Júma, 5 Nauryz 2021
Kórshining kólenkesi 4901 101 pikir 25 Qantar, 2021 saghat 13:08

Reseydegi maydan bizge qalay әser etedi?

Ótken senbide oppozisiyalyq sayasatker Aleksey Navalinyigha arasha súraghan halyq hәm Navalinyidyng jaqtastary Reseyding ondaghan qalasynda miting ótkizdi. Qarsylyq aksiyalary úzyn-sany 90-nan asa (VVS-ding dereginshe, 120-dan kóp) qalada ótken.

Narazylyq aksiyalarynyng geografiyasy Vladivostoktan Mәskeuge deyin jetken. Tipti, -50 gradustyq ayazgha qaramastan Yakutiya halqy da mitingke shyqqan. Al Resey astanasynda ótken narazylyq aksiyasyna 40 mynnan asa adam qatysqan. Resey biyligi Mәskeudegi mitingke 4 myngha juyq adam qatysty dep otyr. Jalpy Resey boyynsha, 3,5-4 myngha juyq adam ústalghan.

Kóshege shyqqan narazy júrt Alekseyge arasha súrap qana qoyghan joq. Jiyrma jyldan beri Resey biyligin tizgindep otyrghan Vladimir Putin men onyng komandasynyng júmysyna da syn aitqan. Otstavkasyn talap etip, diktaturalyq jýiege «toqtat», dep úrandatqan.

Navalinyidy qoldau aksiyalary Reseyde ghana emes, ózge shet memleketterde de ótken. Mysaly, Germaniya astanasynda ótken aksiya – songhy jyldardaghy orystildiler ótkizgen narazylyq aksiyalarynyng ishindegi adam eng kóp jinalghany bolghan. Oghan shamamen 3 mynday adam qatysqan. Múnan bólek, onshaqty memlekette Navalinyidy qoldaghan júrt sheruge shyqqan.

AQSh-tyng memlekettik departamenti Reseydegi sherushilerge kýsh qoldanu men úryp-soghu әreketterin qatang aiyptaytynyn mәlimdegen. Mәlimdemeni AQSh-tyng memlekettik departamenti ókili Ned Prays jasaghan. Olar Aleksey Navalinyidy bosatudy talap etken. Jalpy kóptegen Halyqaralyq úiymdar, sonyng ishinde «Amnesty International» úiymy men Europalyq kenes te Reseydegi repressiyalyq basyp-janshu әreketterin aiyptaghan.

Moya Rossiya sidit v turime". Kak proshly aksiy storonnikov Navalinogo v regionah - BBC News Russkaya slujba

Narazylyq aksiyalary kezinde kýshtik qúrylymdar (polisiya, OMON) sherushilerge kýsh qoldanghan. Rezenke tayaqtarmen (dubinka) úryp-soghyp jatqan viydeolar әleumettik jelige taraghan. Key jerlerde narazylyqqa shyqandar men kýshtik qúrylymdar arasynda qaqtyghys bolghan. Al narazylyq aksiyasy óterden búryn Reseydegi JOO men kolledjter óz studentterin mitingke shyqpaugha ýndep, óitpegen jaghdayda oqudan shagharylatynyn eskertken. Áleumettik jeliler men baylanys jelileri búghattalghan.

miting

Keybir sarapshylardyng pikirinshe, kesheli-bergi ótken jalpyhalyqtyq sheruler songhy onjyldyqtaghy Reseydegi eng iri narazylyq aksiyasy bolghan. Vladimir Putinning el ishindegi bedeli (reytingi) rekordtyq dengeyde tómendegen. Putin men onyng tónireginde toptasqan azshylyqty jarym qúrsaq, túrmysy tómen kópshilik (qarapayym halyq) tónkerip jiberuge dayyn ekenin kórsetti. Sol arqyly Kremliding el ishinde abyroy-bedelden aiyrylghanyn aiday әlemge әshkereledi.

miting

Býkil әlem júrty, sonyng ishinde әleumettik jelining qazaqstandyq hәm qazaq tildi segmenti de Reseydegi kýresker halyqty qyzyqtap jatty. Key sarapshylar: «Reseydegi maydan bizge qalay әser etedi», degendi sóz etse, endi bireuleri: «Bizding «Navalinyi» kim», degen saualdy talqy etipti. Biz әleumettik jelige sholu jasadyq.

Ash adamgha Qyrym da, Asadtyng amandyghy da kerek emes...

