Seysenbi, 30 Qarasha 2021
1549 9 pikir 21 Qazan, 2021 saghat 16:17

Ministr men әkimdikting aitysy: kimdiki dúrys?

Semeyde pedagogterdi kóshe sypyrugha jibergen lauazymdy túlghalar aqyry әkimshilik jauapkershilikke tartyldy. Búl turaly QR Bilim jәne ghylym ministrligi endi әkimning orynbasaryn jauapqa tartudy súrap otyr. 

«Ángime Semey qalasy әkimining orynbasary D.A. Garikov turaly bolyp otyr. Sonymen birge әkim orynbasaryna qatysty tәrtiptik sharalar qoldanu turaly hat joldandy. Semey qalasy bilim bólimining basshysy N.A. Fesenkogha qatysty sógis týrinde tәrtiptik jaza qoldanyldy. Sonday-aq ol әkimshilik jazagha tartyldy», – dep habarlaydy Bilim jәne ghylym ministrligining baspasóz qyzmeti.

Mәlimdemede sonymen birge №9 mektep diyrektory N.V. Tegay jәne №43 mektep diyrektorynyng mindetin atqarushy A.V. Iskrina әkimshilik jauapkershilikke tartylghany aitylghan.

Tekseris barysynda senbilikke №43 mektebining pedagogterinen basqa №9 mektebining de múghalimderi jiberilgeni anyqtalghan.

Esterinizge sala otyrayyq, 16 qazan kýni Bilim ministri Ashat Aymaghambetov mekteptegi sabaqtardy toqtatyp, kóshe sypyrugha jiberilgen múghalimder turaly jazdy.

«Semey qalasyndaghy oqighagha baylanysty bilim beru salasyndaghy sapany qamtamasyz etu basqarmasy әkimshilik is bastady, tekseru jýrgizilude. Qala әkimining orynbasarynyng qatysy rastalsa, búl lauazymdy túlgha jәne basqa adamdar әkimshilik jauapkershilikke tartylady», – degen edi ministr.

Keyin ministrge Semey qalasy әkimining orynbasary Dmitriy Garikov jauap berdi.

«Búl jerde eshqanday artyq mәseleni kórip túrghan joqpyn. Búl bizding qalamyz, biz óz qalamyzdy taza ústaghymyz keledi әri osy ústanymdy ústanatyn kez kelgen jan búdan әri de senbilikke qalmay qatysady dep oilaymyn», – dep týsindirgen Garikov.

Abai.kz

9 pikir