Jeksenbi, 26 Mausym 2022
Biylik 1170 2 pikir 11 Mamyr, 2022 saghat 14:58

Toqaev Reseydi ainalyp ótetin kólik baghyty jayly aitty

Ankarada memlekettik saparmen jýrgen Qazaqstan basshysy Qasym-Jomart Toqaev Týrkiya preziydenti Rejep Tayyp Erdoghanmen "strategiyalyq әriptestikti keneytu" jónindegi kelisimge qol qoyghanyn mәlimdedi.

Ekijaqty kelissózden keyin Toqaev pen Erdoghan yntymaqtastyqty bekitu jónindegi 14 birdey kelisimge qol qoyghan.

Erdoghan Toqaevpen kezdesu kezinde Reseyding Ukrainagha ashqan soghysy sóz bolghanyn jetkizdi. "Ukrainanyng tәuelsizdigi men aumaqtyq tútastyghyn saqtay otyryp jaghdaydy beybit retteu jónindegi kózqarasymyz sәikes keldi", - dep Týrkiya preziydentining sózderine silteme keltiredi Daily Sabah basylymy.

Reseyding әskery agressiyasyn aiyptamaghan Qazaqstan Ukrainanyng aumaqtyq tútastyghyn syilaytynyn, Donbasstaghy jikshilderdi moyyndamaytynyn jetkizgen. Núr-Súltan Ukrainagha birneshe ret gumanitarlyq kómek jiberdi. Qazaqstannyng joghary lauazymdy sheneunikteri Reseyge Batys engizgen sanksiyalardan ainalyp ótuge kómektespeytinin mәlimdegen.

Birqatar sarapshylar songhy kezde Ortalyq Aziyada belsendi bolyp jatqan Týrkiya qazirgi jaghdaydy paydalanyp, týrkitildes elderge yqpalyn jýrgizuge talpynyp jatyr deydi.

Taraptar sauda ainalymyn eki esege kóbeytuge niyetti ekenin mәlimdedi. Byltyr Týrkiya Qazaqstannyng syrtqy sauda әriptesining alghashqy bestigine engen. Toqaev búl saparynda bir mlrd dollar sauda kelisimine qol qoyylatynyn jetkizgen.

"Biz týrik halqy Qazaqstangha ýnemi kenpeyildi әri ashyq ekenin jaqsy bilemiz. Biz múny ýnemi sezinemiz. Búl sapar sayasi, sauda-ekonomikalyq, mәdeniy-gumanitarlyq, әskeriy-tehnikalyq, investisiyalyq yntymaqtastyqty odan әri damytugha mýmkindik beredi. Ásirese eki el ýshin Transkaspiy halyqaralyq kólik baghyttaryn qoldanu manyzdy", - dedi Toqaev kelissózden keyin.

Ol búl dәliz arqyly Reseydi ainalyp ótip, Qytaydan birden Europagha barugha bolatynyn aitty. Atalghan kólik dәlizi Qazaqstannyng Kaspiy tenizi arqyly Ázerbayjan, Gruziya, Týrkiya, әri qaray Europagha jol ashady.

Qytay sәuir aiynda Qazaqstan arqyly Reseyden ainalyp ótip, Europagha baratyn temirjol baghytyn ashqan.

Erdoghan sózinde Qazaqstan týrki halqynyng tarihy otany ekenin, al Týrkiya qazaqstandyqtardyng ekinshi ýii ekenin aitqan.

"Biz qazaq bauyrlarymyzdyng túraqtylyghy men qauipsizdigi ýshin jauapkershilik alamyz", - dedi týrik preziydenti.

Toqaev sapary eki elding diplomatiyalyq qarym-qatynasynyng 30 jyldyghyna arnalghan. Qazaqstan tәuelsizdigin eng birinshi moyyndaghan el Týrkiya boldy әri Ankara 1992 jyly birinshi bolyp diplomatiyalyq missiyasyn ashty.

Abai.kz

2 pikir