Ashat Qasenghaliy:

- «Qyrym bizdiki», «Asadty biz qútqardyq», «Armata», «Iskander», «S-500» degender halyqty búryn tynyshtandyryp, maqtanysh sezimin syilaghan shyghar, biraq endi olay bolmaytyn synayly. 2014 jyly Putin Qyrymdy tartyp alghanda reytingi rekordtyq dengeyge jetip edi, qazir kerisinshe rekordtyq dengeyge týsti. Basqynshylyq jasap, ózgening jerin tartyp alu halyqty biraz jylgha aldaydy eken, biraq úzaqqa emes. Óitkeni jeme-jemge kelgende sanany túrmys biyleydi, eng songhy sheshimdi «qaryn» qabyldaydy. Ash adamgha Qyrym da, Asadtyng amandyghy da kerek emes. Ashtyqty birneshe tipke bóluge bolady. Tamaqqa ash, azattyqqa ash, oy erkindigine ash. Búnyng barlyghy bir qoghamda jinalsa, onda tolqu, narazylyq sózsiz bolady.

Halyq Qiyr Shyghystan Europagha deyin, shyghystan-batysqa deyin 8000 shaqyrymdy alyp jatqan Reseyding týrli qalalarynda narazylyq sherulerine shyghyp jatyr. Navalinyy men onyng tútqyndaluy tek qozghaushy kýsh, al shynayy sebep túrmystyng nasharlauy, әleumettik tensizdikting orasan zor dengeyge jetui, jer resursynyng kóptigine qaramastan kedey elding qatarynda boluy, auyz ashqannyng sabaluy, qarsy pikir aitqannyng qamaluy, Euraziyanyng jýreginde túryp, isher as pen kiyer kiyimge jarymauy bolsa kerek. Sanksiyalar, pandemiya, júmyssyzdyq. Mәskeu men Peterbor halqy ghana qaghanaghy qaq, saghanaghy saq bolar. Olar ózge aimaqty «provinsiya» dep ishtey mensinbeytin dengeyge jetken. Búnyng bәri bir kýni búrq ete qalary sózsiz edi.

Ay sayyn pәteraqy ósip, kýn sayyn tamaq qymbattap, ilinip-salynyp әreng jýrgen sәtte, qanqúmar basshysy bireudi tarpa bas salyp, saldary sanksiya bolyp oralyp, ilinip-salynghan bayghústyng taghy da qaltasyn bagha qaqsa, ashugha bulyqpay qaytsin. Ony «ne iymeiyshiy analogov v miyre» degen temir-tersekting jalghan jetistigi qyzyqtyra qoymas.

Ia, býgingi tolqular Putindi qúlatpaydy. Onyng artynda shirigen jýieni qoldaytyn shirigen baylar, tendessiz jemqorlar men әlemdegi quatty ondyqqa kiretin әsker, polisiya túr. Sondyqtan, taghynda nyq otyr. Biraq ol «Putindi qúlatu mýmkin emes» degen oidy tuyndatpaydy. 1917 jyly patshany taqtan taydyrghan kóterilis 1900 jyldary bastalyp, 1905 jylghy «Qandy jeksenbimen» jalghasyn tauyp, artynsha ondaghan qarsylyqpen quattalyp, aqyry tónkerispen ayaqtaldy. Onyng tarihyn jaqsy bilemiz. Býgingi miting - beybit miting. Qaruly qarsylyq emes.

«Putin men Navalinyidyng qaysysy» jaqsy degenge keler bolsaq, Resey halqy ýshin bәlky Navalinyy jaqsy bolar, biz ýshin ekeui de emes. Putin agressor, Navalinyy әsireúltshyl. Onyng Qyrymdy qaytaru men Kavkaz halqyna, enbek migranttaryna qatysty aitqan oilary әsireúltshyldyghyn dәleldeydi. Sondyqtan Reseyge shynayy demokrat kelse dep tileymin. Kórshilerin syilaytyn, Halyqaralyq qújattardy moyyndaytyn, shekaralar men aumaqtyq tútastyqtargha kýmәn keltirmeytin, ózge elding ishki sayasatyna aralaspaytyn basshy kelse ghana, bizge jaqsy. Al onday basshy Putin taqtan taymay kelmeydi. Putin taqtan taymasa, keter shaghynda ózi ispettes bir agressordy qoyyp keteri anyq. Onday jaghday biz ýshin qauipti ekeni aitpasa da týsinikti.

Qazirgi Resey rejiymi úzaq otyrghan sayyn, biz de Euraziyalyq ekonomikalyq odaq, ODKB jәne t.b odaqsymaqtar ayasynda jútyla beremiz. Putin kózi tiri sәtte bizdi ol odaqtardan shygharmaydy. Mýmkin emes. Sondyqtan da qazir Mәskeu kóshelerinde tek qana orys últynyn, Resey halqynyng tandauy ghana emes, bir shetinen bizding de taghdyrymyz sheshilip jatyr-au...Kelispeuge qúqylysyz.

Aramyzdan «Navalinyi» shyqsa, ony da týtip jep qoyady!

