Qazaqstan Preziydenti Qasym-Jomart Toqaev Densaulyq saqtau ministri Aleksey Soydy qabyldady. Memleket basshysyna koronavirus indetine qarsy kýres boyynsha Qazaqstanda qabyldanyp jatqan sharalar jóninde esep berildi.

Preziydentke pandemiyanyng jer sharyndaghy negizgi taralu tendensiyalary jәne virusqa qarsy kýrestegi elimizding reytingisi turaly da bayandaldy. Dýniyejýzilik densaulyq saqtau úiymynyng deregine sәikes, 1 million adamgha shaqqandaghy indetke shaldyqqandardyng sany boyynsha Qazaqstan 221 memleketting ishinde 109-orynda, ótkizilgen test synamalarynyng sany boyynsha 67-orynda, ólim-jitim boyynsha 94-orynda, COVID-19 indetinen jazylyp shyqqandardyng sany boyynsha 48-orynda, dertting auyr tiii túrghysynan 50-orynda.

Sonymen qatar Memleket basshysyna ónirlerdegi epiydemiyalyq jaghday turaly, sonyng ishinde, karantin sharalarynyng kýsheytilui jәne últtyq  densaulyq saqtau jýiesining qolda bar resurstary jayynda mәlimet berildi. Densaulyq saqtau ministri júqpaly aurular stasionarlaryndaghy dertke shaldyqqan adamdar jatatyn oryndardyng 33 payyzgha tolghanyn, jan saqtau bólimderinde búl kórsetkish 21 payyzgha jetkenin aitty.

Aleksey Soy COVID-19 virusyn júqtyrghandar sanynyng kóbengine qaramastan, elimizdegi ahualdyng baqylauda túrghanyn jәne medisinalyq qyzmetting azamattargha qajetti kómek kórsetuge dayyn ekenin atap ótti.

Ministr elimizde adamdardyng koronavirustan qaytys bolu dengeyi byltyrghy shilde aiymen salystyrghanda 4 ese tómendegenin jetkizdi. Búl dertke shaldyqqandargha kómek kórsetu ýshin qabyldanghan sharalardyn, sonyng ishinde alghashqy medisinalyq-sanitarlyq jәrdem beru dengeyining tiyimdiligin kórsetedi. Beyindi vedomstvonyng mәlimeti boyynsha, barlyq ónirdegi salynghan júqpaly aurular auruhanalary halyqaralyq standartqa say keledi jәne nauqastargha qajetti kómek kórsetude.

Qasym-Jomart Toqaev Aleksey Soygha epiydemiyalyq ahualdy qatang baqylauda ústaudy, halyqty uaqytyly әri tolyq qúlaqtandyru júmystaryn sapaly úiymdastyra otyryp, jappay vaksina eguge dayyndyqty tiyisti dәrejede qamtamasyz etudi tapsyrdy.

Abai.kz