Jwma, 10 Şilde 2020
COVID-19 QAZAQSTANDA. Jwqtırğandar — 54747. Jazılğandar — 31815. Qaytıs bolğandar — 264
Jañalıqtar 1302 0 pikir 10 Şilde, 2012 sağat 07:27

Eleujan Serimov. Qwlqınnıñ qwlı emes, jwrtınıñ wlı bolğandar

(Estelik kitabı. Astana. QR İşki ister organdarınıñ mediya ortalığı JŞS. 2012 j. -272 bet)

Juırda Erlik turalı kitap basılıp şıqtı. Halıqtıñ qauipsiz əri tınış ömiri üşin qaharmandıqpen eñbek etken, işki ister organdarında opat bolğan qızmetkerler jayında. Ürikken üydegisin, qorıqqan qoradağısın aldırğandarğa der kezde qol wşın berip özderin qwrban etkender turalı. Şığaruşılar estelik kitabı dep ataptı. Ras ta şığar. Elimiz täuelsiz bolğannan beri qızmettik borışın orındau kezinde beybit künde osınşama azamatımız qızmette jürip köz jwmıptı degenge adam senbestey. Aytuğa auzımız barmasa da aytayıq, ölimde de jwbanış bar eken. Jwbanış emey ne, bükil qoğam bolıp policeylerdi ğaybattap jatsa. Jer basıp tiri jürgender şınayı azamat qalpında qalğan azamattarın, qılmıskerlerdi wstap, qiın jağdayğa tüsken jandardı qwtqarğan qaysar is-əreketi men ərdayım batıl qadamğa dayarlığın äspettep baqiğa attanğan äliptesterin kitap betinde eske alıptı. Qaşan da auızğa kelgen söz arzan boladı. Erliktiñ qwnın tüsirmeyik desek te, aytıp jetkizu äste mümkin emes eken. Oqısañ, janıñ eziledi. Qamırıq mwñ basadı jüregiñdi. Aqiqat aşı, jalğan twşı ğoy. Bir sät kitap paraqtarına üñilip körelikşi...

 

(Estelik kitabı. Astana. QR İşki ister organdarınıñ mediya ortalığı JŞS. 2012 j. -272 bet)

Juırda Erlik turalı kitap basılıp şıqtı. Halıqtıñ qauipsiz əri tınış ömiri üşin qaharmandıqpen eñbek etken, işki ister organdarında opat bolğan qızmetkerler jayında. Ürikken üydegisin, qorıqqan qoradağısın aldırğandarğa der kezde qol wşın berip özderin qwrban etkender turalı. Şığaruşılar estelik kitabı dep ataptı. Ras ta şığar. Elimiz täuelsiz bolğannan beri qızmettik borışın orındau kezinde beybit künde osınşama azamatımız qızmette jürip köz jwmıptı degenge adam senbestey. Aytuğa auzımız barmasa da aytayıq, ölimde de jwbanış bar eken. Jwbanış emey ne, bükil qoğam bolıp policeylerdi ğaybattap jatsa. Jer basıp tiri jürgender şınayı azamat qalpında qalğan azamattarın, qılmıskerlerdi wstap, qiın jağdayğa tüsken jandardı qwtqarğan qaysar is-əreketi men ərdayım batıl qadamğa dayarlığın äspettep baqiğa attanğan äliptesterin kitap betinde eske alıptı. Qaşan da auızğa kelgen söz arzan boladı. Erliktiñ qwnın tüsirmeyik desek te, aytıp jetkizu äste mümkin emes eken. Oqısañ, janıñ eziledi. Qamırıq mwñ basadı jüregiñdi. Aqiqat aşı, jalğan twşı ğoy. Bir sät kitap paraqtarına üñilip körelikşi...

 

«...İİBB medicinalıq böliminiñ bastığı policiya podpolkovnigi B. Bijanovağa TT tapanşasınan oq atıldı, ol esin jinamastan Aqmola oblıstıq auruhanasında köz jwmdı. Keyin tergeu-izdestiru is-şaraları kezinde osı qılmıstıñ wyımdastıruşısı men orındauşıları tabılıp, wstaldı. Bwl kisi öltiru B. Bijanovağa onıñ qızmettik jwmısına baylanıstı tapsırıs boyınşa jasalğan...

