Kýni keshe Qyrghyzstan Konstitusiyalyq kenesinde qogham qayratkeri Sadirdin Tóraliyev orys tilin resmy mәrtebesinen alyp tastau turaly úsynys aitty. Búl jóninde 24.kg mәlimdedi.

Onyng aituynsha, qazir qyrghyz jastary óz ana tilin úmytyp bara jatyr.

«Búl radikaldy bolyp kórinui mýmkin. Biraq men - memlekettik til retinde tek qyrghyz tilin qaldyrudy úsynamyn. Biz basqa tilderdi basqa zandarmen damytatyn bolamyz. Qazir orys tili resmy mәrtebege iye. Biz oghan ýirenip, baylanghan ittey bolyp otyrmyz. Búlay bolmauy kerek», - dedi ol.

Sonymen qatar Tóraliyev bolashaqta qyrghyz tili joyylyp ketpeui ýshin ony damytugha jaghday jasau kerektigin aitty.

«Jastar nege qyrghyz tilin ýirenbeydi? Sebebi oghan qajettilik joq. Siz sol qajettilikti jasauynyz kerek. Sonda ghana barlyghy qyrghyz tilin ýirenip, sóileytin bolady», - dedi qogham qayratkeri.

Tóraliyevting búl sózi Konstitusiyalyq jinalysta biraz talqygha týsipti. Alayda, býgin Konstitusiyalyq jinalystyng «Adam jәne azamat qúqyqtary men bostandyqtary» bólimining jetekshisi Núrlan Sheripov onlayn brifing ótkizip, orys tili Qyrghyzstannyng resmy tili bolyp qala beretinin mәlimdedi.

Onyng aituynsha, әrtýrli úsynystar bolghan, biraq Konstitusiyalyq jinalys mýsheleri negizgi zanda qyrghyz tilin memlekettik til, orys tilin elding resmy tili retinde qaldyru turaly sheshim qabyldaghan.

«Orys tili resmy til bolyp qala beredi. Konstitusiyalyq mәjilis qyrghyz tilin memlekettik til, al orys tilin resmy til retinde bekitti. Aghylshyn tilin engizu turaly úsynystar boldy, biraq biz Konstitusiyanyng osy bóligindegi tújyrymdamasy qalady dep sheshtik», - dedi ol.

Ayta keteyik, qazir Qyrghyzstanda Jana Konstitusiya jobasy qoghamdyq talqylaugha úsynyldy. Onyng mәtini parlamentting resmy saytynda jariyalanghan.

Abai.kz