Jambyl oblysy, Bayzaq audanyndaghy әskery qoymanyng jaryluyna qatysty shynayy derekter men naqty aqparat taratqan jurnalist Daniyar Álimqúldy tergeuge shaqyrtyp otyrghany belgili boldy. Daniyarmen birge Turaninfo.kz tilshisi  Islambek Dastan da kuәger retinde tergeuge shaqyrylghan. Áleumettik jeli qoldanushylary atalmysh oqighagha qatysty óz reaksiyalaryn bildirip jatyr.

Abai.kz saytynyng redaktory Núrgeldi Ábdighaniy bylay dep jazba qaldyrdy: «Berdibek Mashbekúly basqaratyn ónir songhy uaqytta (tipti jyldary) negativti jaghynan jii aitylyp, kórinip jýr. Ótkendegi adamy faktordan bolghan shetin oqigha kezinde әldekimning aulasynda ýiilip jatqan oq-dәri qauyrsyndaryn elge, el basqaryp otyrghandargha ekran arqyly kórsetken eki jurnalisti qudalaugha kirisip ketken eken. Daniyardyng telefonyn tәrkilep alyp, ózine «tis jarmaugha» búiyryp, qolhat alypty. BAQ-tyng jazuynsha, «tapsyrys» (shaghym) Berdibek Mashbekúly basqaratyn oblystyq әkimdikten týsken eken.

«Qorghalugha qúqyly kuәger» degen statustyng – «kýdikti» degen statuspen para-par ekeni belgili. Al jurnalisting mindeti – aqparat taratu. Daniyar sol aqparatty taratty. Súrau saldy. Onyng mәn-jayyn, adamgha ziyandy-ziyansyz ekenin qúzyrly ministrlik (Qorghanys ministrligi) «úiqysynan oyanghanda» baryp, biraz uaqyt ótken song ghana týsindiruge tyrysty. Shatasuym mýmkin. Aqparat taratyldy. Týsinikteme berildi. Gәp tamam. Endi sol ýshin arada qansha uaqyt ótkende tergeu jasalyp jatyr eken.

Aqparat taratqan adamnan – aiyptalushy jasaugha tyrysu – búl BAQ júmysyn «búghattaugha» jasalyp jatqan qasaqana әreket dep sipattalady. Búl naghyz masqara! Búl qauipti tendensiya. Sonda eger erteng ózge jurnalister qauipti, tipti kýdikti dýniyeni kórse, ýndemey ketuleri kerek pe?

«Jemqorlyqty, úrlyqty, jalpy qylmysty isti kórseng ainalyp ótu imiz kerek pe? Snaryadtyng dýmpuinen Daniyardyng sujeti elge, qoghamgha qauip tóndirdi me? Býginde BAQ pen jergilikti biylik arasy kýnnen kýnge alshaqtap bara jatqany, soraqysy oghan jauaptylardyng qynq demey otyruy alandatady», - dep dabyl qaqqan әriptesterimdi әbden qoldaymyn.

Qanshama shanaryqty qara jamyldyrghan apatqa kinәliler – mikrofon ústaghan tilshiler emes, tikeley jauapty ministrlik, ministrlikke baghynyshty ortalyq jәne jergilikti vedomstvo basshylary, jergilikti basshylar! Qudalau toqtatylsyn! Saparbaev, Túrghymbaev myrzalar múnday qudalaudy toqtatsyn! Balaeva hanym arasha týssin!

Jarylysqa jauapty basshylar emes, aqparat taratqan adamnan qylmysker izdeu - masqaranyng masqarasy ghoy...».

Al «Egemen Qazaqstannyn» tilshisi Qalmahanbet Múqametqaliy:

«Bir kezde «Qazaqstanda әdilet degen sóz adamnyng aty ghana bolyp qaldy...» dep jazghan em, keyinnen sony oqyghan sudiya aghamyz jatyp kep renjigen edi, «men ýnemi әdiletti sheshim shygharamyn» dep. Ol kisi qazir zeynetke shyghyp ketken... Jýie siyaqty zany da qayshylyqqa toly memlekette kәsiby mindetin atqarushy jurnalisten kinәli adam jasap jiberse... tanghalugha bolmaydy!

