Ukraina shekarasyna Resey jýz mynnan astam әskerin toptastyrdy. Okkupasiyadaghy Qyrymgha da әskery tehnikany shoghyrlandyruda. Batys elderi Resey jaqyn aralyqta Ukrainagha basyp kirui mýmkin ekenin boljap otyr.

Riga qalasynda NATO elderining syrtqy ister ministrleri jiyn ótkizdi. Jiyn barysynda Ukrainanyng syrtqy ister ministri Dmitriy Kuleba sóz alyp, bylay dedi:

«Óte ushyqqan jaghdayda ssenariy kelesidey boluy mýmkin. Resey Europada qalyptasqan qauipsizdik shenberin búzyp, 2008 jyly Gruziyany nemese 2014 jyly Qyrymdy tartyp alghanday әreket etui mýmkin. Osylaysha ol Donbassta soghys ashpaq». 

Ukraina syrtqy ister ministrining sózinshe shekara manynda Reseyding 115 myng әskeri toptasqan. Bir apta ishinde Resey qosymsha 23 myng әsker әkelgen. Shekara manynda Reseyding myndaghan artilleriyasy, tankteri men úshaqtary da túr. Al Qyrym men Donbassta Resey qorghanugha emes, shabuylgha arnalghan tehnikalar týrin shoghyrlandyrdy.

Sarapshylardyng pikirinshe, Resey әskeri Ukrainagha basyp kirse, úrys qimyldary Qara tenizde de boluy mýmkin. Reseyding búl әreketterine Rumyniya da alandaushylyq bildirip otyr. Mәskeu Ukraina manyna әskerin shoghyrlandyruyn birinshi mәrte jasap jatqan joq. 2021 jyldyng kókteminde dәl osynday jaghday bldy. Resey әskerin shoghyrlandyryp, iri әskery jattyghu ótkizdi. Artynsha AQSh preziydenti Baydenmen kelissóz ótip, Resey әskerin keri әketti. Al Pentagonnyng búl jolghy barlaushylary Reseyding әskeri endigi tanda shynayy negizde basyp kirui mýmkin deydi. Mәskeu barlyq aiyptaulardy joqqa shygharyp otyr.

Vashington Resey Ukrainagha basyp kirse, onda qatang jauap beretinin jetkizdi. Mәselen ekonomikalyq sanksiyalar saludan bastap, týrli halyqaralyq úiymdardan shygharu, ghalamtordan ajyratu da boluy yqtimal.

Osy rette Ukrainanyng ózinde el basshysy Zelenskiyge qarsy tolqular bolyp jatyr. Halyqtyng bir bóligi onyng taqtan ketuin qalasa, ekinshi bóligi «preziydentpen emes, Reseymen kýreseyik» degen úran ústanuda. Bir apta búryn Zelenskiy 1 jeltoqsan kýni elde tónkeris boluy mýmkin degen edi.

Abai.kz