Shymkentting búrynghy әkimi Ghabidolla Ábdirahymov pen ÚQK-ning búrynghy tóraghasy Kәrim Mәsimovtyng ýstinen «iri kólemdegi alayaqtyq» baby boyynsha tergeu jýrgizilip jatyr. Búdan búryn olar «reyderlik» boyynsha kýdikke ilindi degen aqparat payda bolghan edi. Búl turaly Mihail Kozachkov ózining telegram-arnasynda jazdy.

Kozachkov ne deydi?

«20-mamyrda telegram-kanalymda Shymkent qalasynyng eks-әkimi Ghabidolla Ábdirahymov pen ÚQK-ning búrynghy basshysy Kәrim Mәsimovke qatysty qozghalghan qylmystyq is turaly aitqan bolatynmyn. Bas prokuratura «Informburogha» bergen Ábdirahymovqa qatysty «reyderlik» baby boyynsha is joq degen jauabyn týsindiretin kez keldi.

Mәselen, 19 mamyrda Forbes jurnalynyng núsqasy boyynsha eng tabysty 50 biznesmen tiziminde 49-orynda túrghan belgili kәsipker Saydulla Qojabaev qúqyq qorghau organdaryna jýgindi.

Onyng týsiniktemesinde Ábdirahymov pen Mәsimov bar, jalpy bes adam odan iri kólemde jәne zansyz aqsha alghany aitylghan.

Olar ne súrap, aqshany kәsipker ne ýshin tólegeni әli júmbaq. Ókiline habarlastym, keyin kezdesemiz dep uәde berdi. Biraq aryz tirkelip, ERDR nómiri alynyp, is Almaty qalalyq polisiya departamentine berildi. Is 190-baptyng 4-bóligi – asa iri kólemdegi alayaqtyq boyynsha tergelude. Aqparatty podpolkovnik Ázirbek resmy týrde rastady», - dep jazady, Mihail Kozachkov.

Kozachkov aityp otyrghan Qazaqstannyng eng bay kәsipkerining biri Saydulla Qojabaev – «Kentau transformator zauyty» AQ, «Oral transformator zauyty» JShS, «Aqtau transformator zauyty» JShS, «Almaty elektr mehanikalyq zauyty» JShS, «Elektromontaj» AQ, Shymkenttegi jәne Asia Trafo joghary kerneuli transformatorlyq jabdyq óndiretin zauyt pen «PromEnergo» jobalau instituty kiretin Alageum Group korporasiyasynyng majoritarlyq iyesi.

Polisiya Shymkentting eks-әkimi, búrynghy mәdeniyet jәne sport viyse-ministri Ghabidolla Ábdirahymov pen QR ÚQK búrynghy tóraghasy Kәrim Mәsimovke qatysty qylmystyq isting qozghalghanyn rastady.

Polisiyanyng resmy aqparaty ne deydi?

«Azamat K. ótinishi QR QK-ning 190-baby, «Alayaqtyq» bóligi boyynsha SDTBT-de tirkeldi. Qylmystyq is boyynsha is jýrgizudi Almaty qalasy PD tergeu basqarmasy jýzege asyrady», - delingen polisiya habarlamasynda.

Biraq Ghabidolla Ábdirahymovtyng ózi búl aqparatty joqqa shygharyp otyr. Oghan qúqyq qorghau organdarynan eshqanday habarlama kelmegen kórinedi.

Ábdirahymov ne deydi?

«Shynymdy aitsam, eshqanday is turaly habarym joq. Eshkim eshqayda shaqyrghan joq, maghan eskertpedi. Áleumettik jelide jazylghandar bos sóz. Búghan mening esh qatysym joq. Búl ne ýshin jasalghanyn bilmeymin. Ol adam (aryz jazghan adam-red.) - qarapayym kәsipker, Qazaqstanda ondaylar kóp. Men kóp kәsipkerdi bilemin. Biraq ol adammen eshqanday qatysym bolghan emes jәne joq. Onymen mýldem baylanysta bolghan joqpyn. Áriyne, ómir boyy, dәlirek aitsaq, 22 jyl memlekettik qyzmette boldym. Men de basqalar siyaqty búl biznesmenderdi memlekettik qyzmetker retinde ghana biluim mýmkin», - dedi Ábdirahymov.

Ábdirahymov aqparat kózining «qylmys jasady dep aiyptaghanynyng ózi qylmysqa jatady» deydi.

«Nege adamdar múndaygha jol beredi. Búl aqparatty jariyalaghan Kozachkov myrza maghan habarlaspady. Keshe Bas prokuratura da aqparatty teriske shyghardy. Biraq olar әli tynyshtalmay otyr. Maghan bireu «tapsyrys» bergen siyaqty. Biraq múnyng ne ýshin jasalyp jatqanyn bilmeymin», - deydi ol.

Abai.kz