Batystyq BAQ Resey men Ukraina soghysyna qatysty tyng derekter men boljamdardy shygharuda. Resey әskerining ozbyrlyghy, Bucha qyrghyny, Mariupoli qorghanysy men qaladaghy teatrdy bombalau jәne «Azovstali» aiqasy eng birinshi bolyp Batystyq BAQ-ta jazyla bastady. 

The New York Times jazuy boyynsha, AQSh әskery barlaushylary Ukrainagha basqynshy Resey әskerining qimyldary men ornalasqan jeri jayly aqparat berip kelgen. Nәtiyjesinde Ukraina әskeri qarsy soqqy jasap, shabuyldy ýdetuge mýmkindik alghan. Resey әskerining generaldary arasyndaghy shyghyndy da osy sebeppen týsindiripti.

Ukraina búghan deyin Reseyding 12 generaly qaza tapqanyn mәlimdegen bolatyn. Búl әriyne әskery sarapshylardy tandandyryp otyr. Az ghana uaqyttyng ishinde әlemning ekinshi әskeri sanalatyn Reseyding generaldary qyrylyp jatyr. Búl barlau men aqparattyng naqtylyghyn jәne shabuyldyng josparly, jýieli bolghanyn kórsetedi.

Bayden әkimshiligi basqynshy Resey әskerin toqtatu jәne toytarys beru maqsatynda Ukrainagha jan jaqty kómekti ayamauda. Qarjylay jәne qaru-jaraq týrindegi kómekten bólek, aqparattyq kómek te artyp keledi. Ol Resey әskerining qúramy, basqynshy әskerding ornalasqan aimaghy men qozghaluy mýmkin boljamdy baghyttar, qaru týri men әskerding psihologiyalyq sipaty jәne taghy basqa aqparattardan túrady.

AQSh tarapy: «barlyq aqparatty tek biz berip otyrmyz deuden aulaqpyz», - deydi. Vashington Ukraina barlau qyzmetining júmysy óte joghary dengeyde ekenin aitady. Songhy kómek partiyasy boyynsha Ukrainagha Switchblade soqqy jasaushy barlaushy-dron snaryadtar kelip jetti. Búl tek qana soqqy jasau emes, sonymen qatar aqparat jinau maqsatynda da berilip otyrghan kómek deydi AQSh.

AQSh әskery sarapshylarynyng mәlimetinshe Resey әskerinen aqparatty jinau qiyndyq tudyrmaytynyn aitady. Sebebi әskerding aqparattyq qorghanysy tómen jәne psihologiyalyq jaghdayy nashar. Úrys dalasyndaghy jenilister men qolgha týsken Resey jauyngerlerining kóptigi aqparat jinaugha sebepker boluda. Vashington qanday aqparatty Ukrainagha bergenin naqtylap aitpady, sebebi ol Resey men AQSh arasyndaghy shiyelenisti tipti kýsheyte týsui bek mýmkin deydi.

Ashat Qasenghaliy

Abai.kz