...JTT tergeu amaldarın jürgizgen kezde, policiya ağa serjantı B. Qajımovqa azamat A. Bajapaev kelip, üş jigit sebepsiz bir adamdı wrıp, belgisiz jaqqa ketip bara jatqanın habarladı. Osı adamdardı wstau kezinde Bolat Ermekwlı jürek-qan tamırlarınıñ jetkiliksizdiginen qaytıs boldı...

...işki qızmet kişi serjantı EC-166/1 mekemesiniñ baqılauşısı Eduard Zeynullawlı Qwjamwratov qızmettik mindetterin orındau kezinde qaza boldı...

...1995 jılı 23 qırküyekte bwzaqılıq ərekettiñ jolın kesu kezinde Smağwl Tölegenwlı atıs jaraqatınan qaza taptı...

2001.28.05 Sandıqtau AİİB bastığınıñ № 107 bwyrığına səykes AİİB UWI aydauıl bölimşesiniñ policey jürgizuşisi policiya ağa serjantı B. Qozğanbaev egis nauqanı kezinde qoğamdıq tərtipti saqtau üşin Maksimov auıldıq okrugine issaparğa jiberilgen. 02.06 2001 jılı B.Qozğanbaev Maksimov auıldıq okrugınıñ aymağında qoğamdıq tərtipti saqtau kezinde alğan atıs jaraqatınan qaytıs boldı...

... 2011 jılğı 1 şildede sağat şamamen 00.00-de işinde on adamnan twratın qarulı qılmıstıq top tirek beketiniñ mañında «Mitsubisi-Delika» avtoköligimen policiya serjantı N. Alpısbay men policiya ağa serjantı A. Boranbaev otırğan qızmettik avtokölikke «Sayga» karabininen, Makarov tapanşasınan jəne tegis wñğılı añşı qaruınan oq atıp, oqiğa ornınan boy tasalağan. Policiya serjantı N. Alpısbay men A. Boranbaev atılğan oq saldarınan sol jerde köz jwmğan...»

 

Qarap otırıp janıñ türşigedi. Au, ay men künniñ amanında, beybit künde qıp-qızıl qırğın maydan bir. Qırşınınan qiılğan öndirdey jastar kil. Ärqaysısı ärbir ädemi ortanıñ, otbasınıñ bir-bir bwlanayları. Basqa gürzi wrğanday eseñgiretip tastaydı... Türli adamdar, türli tağdırlar, soñında añırap ana, ayaulı jar, bala-şağa qalğan... Nağız erlik, ar men namıs, parız ben mindetke adal bolu osı emes pe deysiñ. Bwrın keñes kezeñi şınaşaqtay wl men şaşbaulı qızğa deyin otan soğısındağı atalar erligin ülgi twtqızatın, mektepterde auğan soğısı ardagerlerin ardaqtatatın, soñğı kezde mwnı da manswq etkender tabılıp jatır. Al beybit kezdegi Erliktiñ jöni tipti basqa eken. «Bügingi künniñ qaharmanı kim?» degen saual töñireginde jazuşı ağayındar baspasöz betinde oy tolğaytını bar. Äytse de bügingi Qaharman işki «egosı» qalıñ Peçerinder emes, osı bozdaqtar degimiz keledi. Köre twrıp aytpağan körgensizdik belgisi degenge jüginip, uäyimşil oydıñ jeleuimen Batıldıqtı qwrmet twtar qauımğa arnalğan kitap şıqqandığın jar salıp äygilegimiz keldi. Iä, qasiretke de ädep kerek eken. Osı ädepti kitap şığaruşılar adal atqarıptı. Şığaruşılar - İşki ister ministrligine qarastı Qarağandı akademiyasınıñ wjımı. Kitapta: «Köptegen policeylerdiñ joğarı şen men sıylıqtarğa layıq bolıp tanılğanı tañğaldırmaydı. Elimizdiñ beybitşiligin saqtap jəne azamattar tınıştığın qorğau jolında öz ömirlerin qiğan batıl da qaysar qızmetkerlerdiñ esimderi el tarihında məñgilik jazıladı» delinipti. Rası osı.

Kärisin ordada qaldırmay, obada qaldırğan, öligin molada qaldırmay, dalada qaldırğan bwl siyaqtı şın mağınasında kisilik bağalanbaytın körgensiz qoğamda körgendi is jasağandar, bozdı bosağağa otırğızıp, torını törge şığarğan qisıq zamanğa qiıspaytın közsiz erlik  körsetkender ruhı riza bolsın deyik.

 

Eleujan Serimov,

policiya polkovnigi,

Qarağandı qalası.

 

«Abay-aqparat»

0 pikir