Aqtoty Rayymqúlovanyng otstavkagha ketu turaly ótinishin Ýkimet qabyldamady. Nege?

2021 jyly 22 aqpanda QR Mәdeniyet jәne sport viyse-ministri Sәken Músaybekov «bukmekerlik kense men jalpy patronat salasyndaghy mýddelerdi lobbiyleu ýshin para aldy» degen kýdikke ilindi. Ony QR Sybaylas jemqorlyqqa qarsy qyzmeti Núr-Súltan-Dubay baghytyndaghy reyste ústaghan. Búl turaly Abai.kz aqparattyq portaly búghan deyin egjey-tegjeyli jazghan.

2020 jyldyng nauryz aiynda memlekettik qyzmetker jemqorlyqpen ústalsa, basshysy óz erkimen qyzmetten ketui tiyis degen Zang kýshine engen bolatyn. Jana erejege say qaramaghyndaghy qyzmetkeri para alghan basshy sot ýkiminen song 10 kýnning ishinde qyzmetin bosatuy kerek. Osyghan oray, 2021 jyl 14 mamyrda Ortalyq kommunikasiyalar qyzmetinde ótken baspasóz jiynynda Qazaqstannyng Mәdeniyet jәne sport ministri Aqtoty Rayymqúlova ózining orynbasary Sәken Músaybekovting para alu faktisi boyynsha qamaugha alynuyna baylanysty súraqqa jauap berip, eger Músaybekovting kinәsi dәleldense otstavkagha ketuge dayyn ekenin mәlimdedi.

«Men Konstitusiyagha sәikes kinәsizdik prezumpsiyasy bar ekenin aitqym keledi. Eng aldymen, kinә dәleldenui kerek. Eger kinәsi dәleldense, onda, әriyne, zangha sәikes men júmystan ketu turaly ótinish beremin. Biraq búl kinә dәleldengen jaghdayda bolady», - dedi ministr Rayymqúlova. Búl kezde viyse-ministrge qatysty sotqa deyingi tergeu jýrgizilip jatty.

2021 jyldyng 12 tamyz kýni Almaty qalasynyng Týrkisib audandyq soty Sәken Músaybekovke ýkim shygharyp ony kinәli dep tapty. Ol 190 baptyng 3-bóligi, 1-tarmaghy (asa iri kólemde alayaqtyq jasau) boyynsha aiyptalghan. Sot Músaybekovty 2021 jyldyng 18-21 aqpany aralyghynda (viyse-ministr lauazymynda bola otyryp) menshikke qatysty sybaylas jemqorlyq qylmysyn jasady dep tanyghan.

Kinәni Músaybekovting ózi de moyyndady. Músaybekov pen Almaty prokurory orynbasarynyng arasynda jasalghan kinәni moyyndau turaly prosessualdyq kelisimge sәikes, prokuror Músaybekovke alghan para somasynan on ese kóp mólsherde aiyppúl (62 394 000) saludy súraghan. Sot sheneunikti kinәli dep tanyp, oghan prokuror súraghan 62 394 000 tenge kóleminde aiyppúl salghan.

Biraz uaqyt ýnsizdikten keyin QR Mәdeniyet jәne sport ministri óz erkimen otstavkagha ketu turaly ótinish beredi. Biraq Ýkimet onyng ótinishin qabyldamaghan eken.

Ýkimetting jauap hatynda «Mәdeniyet jәne sport ministrligining aqparaty boyynsha, ministr Aqtoty Rayymqúlova búrynghy viyse-ministr S.J. Músaybekovke qatysty sot ýkimining zandy kýshine enuine baylanysty «Qazaqstan Respublikasynyng memlekettik qyzmeti turaly» zannyng 60-babyna sәikes, otstavkagha ketu turaly ótinish berdi. Ótinishti qarau nәtiyjeleri boyynsha otstavka qabyldanghan joq. Zannyng 60-babynyng 2-tarmaghyna sәikes «otstavkadan bas tartylghan jaghdayda sayasy qyzmetshi qyzmettik ókilettikterin atqarudy jalghastyrugha tiyis», dep jauap bergen.

Premier-ministr Asqar Maminning atyna joldanghan ótinishke nege búlay jauap berilgeni belgisiz.

2020 jyldyng nauryz aiynda qabyldanghan jemqorlyqqa qatysty zangha oray, qaramaghyndaghy qyzmetkeri para alghan basshy sot ýkiminen song 10 kýnning ishinde qyzmetin bosatuy kerek edi. Biraq nege ekeni belgisiz ýkimetting Rayymqúlovany ornynan bosatqysy joq...

Ayjan Temirhan

Abai.kz