Qazaqstan Últtyq Banki Qazaqstan Respublikasy Tәuelsizdigining 30 jyldyghyna arnalghan nominaly 20 000 tengelik mereytoylyq banknotty ainalymgha shygharady. Búl turaly Últtyq bankting baspasóz qyzmeti jazdy. 

Mereytoylyq banknottyng dizayny biregey tehnologiya boyynsha dayyndaldy: banknottyng tiginen ornalasqan jәne nominaldyng golografikalyq beynesin, Tәuelsizdikting 30 jyldyghyna arnalghan logotipti jәne Memleket basshysy Q.K. Toqaevtyng faksimiylesin qamtyghan metalsyzdandyrylghan jolaq әlemde alghash ret qoldanyldy.

Mereytoylyq banknottyng 27 qorghanysh elementi bar. Banknottyng dizayny ainalystaghy aqsha belgilerimen birynghay stilide jasalghan: bet jaghy negizinen tik beynelerdi, syrtqy jaghy kóldeneng beynelerdi qamtidy. Banknot basym týs – súr týste oryndalghan. Banknot kólemi 155h79mm.

Bet jaghyndaghy negizgi beyneler – Qazaqstan Respublikasynyng Memlekettik rәmizderi, Qazaqstan Respublikasynyng Túnghysh Preziydenti – Elbasy N.Á. Nazarbaev portretining golografiyalyq beynesi, Qazaqstannyng tәuelsizdigi men memlekettiligining nyshany retinde «Qazaq Eli» monumenti, «Mәngilik El» saltanat qaqpasy, qazaqtardyng dәstýrli túrghyn ýii «Kiyiz ýidi» bezendiru jelisi boyynsha «Basqúr» – taspasyndaghy qazaqtyng últtyq órnegining fragmenti.

Syrtqy betindegi negizgi beyneler – Qazaqstan Respublikasynyng Túnghysh Preziydenti – Elbasy N.Á. Nazarbaevtyng portreti, Núr-Súltan qalasynyng jәne Aqorda Preziydent reziydensiyasynyng panoramalyq kórinisi, Qazaqstan Respublikasy Tәuelsizdigining 30 jyldyghyn merekeuge arnalghan logotip beynesi.

Nominaly 20 000 tengelik mereytoylyq banknot Qazaqstan Respublikasynyng býkil aumaghynda tólemderding barlyq týri boyynsha naqty qúny boyynsha qabyldaugha, sonday-aq Qazaqstan Respublikasynyng barlyq bankterinde banktik shottarda audarugha, úsaqtaugha jәne aiyrbastaugha mindetti.

Elbasynyng portreti bar nominaly 10 000 tengelik alghashqy mereytoylyq banknot 2016 jyly shygharylghanyn jәne Qazaqstan Respublikasy Tәuelsizdigining 25 jyldyghyna oraylastyrylghanyn eske salamyz.
Qazirgi kezde Qazaqstanda nominaly 200, 500, 1 000, 2 000, 5 000, 10 000 jәne 20 000 tengelik banknottar ainalysta qoldanylyp jýr.

Abai.kz