Qazaqstanda azyq-týlik baghasy taghy aspandap ketti. Halyqty qymbatshylyq qysyp túr. Mysaly resmy mәlimet boyynsha 2020 jyldan beri súiyq may - 33,7%, qant - 32,8%, dәndi-daqyldar - 28,7%, kartop - 16,8%, jemister - 14,9%, makaron ónimderi - 14,7%, júmyrtqa – 10% ósken. Búl resmy mәlimet, al beyresmy mәlimet boyynsha baghanyng ósimi key jerde birge bir, al key jerde tipti eki esege deyin jetken. 

Sauda jәne integrasiya ministri Baqyt Súltanov qymbatshylyq turaly: "Aghymdaghy jyldyng bes aiynda tauar baghasynyng ósui boyynsha Týrkistan oblysynda joghary bolyp otyr. Onda әleumettik manyzy bar tauarlardyng baghasy  — 9,4 payyzgha ósken, Núr Súltan qalasynda — 8,5 payyz, Almatyda — 6 payyz. Bagha ósimi az ónirler retinde BQO — 5,7 payyz,  Aqmola oblasy — 5,6 payyz, Qaraghandy oblysy — 5,2 payyz bolyp túr", - deydi.

Búl payyzdar tek payyz kýnindegi qúrghaq statistika ispettes. Sebebi key ónirde kartoptyng kelisi 500 tengeden, al Semeyde sәbiz baghasy kelisine 550 tengege deyin jetken. Búny sarapshylar kókónis qorynyng qoymada azayymen jәne ontýstik diqandarynyng baghany ósirip jiberuimen baylanysty deydi. Baghany kóteruding basty sebebi janarmay baghasynyng kýrt ósuinen deydi diqandar. Sebebi tasymaldau qúny artyp ketken.

Al ministrding mәlimetinshe kartop baghasynyng ósip ketuine jergilikti әkimdikter kinәli. Olar ishki naryqty qamtamasyz etpey, kartoptyng basym bóligin syrtqa saudalap jibergen. Sondyqtan ishki naryqta tapshylyq payda bolghan. Búl basqa da kókónis týrlerine baylanysty.

Qymbatshylyq basqa da salada asqaqtap túr. Mysaly Últtyq statistika burosynyng derekteri boyynsha 2021 jylghy qantar-mamyr ailarynda bastapqy túrghyn ýy baghasy 8%-gha, ekinshi qaytalama túrghyn ýy baghasy 13%-gha ósken. Otandyq qúrylys materialdary baghasynyng ósimi biylghy qantar-sәuirde 16% qúraghan. Qúrylys materialdary da qymbattap ketken.

ÝKimet baghany túraqtandyru ýshin 50 mlrd tenge qarjy bólmek. Alayda búl sebeppen emes, saldarymen kýres ekenin eskersek, úzaq uaqytqa tiyisti nәtiyje berui ekitalay.

Abai.kz