Júma, 29 Nauryz 2024
Qogham 5305 3 pikir 4 Qantar, 2021 saghat 13:06

Soy nege vaksina saldyrmay jýr?

Ótken aptada Jambyl oblysynyng әkimi Berdibek Saparbaev koronavirusqa qarsy vaksina saldyrdy. Qazaq biyligindegi qart kadrlardyng biri Saparabaevtan sәl erterek preziydent kenesshisi Erlan Qariyngha da vaksina salynghan. Al bilim jәne ghylym ministri Ashat Aymaghambetov sonau qara kýzde (25 qyrkýiek) vaksina qabyldaghan.

Jogharyda aty atalghan shendilerding bәrine qazaqstandyq QazCovid vaksinasy egildi.

Qazir elimizde otandaq mamandar dayyndaghan QazCovid vaksinasynan bólek, reseylik vaksinalar da synaqtan ótip jatyr. Songhysynyng sapasy jayly әngime kóp. Álemdik dengeyde әli moyyndalmaghan Resey vaksinasyn alghashqylardyng biri bolyp Qazaqstan satyp alghan bolatyn.

Reseylik vaksinany alu turaly kelissózdi jýrgizu ýshin Mәskeuge Densaulyq saqtau ministri Aleksey Soy barghan edi. Biraq Soy myrza ózi basy-qasynda jýrip satyp alghan reseylik vaksinany da, otandyq mamandar jasaghan QazCovid vaksinasyn da saldyrmaghan kórinedi.

Búl turaly 3 qantarda ótken brifing barysynda ministrding ózi aitty.

- Ázirshe qazaqstandyq ta, reseylik te vaksina saldyrmadym. Qazir biz qorytyndy nәtiyjeni kýtip otyrmyz. Sodan keyin alghashqylardyng biri bolyp vaksina saldyramyn. Vaksina Qazaqstanda resmy týrde tirkelip, jappay vaksinasiyagha shyqqan sәtte mindetti týrde, - dedi Soy.

Jurnalisterding súraghyna oray, ministr ne ýshin әli koronavirusqa qarsy vaksinany saldyrmay jýrgenin týsindirdi. Onyng aituynsha, densaulyq saqtau ministri vaksina saldyrsa, búl tútas halyqty vaksina qabyldaugha shaqyru bolyp sanalady eken.

- Mynany týsinip alu manyzdy. Densaulyq saqtau ministri vaksina saldyrsa búl halyqty vaksina saldyrugha shaqyru dep esepteledi. Búl vaksina qauipsiz әri tiyimdi ekeni dәleldengeni. Sondyqtan biz medisinalyq júmysshy retinde, osy saladaghy maman retinde onyng qauipsiz әri tiyimdi ekenine kepil boluymyz kerek. Qazir ol klinikalyq synaqtyng birinshi jәne ekinshi fazasynda qauipsiz әri tiyimdi degen qorytyndy aldyq. Retteushi retindegi bizding mindet - barlyq qajet qorytyndyny alghan song vaksina saldyryp, ony kórsetemiz. Sebebi halyq onyng tiyimdi әri qauipsiz ekenin týsinui kerek. Qazirgi uaqytta vaksina saldyrghandargha kelsek, búl erikti shara, әrkim ózi sheshim qabyldaydy, búl klinikalyq zertteu ayasynda jýrip jatyr. Múnday zertteuge qatysu ýshin kýn sayyn dene qyzuyn ólshep, qosymsha baryp, tekserilu kerek. (...) Sondyqtan biz jappay vaksinasiyalau bastalghanda әreket etemiz, - dedi ministr.

Ministr Soy qazaqstandyq jәne reseylik vaksina naqty tirkeluden ótip, tiyimdi әri qauipsiz ekeni teksersten ótkenin kýtip otyrghanyn aitady. Onyng sózinshe, eki vaksina da qauipsiz ekenin dәleldeu ýshin ministrlik qyzmetkerlerining jartysy reseylik, al jartysy qazaqstandyq vaksina saldyrady eken.

Abai.kz

3 pikir

Ýzdik materialdar

Alghys aitu kýni

Alghys aitu kýni jәne onyng shyghu tarihy

Jomartbek Núrman 1581
Alashorda

Qojanov mejeleu nauqanynda (Jalghasy)

Beybit Qoyshybaev 2280
Ghibyrat

Qaysar ruhty ghaziz jan

Múhtar Qúl-Múhammed 3606