti zeynetaqy jarnalary Birynghay jinaqtaushy zeynetaqy qoryna birneshe ret audarylsa, jinaqtaushy jýiege qatysu merzimi bir aidy qúraydy.

Osylaysha mindetti zeynetaqy jarnalary neghúrlym túraqty jәne tolyq kólemde audarylsa, zeynet jasyna jetkende bazalyq zeynetaqy tólemderining mólsheri soghúrlym kóp bolady.

Óz kezeginde azamattyng jasyna baylanysty zeynetaqy tólemderining mólsheri 1998 jylghy 1 qantardaghy júmys ótiline (kem degende 6 ay qajet) jәne zeynetkerlikke deyingi kezendegi ortasha ailyq tabysyna baylanysty bolady.

Abai.kz