Qazaqstan Preziydentining atyna kelgen hatta Djozef Bayden Semey yadrolyq poligonynyng jabylghanyna otyz jyl toluyna oray qúttyqtauyn jetkizgen. Búl turaly akorda.kzke silteme jasap, Abai.kz habarlaydy. 

– 29 tamyz kýni Semey yadrolyq poligonynyng jabylghanyna 30 jyl toluyna oray Amerika Qúrama Shtattarynyng atynan Qazaqstan Respublikasynyng halqyna eng izgi qúttyqtauymdy bildirgim keledi. Amerika Qúrama Shtattary búrynghy synaq poligony aimaghyn qalpyna keltiru men onyng qauipsizdigin qamtamasyz etu boyynsha Sizding Ýkimetinizben aradaghy jalghasyp jatqan yntymaqtastyqty qosa alghanda, Qazaqstanmen berik seriktestigin nyghayta bermek. Amerika Qúrama Shtattary Qazaqstannyng tәuelsizdik alghan alghashqy kýninen bastap Semey aimaghynda әriptestik qarym-qatynasta júmystar atqaryp keledi, – dep jazdy AQSh Preziydenti.

Djozef Bayden qauip-qaterlerdi birlesip tómendetuge baghyttalghan Nann-Lugar baghdarlamasy ayasynda kenestik yadrolyq synaq infraqúrylymynan qalghan múrany joi jolynda Qazaqstan men AQSh-tyng birigip júmys atqarghanyn eske alyp, eki elding dostyghyn atap ótti.

– Amerika Qúrama Shtattary Sizding elinizdi dos dep maqtana aitady jәne men seriktestigimizding әleuetin tolyq әri jemisti iske asyru ýshin Sizben júmys isteuge dayynmyn», – delingen Djozef Baydenning hatynda.

Abai.kz