Tarazdaghy jurnalister - Daniyar men Dastan әriptesterimizdi qorghau, demeu bolu bizding yntymaqtastyghymyzdyng belgisi ghana emes, adamgershiligimizge de ýlken syn. «Ádiletting aq joly» degen kitap atauy ghana emes ekeni esimizden shyqpasa eken.

Al myna bap boyynsha qozghalghan isti sauatty advokat birinshi tyndauda-aq, byt-shyt qylady deydi tanys zanger», - dep kýiine jazypty.

Jeli qoldanushysy Miras Asan bolsa:

«Álimiz Álimqúlgha ghana jetti me?  Jambylda bolghan jarylysqa qatysty talantty aqyn bauyrymyz, bilikti jurnalist Daniyar Álimqúldy tergep jatyr dep estidik. Esi dúrys qogham jarylysqa tikeley kinәli hәm qatysty adamdardy jazalaushy edi. Biz bolsaq beyshara, kónbis qazaq jurnalisterin qyspaqqa ala jónelemiz.
Áriptesimizge arasha týsemiz!

Jalpy bizge jurnalisterding mәrtebesin anyqtaytyn, olardyng qúqyghyn tolyq qorghaytyn Zang qajet. Kim bolsa sol jurnalisterdi jelkeley jónelmeui kerek! Onyng sony jaqsylyqqa aparmaydy», - deydi.

The Qazaq Times tilshisi Miyat Kәshibay:

«Jambyl oblysy әkimdigi ishki sayasat basqarmasynyng shaghymynan keyin polisiya «Kórineu jalghan aqparat taratu» babymen qylmystyq is qozghapty. Jarylys kezindegi jayttargha qatysty bolsa kerek. Osy iske baylanysty tergeuge alynghandardyng biri - 7 arna tilshisi Daniyar Alimkul. Polisiya onyng telefonyn tәrkilep, ózinen ýndemeu turaly qolhat alypty.

Daniyar - Bayzaqtaghy jarylys kezinde Jambyl oblysynan tikeley aqparat taratqan tilshilerding biri. Ózim onyng 4-5 sujetin kórdim. Jalghan aqparat jariyalaghan jeri esimde joq. Ol Bayzaqtaghy snaryadttar ýiilgen ýidi, balasynyng mәitin izdep sendelgen ata-ananyng zaryn, әskery qoyma týbindegi Qaynar auylynyng qiraghan kelbetin kórsetti.
Berdibek Saparbaev myrza, jurnalisti әkimdikke únamaytyn sujet jasaghany ýshin qudalap jatyrsyzdar ma», - dep otyr.

Jurnalist Serik Joldasbay:

«Oblys әkimdigi Daniyardan keshirim súrasyn. Daniyar Álimqúlding isine qatysty Qazaq jurnalisteri ózining úiymshyldyghyn kórsetip, әriptesti arashalap alugha atsalysyp jatyr. Búl әriyne quantarlyq dýniye. Endi osy isti sonyna deyin qadaghalap, әriptesimizdi jaladan arashalap aluymyz kerek.

Búl iske oblys әkimi retinde Berdibek Saparbaev jauapty ekenin jazghanbyz. Oblystyq prokuratoranyng ókili shaghymdy Jambyl oblysy әkimdigi bergenin mәlimdedi. Demek Ishki sayasat basqarmasynyng tapsyrmasy boyynsha jurnalist aiypty bolyp otyr. Al Ishki sayasat joghary jaqpen aqyldaspay múnday shaghym týsire almaydy.

Eger is Bayzaq audanyndaghy jeke kәsipkerding snaryad saqtap otyrghanyna qatysty bolsa, oblys әkimdigi Daniyargha tynyshtyq berip qana qoymay, odan keshirim súrauy kerek. Sebebi ony osynday sergeldenge salghany ýshin isti jyly jauyp qoya salugha bolmaydy. Men jergilikti biylik ókilderining jariya týrde Daniyar Álimqúldan keshirim súrap, oghan tynyshtyq berudi talap etemin», - degen jazba qaldyrypty.

Daniyar Álimqúl men Islambek Dastandy qorghaugha qatysty qazaq jurnalisteri qol jinap jatyr. Esterinizde bolsa 26 tamyz kýni Bayzaq audanynda әskery qoyma jarylyp, 17 adam qaza tauyp, 93 adam jaralanghan bolatyn.

Abai.kz