Búl mәselening tuyndaghanyna kóp bola qoyghan joq. Alayda, elimizdin  mәdeniyet jәne sport ministrligi búl súraqqa mardymdy jauap qaytaratyn týri joq.

Esterinizge sala ketsek, búl keshenning qúrylysyna memleket tarapynan 124 million AQSh dollary júmsalghan bolatyn. Qazirgi baghammen eseptegende búl degeniniz 53 milliard tenge eken. Qazirgi tanda sportshylar osy keshende  sporttyng 18 týrimen shúghyldanady.

Jekening qolyna ótken jaghdayda, ol jerde tek velotrek qana qalyp, jyl sayyn 2 milliard tenge ghana subsidiya tólenedi dep kýtilude.

Sporttyng qalghan 17 týrining taghdyry әzirge eshkimge beymәlim qalyp otyr. Sol siyaqty osy manyzdy obiektining kimning qolyna ótetini de júmbaq kýiinde.

Astanamyzdyng sol jaghalauynda ornalasqan «Saryarqanyn» jalpy aumaghy 50 000 sharshy metrdi qúraydy. Velotrek pen múz aidynyn qamtityn búl keshende olimpiada sportshylary  dayarlyqtan ótedi, sonymen qatar túrmysy tómen otbasylar men mýgedekter ýshin de jenildikter qarastyrylghan edi.

Keshenning eng manyzdy artyqshylyghy mynada. Ondaghy arenany kez-kelgen sәtte boks, dzudo, gimnastika, basketbol, voleybol  jarystaryn ótkizuge,  sonday-aq, konserttik baghdarlamalar úiymdastyrugha ynghaylastyrugha bolady.

Sonymen, Astananyng sol jaghalauynda jasalyp jatqan bylyqtar bir-birimen battasyp jatyr.

Sportqa eshbir qatysy joq kompozitor-ministr  Japoniyagha at terletip baryp,  olimpiadany japadan jalghyz tamashalap mәz, al últtyq arnalardan jankýier boludy qansha armandaghan biz sekildi qarapayym júrt joghary biylikte otyrghan sheneunikterding búl әreketin týsinbey dal boluda.  Basqa basqa sport jәne dene shynyqtyru komiytetining tóraghasy Serik Sapiyev múny týsinui tiyis emes pe! Ne teledidarda joq, tek әleumettik jelilerden ghana oqimyz da qoyamyz. Biz qay ghasyrda ómir súrip otyrmyz?

Al chempiondar ligasy degende, barlyq traslyasiyagha qyruar qarjy bólinedi. Au, Olimpiada oiyndarynda  elimizding namysyn jyrtugha barghan jerlesterimizdi kók jәshikke telmirip, qoldau kórsete almasaq, eldigimiz qayda?

Endi mine sol soraqylyqtyng sonyn ala Núr-Súltannyng qaq tórindegi «Saryarqa» da qoldy bolyp ketpek pe! Al, Mәdeniyet (ókinishke qaray sport emes) ministrligining jaghasy jaylauda.

Sóitip,  KIMNING QOLYNA, KIMGE ÓTPEK? Bizdin  salyq tólemderimizding esebinen salynghan osynday  OBEKTILER  bizding pikirimizdi pysqyrmay, jeke menshikke óte berui tiyis pe?

Memlekettik jeke kәsipkerlik mekemesi mýmkindiginshe qoldan kelgenning bәrin jasap jatyr. Bir jaghynan olardy týsinuge de bolady.  Degenmen, olardyng da júmysyn miz baqpas sheneunikter әbden sergeldenge salghangha úqsaydy.

Shyntuaytqa kelgende, Mәdeniyet ministrligi  memleketimizge degen senimdi tam-túmdap joghalta bastady!

Túrmysy tómen otbasylar men mýgedekter tirnektep jighan-tergenderin sportpen shúghyldanugha, salauatty ómir saltyn qalyptastyrugha júmsap, keybir ata-analar ózderining qoldary tiymese de, baldaryn sport ýiirmelerine berdim dep mәz bop jýrgende, kenetten osynday problemalargha úryna bastady. Jer astynan jik shyqty, eki qúlaghy tik shyqty! Sonda sporttyn  qalghan 17 týrin shendi shekpendiler doybynyng tastaryn sekildi taqtadan shertip-shertip dalagha laqtyryp tastay bergeni me?

Eng soraqysy sol, jekening qolyna ótip ketken jaghdaydyng ózinde jeke mepnshik iyesine memlekettik budjetten jyl sayyn 2 milliard tenge bólinip otyrady eken! Al búl aqsha tek velosportshylar ýshin ghana!

Endi myna faktige nazar audaryp kórinizshi. Olimpiada sportshylaryn dayarlaytyn ortalyqtyng eki kesheni bar. Sporttyng ondaghan týrlerine ol jerde jylyna shamamen 2,8 milliard tenge bólinedi. Sonda velosport bizding últtyq oiyn týri me?

Egemendikting alghashqy jyldary eriksiz esimizge týsedi.  Memlekettik obiektiler, balabaqsha, basqa da mәdeny oshaqtar bolmashy baqyrgha satylyp, sheneunikterding shekpenin jam

Týk ózgermeppiz!  Bayaghy jartas  sol jartas!

Gh. Bekzat 

Abai.kz