Ámirjan Qosan:

- «Qazaqtyng «Navalinyiy» bar ma» degen pikirtalasqa: Qazaqstan men Resey sovettik imperiya shiynelinen shyqqan. Obektivti jәne subektivti sebepterge say sayasy jýieleri de, oghan negizdelgen biylikting jýiesi men korrupsiyasy da úqsas. Avtoritarlyq jýieler bir-birine úqsaydy, bir-birining is-әreketin qaytalaydy. Putin sarayy sekildi bizding basshylardyng da úrlaghan aqshalargha salghan ýlkendi-kishili saraylary bar. Ol turaly tәuelsiz BAQ jazyp ta jýr.

Sondyqtan qazaqtyng «navalinyilary» zertter, jariyalar taqyryptar men jemqor túlghalar, saraylar men basqa da nysandar jetip asady.

Biraq...

Qazaqtyng ózi ishinen «navalinyi» ne basqa oppozisiyalyq kózqarastaghy túlgha kózge týse qalsa, biylik emes, ózin oppozisiya sanaytyn ózge túlghalar ony týtip, jep qoyatyn shyghar! Ony óz basym ótken preziydent saylauynda óz kózimmen kórdim.

Mәselening basqa da tústary bar.

Putin sarayy, Medvedevting menshigi men mýlki turaly aqparat ghayyptan payda bolmaydy. Olardy biylik ishinde jýrgen yqpaldy top ókilderining ózi Navalinyilargha berui әbden yqtimal. Bizde onday toptar bar ma?

Jemqorlyqty osylaysha úiymdasyp zertteu, jalpy oppozisiyalyq kýres sonymen birge qomaqty qarjyny qajet etedi. Sonday úiymdar men túlghalargha qarjylay kómek beretin últtyq burjuaziya bizde bar ma?

Reseydegi jaghday bizding biylikke sabaq boluy tiyis!

Amirtaev Azamathan Saylauovich biografiya - QAZAQSTAN JANALYQTARY

Azamathan Ámirtay:

- Keshegi Vladivostoktan Sankt-Peterburgqa deyin Reseyding barlyq qalalaryn sharpyghan sheru-tolqu bizgede oy salyp ketti. «Daudyng basy Dayrabaydyng kók siyry» demekshi, daudyng basynda zanger –oppozisioner Aleksey Navalinyy túrghanymen, sherulerding týp-tórkinin aqtarsang basqa nәrse bar ekenin kóruge bolady. Ol - halyqty Putindik biylikting jalyqtyrghany, әleumettik mәselelerding sheshilmeui, ekonomikadaghy kýizelis, Kremliding imperiyalyq ambisiyasynyng kesirinen AQSh bastaghan Batys elderining sayasi-ekonomikalyq sanksiyalaryna dushar boluy, ýrkerdey bay-manaptardyng halyqqa tiyseli baylyqty tonauy t.b. Múnyng bәri qara halyqqa auyr tiydi. Aqyry halyqtyng sheruge shyghuyna alyp keldi.

Resey júrty Putindi almastyratyn túlgha izdeude. Onda da ol halyqqa jaqyn boluy tiyis. Ázirge onyng «rólin» Navalinyy oinauda. Aqiqatyn aitar bolsaq, bizdegi jaghday da Reseyge úqsas. Bizde de biylik halyqty bala sekildi aldap ústaghysy keledi. Bar baylyq az ghana oligarhtardyng qolynda, ekonomikada ósim joq, halyqtyng túrmys-tirshiligi tómen. Zan-zakon biylikke ontaylastyryp qana jasalady. Sayasy reformalar joq. Jemqorlyq dendep barady. Parlamentte sol bayaghy ýsh partiya, onda biylikke jaqqan deputattar otyr. Memleketting negizi bolatyn orta burjuaziya qalyptasqan joq. Tilding týri anau, san aghymgha bólingen dinimiz mynau... Tize bersek problema jetedi.

Qazirgi Qazaqstandaghy jaghday jarylghaly túrghan biteu jara ispetti. Eger de resmy Núr-Súltan Reseydegi jaghdaydan sabaq alyp, halyqqa moyyn búrghysy kelmese, bizde de bir Navalinyy shyghyp biylikke qarsy «qalmaqtyng shandy joryghyn» jasary әbden mýmkin.

CentralAsia: Navalinyy opublikoval rassledovanie o «dvorse Putina». Viydeo

Týiin. Aleksey Navalinyy «novichok» uymen ulanyp, auruhanagha týsken. Keyin Germaniyada emdelip, 18 qantar kýni Reseyge qaytyp oralghan. Ol Reseyge kelgen bette, әuejayda tútqyndalghan. Al 19 qantar kýni Navalinyy men onyng «Jemqorlyqpen kýres qory» әzirlegen hәm әshkerelegen «Putinning sarayy» deytin derekti filimdi qazirge deyin 85 milliongha juyq adam kóripti. 1,5 million pikir jazylghan.

Abai.kz

101 pikir